கோவை, திருப்பூர் மாவட்டங்களில் தலைமைச் செயலாளர் நேரில் ஆய்வு
June 5 Covid-19 Live News Updates: தமிழ்நாடு மற்றும் இந்தியாவில் மேற்கொள்ளப்படும் கொரோனா நோய்த் தொற்று மேலாண்மை மற்றும் தடுப்பு நடவடிக்கைகள் குறித்த செய்திகளை உடனுக்குடன் இந்த லைவ் ப்ளாக்கில் தெரிந்து கொள்ளலாம்.
தமிழகத்தில் கொரோனாவால் பாதிக்கப்படுவோர் எண்ணிக்கை மாநிலம் முழுவதும் கடந்த ஒரு வாரமாக தினசரி ஆயிரம் என்ற அளவில் குறைந்து வருகிறது. இருப்பினும் மாவட்ட வாரியாக கோவை, திருப்பூர், ஈரோடு உள்ளிட்ட மாவட்டங்களில் கொரோனா பாதிப்பு அதிகமாக காணப்பட்டு வருகிறது. இந்த நிலையில், கோவை மற்றும் திருப்பூர் மாவட்டங்களில் மேற்கொள்ளப்பட்டு வரும் கொரோனா தடுப்பு பணிகள் தொடர்பாக தலைமை செயலாளர் வெ.இறையன்பு இன்று நேரில் ஆய்வு செய்தார். அவர் மாவட்ட ஆட்சியர்களுடன் அங்கு மேற்கொள்ளப்பட்டு வரும் தடுப்பு பணிகளை கேட்டறிந்தார்.
கொரோனா வைரசின் இரண்டாவது அலை காரணமாக நாட்டின் தலைநகரான டெல்லி மிக கடுமையாக பாதிக்கப்பட்டிருந்தது. இதையடுத்து, முழு ஊரடங்கு உள்ளிட்ட அரசின் பல்வேறு நடவடிக்கைகளால் கொரோனா தொற்று விகிதம் முழுமையாக கட்டுக்குள் கொண்டு வரப்பட்டு வருகிறது. டெல்லியில் கடந்த 24 மணிநேரத்தில் 414 நபர்களுக்கு மட்டுமே கொரோனா பாதிப்பு உறுதி செய்யப்பட்டுள்ளது. இதனால், அந்த மாநிலத்தில் கொரோனாவால் பாதிக்கப்படுவோர் விகிதம் 0.53 சதவீதமாக குறைந்துள்ளது. அந்த மாநிலத்தில் மொத்தம் கொரோனா பாதிக்கப்பட்டோர் எண்ணிக்கை 14 லட்சத்து 28 ஆயிரத்து 863 ஆக உயர்ந்துள்ளது. இன்று ஒரே நாளில் 60 பேர் கொரோனாவால் உயிரிழந்துள்ளனர். இன்றைய நிலவரப்படி, டெல்லி முழுவதும் 6 ஆயிரத்து 731 நபர்கள் மட்டுமே கொரோனா பாதிப்பிற்கு சிகிச்சை பெற்று வருகின்றனர்.
12ம் வகுப்பு பொதுத்தேர்வு குறித்து சட்டமன்றத்தில் இடம்பெற்றுள்ள 13 கட்சிப்பிரதிநிதிகளுடனும் பள்ளிக்கல்வித்துறை அமைச்சர் அன்பில் மகேஷ் பொய்யாமொழி இன்று காணொலி காட்சி மூலமாக ஆலோசனை நடத்தினார். இந்த கூட்டத்தில் பெரும்பாலானா கட்சிகள் பாதுகாப்பான முறையில் தேர்வுகளை நடத்த வேண்டும் என்று வலியுறுத்தியது. இந்த கூட்டத்திற்கு பிறகு பேசிய பள்ளிக்கல்வித்துறை அமைச்சர், கட்சிப்பிரதிநிதிகளின் கருத்துக்களை விரிவாக முதல்வரிடம் எடுத்துரைக்கப்படும். இதன்பிறகு, பொதுத்தேர்வு நடத்துவது குறித்து முதல்வர் இறுதி முடிவு எடுத்து அறிவிப்பார் என்றார்.
நாடு முழுவதும் கொரோனா பாதிப்பிற்கு சிறியவர்கள் முதல் பெரியவர்கள் வரை என அனைத்து தரப்பினரும் கொரோனா பாதிப்பிற்கு ஆளாகி வருகின்றனர். சில இடங்களில் கொரோனா பாதிப்பிற்கு குழந்தைகள் பலியாகி வரும் பரிதாபங்களும் நிகழ்ந்து வருகிறது. இந்த நிலையில், புதுக்கோட்டை அரசு மருத்துவமனையில் கொரோனா சிகிச்சை பிரிவில் சிகிச்சை பெற்று வந்த 4 மாதக் குழந்தை சிகிச்சை பலனின்றி இன்று உயிரிழந்தது. சிவகங்கை, சிங்கம்புணரி அருகே மந்தக்குடிப்பட்டியைச் சேர்ந்த பெற்றோர்களின் இந்த 4 மாதக்குழந்தைக்கு கடந்த 29-ந் தேதி கொரோனா தொற்று இருப்பது உறுதி செய்யப்பட்டது. பிறந்த நான்கே மாதங்களில் பச்சிளங்குழந்தை கொரோனாவால் உயிரிழந்திருப்பது அப்பகுதி மக்களுக்கு மிகுந்த சோகத்தை ஏற்படுத்தியுள்ளது.
கொரோனா பெருந்தொற்று காரணமாக விமானம் கிடைக்காமல், இந்தியாவில் தங்கியுள்ள வெளிநாட்டினரின் விசா அல்லது தங்கும் காலம் வரும் ஆகஸ்ட் 31ம் தேதி வரை செல்லுபடியாகும் என மத்திய உள்துறை அமைச்சகம் உத்தரவிட்டுள்ளது.
இதுகுறித்து உள்துறை அமைச்சகம் வெளியிட்ட செய்திக்குறிப்பில், " கடந்தாண்டு மார்ச் மாதத்துக்கு முன்பாக செல்லுபடியாகும் விசா மூலம் இந்தியா வந்த வெளிநாட்டினர் பலர், கொரோனா தொற்று காரணமாக விமானம் கிடைக்காததால் இங்கேயே தங்கியுள்ளனர். ஊரடங்கு காரணமாக, இவர்கள் தங்கள் விசா காலத்தை நீட்டிப்பதிலும் சிரமத்தை சந்தித்தனர். இதையடுத்து, மத்திய உள்துறை அமைச்சகம் கடந்தாண்டு ஜூன் 29ம் தேதி பிறப்பித்த உத்தரவில், 2020 ஜூன் 30ம் தேதியுடன் விசா காலம் முடிவடைந்த வெளிநாட்டினருக்கு, சர்வதேச விமான போக்குவரத்து தொடங்கும் தேதியிலிருந்து 30 நாட்கள் வரை விசா செல்லுபடியாகும் என கூறியிருந்தது.
அப்போது முதல் ஒவ்வொரு மாதமும், வெளிநாட்டினர் தங்கள் விசா மற்றும் தங்கும் காலத்தை மாதந்தோறும் நீட்டித்து வந்தனர்.
இயல்பான விமான போக்குவரத்து இன்னும் தொடங்காததால், இந்த விவகாரம் குறித்து மத்திய உள்துறை அமைச்சகம் மறு பரிசீலனை செய்து, வெளிநாட்டினருக்கான விசா அல்லது தங்கும் காலத்தை அபராதம் இன்றி வரும் ஆகஸ்ட் 31ம் தேதி வரை நீட்டித்துள்ளது. இது போன்ற வெளிநாட்டினர், தங்கள் விசா நீட்டிப்புக்கான விண்ணப்பத்தை, வெளிநாட்டினர் பதிவு அலுவலகத்தில் (FRRO / FRO) விண்ணப்பிக்க தேவையில்லை" என்று தெரிவித்தது.
நாடுமுழுவதும் கடந்த 24 மணி நேரத்தில் 3,380 பேர் கொரோனா நோய்த் தொற்றுக்கு பலியாகியுள்ளனர். தமிழ்நாடு, ஆந்திரா, உத்தர பிரதேசம் ஆகிய மாநிலங்களை விட கூடுதலாக கொரோனா நோய்த் தொற்றினால் பாதிக்கப்பட்ட கேரளாவில் கொரோனா இறப்பு எண்ணிக்கை மிகக் குறைவாகவே உள்ளது.
கேரளாவை விட தமிழ்நாட்டின் கொரோனா இறப்பு எண்ணிக்கை மூன்று மடங்கு அதிகரித்து காணப்படுகிறது. 2011 மக்கள்தொகை கணக்கெடுப்பின் படி, மக்களின் சராசரி வயது 31.9 என்ற வயதைக் கொண்ட முதுமையான மாநிலமாக கேரளா திகழ்ந்தது. 2011ல் தமிழ்நாட்டு மக்களின் சராசரி வயது 29 ஆகும்.
கொரோனா இறப்பு எண்ணிக்கையை கடுமையாக குறைத்ததன் மூலம், கேரளாவின் மருத்துவ மேலாண்மை திட்டமிடல்களையும், சுகாதார சேவை கட்டமைப்பு வசதிகளையும் அறிந்து கொள்ளலாம்
தமிழ்நாட்டில் ஊரடங்கு தளர்த்தப்பட்டு நீட்டிக்கப்பட்டிருக்கிறது. இன்றைய சூழலில் நோயைத் தடுக்க இதைத் தவிர வேறு வழியில்லை. தளர்வு என்ற பெயரில் மதுக்கடைகள் மீண்டும் திறக்கப்படாதது மகிழ்ச்சியளிக்கிறது. மதுக்கடைகள் நிரந்தமாக மூடப்பட்டால் கூடுதல் மகிழ்ச்சி!
அனைத்து அரசு அலுவலகங்களும், 30 சதவிகிதம் பணியாளர்களுடன் செயல்பட அனுமதிக்கப்படும்.
· சார் பதிவாளர் அலுவலகங்கள் ஒரு நாளைக்கு 50 சதவிகிதம் டோக்கன்கள் மட்டும் வழங்கப்பட்டு, பத்திரப் பதிவுகள் மேற்கொள்ள அனுமதிக்கப்படும்.
• தனியார் பாதுகாப்பு சேவை நிறுவனங்கள் மற்றும் அலுவலகம், வீடுகள் மற்றும் அடுக்குமாடி குடியிருப்புகளில் வீடு பராமரிப்பு உள்ளிட்ட சேவைகள் (Housekeeping) இ-பதிவுடன் அனுமதிக்கப்படும்.
மின் பணியாளர்கள் (Electricians), பிளம்பர்கள் (Plumbers) கணினி மற்றும் இயந்திரங்கள் பழுது நீக்குபவர் (Motor Technicians) மற்றும் தச்சர் போன்ற சுயதொழில் செய்பவர்கள் காலை 6.00 மணி முதல் மாலை 5.00 மணி வரை இ-பதிவுடன் பணிபுரிய அனுமதிக்கப்படுவர்.
தமிழக அரசால் அறிமுகப்படுத்தப்பட்டுள்ள நடமாடும் வாகனங்கள் மூலம் பொது மக்களுக்கு காய்கறி, பழங்கள் ஆகியவை விற்பனை செய்யும் திட்டம், பொது மக்களின் வரவேற்பை பெற்றுள்ள நிலையில், இது தொடர்ந்து செயல்படுத்தப்படும்.
பொது மக்கள் தங்களது வீடுகளுக்கு அருகில் உள்ள கடைகளுக்கு நடந்து சென்று பொருட்கள் வாங்குமாறும், இரண்டு சக்கர மற்றும் நான்கு சக்கர வாகனங்களில் கடைகளுக்கு செல்வதை தவிர்க்க வேண்டும்
கோயம்பத்தூர், நீலகிரி, திருப்பூர், ஈரோடு, சேலம், கரூர், நாமக்கல், தஞ்சாவூர், திருவாரூர், நாகப்பட்டினம், மயிலாடுதுறை ஆகிய 11 மாவட்டங்களில் வரும் 14ம் தேதி வரை அத்தியாவசிய செயல்பாடுகளுக்கு மட்டும் அனுமதி அளிக்கப்படுகிறது.
கோயம்பத்தூர், நீலகிரி, திருப்பூர், ஈரோடு, சேலம், கரூர், நாமக்கல், தஞ்சாவூர், திருவாரூர், நாகப்பட்டினம், மயிலாடுதுறை ஆகிய 11 மாவட்டங்களில் வரும் 14ம் தேதி வரை அத்தியாவசிய செயல்பாடுகளுக்கு மட்டும் அனுமதி அளிக்கப்படுகிறது.
ஊரடங்கு நாட்களில் காலை 6 மணி முதல் மாலை 5 மணி வரை காய்கறி, மளிகை கடைகள் செயல்பட அனுமதியளிக்கப்படும்
தமிழ்நாட்டில் மேலும் ஒரு வாரத்திற்கு தளர்வுகளுடன் கூடிய ஊரடங்கு அமல்படுத்தப்படுகிறது. ஜூன் 14 வரையிலான இந்த ஊரடங்கு காலத்தில் இறைச்சிக்கடைகள், பழக்கடைகள் செயல்பட அனுமதி அளிக்கப்படும் என தமிழக அரசு தெரிவித்துள்ளது.
கடந்த 24 மணி நேரத்தில் நாடு முழுவதும் 1.32 லட்சம் பேருக்கு கொரோனா நோய்த் தொற்று உறுதி செய்யப்பட்டது. கடந்த 24 மணி நேரத்தில் 2,07,071 பேர் குணமடைந்துள்ளனர். தொடர்ந்து 22வது நாளாக, தினசரி குணமடைந்தோர் எண்ணிக்கை, தினசரி கொவிட் பாதிப்பை விட அதிகமாக உள்ளது. குணமடைந்தோர் விகிதம் தொடர்ந்து அதிகரித்து 93.08 சதவீதமாக உள்ளது
கடந்த 24 மணி நேரத்தில் நாடு முழுவதும் 1.32 லட்சம் பேருக்கு கொரோனா நோய்த் தொற்று உறுதி செய்யப்பட்டது. கடந்த 24 மணி நேரத்தில் 2,07,071 பேர் குணமடைந்துள்ளனர். தொடர்ந்து 22வது நாளாக, தினசரி குணமடைந்தோர் எண்ணிக்கை, தினசரி கொவிட் பாதிப்பை விட அதிகமாக உள்ளது. குணமடைந்தோர் விகிதம் தொடர்ந்து அதிகரித்து 93.08 சதவீதமாக உள்ளது
தமிழகத்தில் தற்போது அமலில் உள்ள முழு ஊரடங்கில் இருந்து தளர்வுகள் அளிப்பது குறித்து முதலமைச்சர் மு.க. ஸ்டாலின், தலைமைச் செயலகத்தில் அமைச்சர்கள் மற்றும் உயர் அதிகாரிகளுடன் நேற்று ஆலோசனை நடத்தினார் .
தற்போது அமலில் உள்ள முழு ஊரடங்கு வரும் 7-ஆம் தேதி காலை 6 மணியுடன் முடிவடைய உள்ள நிலையில், நோய்த்தொற்று அதிகமாக காணப்படும் கோவை, திருப்பூர், ஈரோடு, உள்ளிட்ட மேற்கு மாவட்டங்கள் தவிர, பிற மாவட்டங்களில் கட்டுப்பாடுகளை தளர்த்தலாமா? என்பது குறித்து விவாதிக்கப்பட்டதாக செய்திகள் தெரிவிக்கின்றன.
Background
தமிழ்நாட்டில் கடந்த 24 மணி நேரத்தில் 22 ஆயிரத்து 651 நபர்களுக்கு கொரோனா பாதிப்பு ஏற்பட்டுள்ளது. சென்னையில் மட்டும் கொரோனாவால் 1,971 நபர்கள் பாதிக்கப்பட்டுள்ளனர். தமிழ்நாடு முழுவதும் 33 ஆயிரத்து 646 நபர்கள் கொரோனாவால் இருந்து குணம் அடைந்து வீடு திரும்பியுள்ளனர். 463 நபர்கள் கொரோனாவால் பாதிக்கப்பட்டிருந்த நிலையில் உயிரிழந்துளளனர். இதனால், மொத்த உயிரிழப்பு 26 ஆயிரத்து 128 ஆக உயர்ந்துள்ளது.
தமிழ்நாட்டில், மேலும் ஒரு வாரத்திற்கு தளர்வுகளுடன் கூடிய ஊரடங்கு தேவை என்று மருத்துவ குழு முதல்வருக்கு பரிந்துரை அளித்துள்ளது. தற்போது அமலில் உள்ள தளர்வுகளற்ற முழு ஊரடங்கு வரும் 7ம் தேதியுடன் முடிவடைகிறது என்பது குறிப்பிடத்தக்கது
- - - - - - - - - Advertisement - - - - - - - - -