தமிழ்நாடு:


* தமிழ்நாட்டில் உள்ள கடற்கரையில் டிசம்பர் 31-ஆம் தேதி இரவு மற்றும் ஆங்கில புத்தாண்டு அன்று கொண்டாட தமிழ்நாடு காவல்துறை தடை விதித்துள்ளது.


* வளிமண்டல மேலடுக்கு சுழற்சி காரணமாக தமிழ்நாடு, புதுச்சேரியில் 5 நாட்களுக்கு மழை பெய்ய வாய்ப்புள்ளதாக வானிலை மையம் தகவல்


* சென்னையில் கடந்த சில நாட்களாகவே அன்றாட கொரோனா பதிவு அதிகரித்து வருகிறது. இதனால், மக்கள் முகக்கவசம் அணிய வேண்டும், சமூக இடைவெளியைக் கடைபிடிக்க வேண்டும், தடுப்பூசி செலுத்தாதோர் தடுப்பூசி செலுத்திக் கொள்ள வேண்டும் என அமைச்சர் மா.சுப்பிரமணியனும் அறிவுறுத்தியுள்ளார்.


* 2026-ஆம் ஆண்டு  சட்டப்பேரவைத் தேர்தலில் தமிழகத்தில் ஆட்சியைப் பிடிப்பதே லட்சியம் என சென்னையில் நடைபெற்ற பாமக புத்தாண்டு சிறப்பு பொதுக்குழு கூட்டத்தில் சபதமேற்கப்பட்டிருக்கிறது.


* கடந்த 6 வருடமாக ஆன்மீக பயிற்சியை கொடுத்து வருவதாகவும், தான் சாமியார் இல்லை என்றும்  அன்னபூரணி அரசு அம்மா கூறினார். இறுதியில் சத்தியம்தான் ஜெயிக்கும், தர்மத்தை நிலைநாட்டுவேன் என்றும் கூறினார்.


* வடகிழக்கு பருவமழை பாதிப்புகளை நிரந்தரமாக சரி செய்ய தமிழ்நாட்டுக்கு 6,230 கோடி ரூபாய் நிதியை மத்திய அரசு ஒதுக்க வேண்டுமென பிரதமர் மோடிக்கு முதலமைச்சர் ஸ்டாலின் கடிதம் எழுதியுள்ளார்.


*  கூட்டுறவு வங்கிகளில் நகைக்கடன் பெற்றவர்களில் 35 லட்சம் பேருக்கு நகைக்கடன் தள்ளுபடி கிடையாது கூட்டுறவுத்துறை பதிவாளர் அறிவிப்பு.


இந்தியா:


* ஜார்க்கண்ட் மாநிலத்தில் இருசக்கர வாகனத்திற்கு மட்டும் பெட்ரோல் விலை லிட்டருக்கு 25 ரூபாய் குறைக்கப்பட்டுள்ளது.


* புதுச்சேரியில் புத்தாண்டு கொண்டாட்டங்களுக்கு தடை இல்லை என்று கூறிய சென்னை உயர்நீதிமன்றம், மதுபான விற்பனைக்கு தடை விதித்துள்ளது.


* தங்களுக்கு வாக்களித்தால் 70 ரூபாயில் தரமான மதுபானம் கொடுக்கப்படும் என ஆந்திர பாரதிய ஜனதா தலைவர் சோமு வீரராஜூ கூறியது பெரும் பரபரப்பு ஏற்பட்டது.


* மத்திய பிரதேசத்தின் ஜபல்பூர் மாவட்ட கலெக்டர் கரம்வீர் சர்மா, மக்கள் அளித்த புகார்கள் தொடர்பாக உரிய நேரத்தில் நடவடிக்கை எடுக்காததால் தனது சம்பளத்தை தானே 'கட்' செய்துள்ளார்.


உலகம்:


* ஸ்பேஸ் எக்ஸ் மற்றும் டெஸ்லா நிறுவனத்தின் தலைவரான எலான் மஸ்க்கின் செயற்கைக்கோள்கள் தங்கள் விண்வெளி நிலையத்தை மோத வந்ததாக சீனா புகார்.


* சூடானில் தங்க சுரங்கத்தில் ஏற்பட்ட விபத்தில் சிக்கி 38 பேர் பரிதாபமாக உயிரிழந்துள்ளனர்.


விளையாட்டு:


* இந்திய அணிக்கு எதிரான முதல் டெஸ்ட் போட்டியில் தென்னாப்பிரிக்க அணிக்கு 305 ரன்கள் இலக்கு நிர்ணயிக்கப்பட்டுள்ளது.


* தென்னாப்ரிக்காவுக்கு எதிரான முதல் டெஸ்ட் போட்டியில் ஒரே இன்னிங்ஸில் 5 விக்கெட்டுகளை வீழ்த்தி டெஸ்ட் கிரிக்கெட்டில் 200 விக்கெட்டுகளை எட்டியிருக்கிறார் முகமது ஷமி.


மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்


ABP நாடு செய்திகளை சமூக வலைத்தள பக்கங்களிலும் பின் தொடரலாம்


பேஸ்புக் பக்கத்தில் தொடர


ட்விட்டர் பக்கத்தில் தொடர


யூட்யூபில் வீடியோக்களை காண