தமிழ்நாடு:
- ஆளுநர் செயல்பாடு தொடர்பாக இன்று பேரவையில் தனி தீர்மானம் கொண்டு வருகிறார் முதலமைச்சர் முக ஸ்டாலின்
- சென்னை கோவைக்கு இடையிலான முதல் வந்தே பாரத் ரயிலில் ஏப்ரல் 16 ம் தேதி வரை டிக்கெட் ரிஷர்வேஷன் நிறைவு
- சிஆர்பிஎப் கணினி தேர்வை தமிழில் நடத்த வேண்டும்: மத்திய உள்துறை அமைச்சருக்கு முதலமைச்சர் முக ஸ்டாலின் கடிதம்
- பிரதமர் மோடியிடம் தமிழகத்திற்கு முக்கியத்துவம் அளிக்கும் விதமாக, பல்வேறு கோரிக்கைகளை முதலமைச்சர் மு.க.ஸ்டாலின் முன்வைத்துள்ளார்.
- நிலக்கரி சுரங்க விவகாரம் அண்ணாமலை என்ன ஆண்டவனே கேட்டாலும் தப்பு தான்.ஆண்டவனே கேட்டாலும் இத்திட்டத்தை நடத்த முடியாது என மதுரையில் முன்னாள் அமைச்சர் செல்லூர் ராஜூ பேச்சு.
- தமிழகத்தில் நிலக்கரி சுரங்கம் அமைக்க அனுமதி அளிக்க மாட்டோம் என்று தமிழக முதலமைச்சர் நடைபெறுகின்ற சட்டமன்ற கூட்டத்தொடரில் சட்டம் இயற்ற வேண்டும் என்று அன்புமணி ராமதாஸ் கோரிக்கை வைத்தார்
- தமிழகத்தில் இன்று மழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது.
- தமிழ்நாட்டையும், தமிழக மக்களையும் நேசிக்கிறேன் என்று பிரதமர் மோடி விவேகானந்தர் இல்ல நிகழ்ச்சியில் பேசினார்.
இந்தியா:
- கொரோனா பரவல் எதிரொலி; நாடு முழுவதும் 2 நாள் ஒத்திகை இன்று தொடக்கம்
- முன்னெச்சரிக்கை நடவடிக்கையாக பொது இடங்களில் முகக்கவசம் அணிவதை ஹரியானா அரசு கட்டாயமாக்கியுள்ளது.
- இலவச தரிசன டைம் ஸ்லாட் டோக்கன் மற்றும் ரூ.300 ஆன்லைன் தரிசன டிக்கெட் உள்ள பக்தர்கள் மட்டும் திருப்பதிக்கு வர வேண்டும் என தேவஸ்தானம் தெரிவித்துள்ளது.
- கடந்த மூன்று நாட்களாக தினசரி கொரோனா பாதிப்பு 6 ஆயிரமாக இருந்த நிலையில், நேற்று 5,357ஆக குறைந்துள்ளது.
- கிழக்கு ஆப்பிரிக்க நாடுகளுக்கு மத்திய வெளியுறவு துறை அமைச்சர் ஜெய்சங்கர் 6 நாள் பயணமாக இன்று செல்கிறார்.
- நிர்வாகத்தை எளிதாக்குவதற்காக கடந்த 9 ஆண்டுகளில் 2 ஆயிரத்துக்கு மேற்பட்ட சட்டங்கள் மற்றும் விதிகள் ரத்து செய்யப்பட்டு உள்ளதாக மத்திய அரசு கூறியுள்ளது.
- ஆஸ்கர் விருது பெற்ற எலிபெண்ட் விஸ்பரர்ஸ் ஆவணப்படத்தில் இடம்பெற்ற யானை பராமரிப்பாளராக உள்ள பொம்மன், பெல்லி ஆகியோரை பிரதமர் நரேந்திர மோடி நேற்று சந்தித்தார்.
- ஹிந்துஸ்தான் என்பது அம்பானிஸ்தான் அதானிஸ்தான் என்று மாறிவிடுமோ? என்ற அச்சம் மக்களிடம் வந்துவிட்டது என காங்கிரஸ் எம்.பி. விஷ்ணு பிரசாத் விமர்சனம் செய்தார்.
உலகம்:
- நைஜீரியாவில் இருதரப்பினருக்கும் ஏற்பட்ட தாக்குதலில் 50 பேர் பரிதாபமாக உயிரிழந்தது பெரும் அதிர்ச்சியை ஏற்படுத்தியுள்ளது.
- இஸ்ரேல் நாட்டின் மீது சிரியாவில் இருந்து ஏவுகணைகளை வீசி தாக்குதல் நடத்தியது.
- ஹிஜாப் அணியாத பெண்களை அடையாளம் காண்பதற்காக பொது இடங்களில் கேமராக்களை நிறுவி வருகிறது ஈரான் காவல்துறை.
- இங்கிலாந்து பிரதமர் ரிஷி சுனக்கை அமெரிக்க அதிபர் ஜோ பைடன் சந்திக்க இருப்பதாக தகவல் வெளியாகியுள்ளது.
- சுற்றுலா மற்றும் விசா பெறும் மாணவர்களுக்கான கட்டணத்தை அமெரிக்கா உயர்த்தியுள்ளது.
விளையாட்டு:
- பஞ்சாப் அணியை 8 விக்கெட்டுகள் வித்தியாசத்தில் வீழ்த்தி இந்த தொடரில் தனது முதல் வெற்றியை பதிவு செய்தது ஹைதராபாத் அணி
- குஜராத் அணிக்கு எதிராக போட்டியில் கடைசி 5 பந்துகளில் 5 சிக்ஸர்கள் அடித்து கொல்கத்தா அணி நம்ப முடியாத வெற்றி பெற உறுதுணையாக இருந்த ரிங்குசிங் அனைவரையும் திரும்பி பார்க்க வைத்துள்ளார்.
- 205 ரன்கள் என்ற இமாலய இலக்கை துரத்திய கொல்கத்தா அணி 3 விக்கெட்டுகள் வித்தியாசத்தில் வெற்றி பெற்றது.
- தமிழ்நாடு பிரீமியர் லீக் தொடர் ஜுன் 12ம் தேதி தொடங்கும் என அறிவிக்கப்பட்டுள்ளது.
- கிளப் அணிகளுக்கான கால்பந்தாட்ட போட்டிகளில் அதிக கோல்களில் ஈடுபட்டவர் எனும் புதிய மைல்கல்லை, அர்ஜெண்டினாவை சேர்ந்த மெஸ்ஸி எட்டியுள்ளார்.
- கடந்த 2019ம் ஆண்டு உலகக்கோப்பை தொடரில் அணிகளுக்கு தலைமை தாங்கிய ஒரு கேப்டனும் இந்தாண்டு எந்த அணியையும் வழிநடத்தவில்லை.