55 வயதான பெண் ஒருவர் தனது மகனின் திருமணத்தில் நடனமாடும்போது அவரது கைகளில் சரிந்து விழுந்து உயிரிழந்த சோகச் சம்பவம் ராஜஸ்தானில் நடந்துள்ளது.
இந்த சம்பவத்தின் வீடியோ இணையத்தில் வெளியாகியுள்ளது. மாரடைப்பு ஏற்படுவதற்கு முன்பு, நீலம் தனது மகனின் கையைப் பிடித்து 20 வினாடிகள் மட்டுமே நடனமாடியதாக கூறப்படுகிறது.
ராஜஸ்தானின் அல்வார் மாவட்டத்தில் திருமண ஊர்வலம் (பாரத்) நடனமாடும் போது மணமகனின் தாயார் கைகளில் விழுந்து இறந்தார். 55 வயதான நீலம் தனது மகனின் திருமண ஊர்வலத்தில் டிஜே இசைக்கு நடனமாடினார். அப்போது அவர் திடீரென சரிந்து விழுந்தார். அவரை பிடிக்க அவரது மகன், மணமகன் நீரஜ் விரைந்தார். நீலமை உடனடியாக மருத்துவமனைக்கு அழைத்துச் சென்றனர். அங்கு அவரை பரிசோதனை செய்த மருத்துவர்கள் நீலம் இறந்துவிட்டதாக கூறினர். இதனைக் கேட்ட உறவினர்கள் அதிர்ச்சி அடைந்தனர்.
கடந்த பிப்ரவரி 3 ஆம் தேதி, நீரஜ் திருமண ஊர்வலம் சிகானியில் உள்ள அவரது வீட்டிலிருந்து அல்வார் மாவட்டத்தின் கிஷன்கர் பாஸில் திருமணத்திற்காக புறப்படும்போது இந்த சம்பவம் நடந்தாக கூறப்படுகிறது.
நீலம் மாரடைப்பு ஏற்படுவதற்கு முன்பு தனது மகனின் கையைப் பிடித்து 20 வினாடிகள் மட்டுமே நடனமாடினார் என்று கூறப்படுகிறது. இறந்தவருக்கு ஏற்கனவே இதய பிரச்சனைகள் இருந்ததாகவும், அதற்கான மருந்துகளை உட்கொண்டதாகவும் குடும்பத்தினர் தெரிவித்தனர். இந்த சம்பவத்தையடுத்து, கொண்டாட்டத்திற்கு தயாராக இருந்த குடும்பத்தினர் சோகத்தில் மூழ்கினர். மகளின் திருமணத்தில் தாயார் உயிரிழந்த சம்பவம் அந்தப் பகுதி மக்களுக்கும் சோகத்தை ஏற்படுத்தியது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்