தில்லியில் உலகப் புத்தகக் கண்காட்சியில், நேற்று (மார்ச் 1, புதன்கிழமை) 'ஜெய் ஸ்ரீராம்' என்று முழக்கமிட்ட ஆர்வலர்கள் ஒரு கிறிஸ்தவ அமைப்பினால் நடத்தப்படும் ஸ்டாலை சேதப்படுத்தியதாக கூறப்படுகிறது.
கிறிஸ்தவ ஸ்டால் முன் கூச்சல்
சமூக ஊடகங்களில் பல ஆண்கள் சேர்ந்து 'ஜெய் ஸ்ரீராம்,' 'என்று கூச்சலிடும் வீடியோக்களையும் காவி துண்டுகள் அணிந்த படங்களையும் பதிவேற்றியுள்ளனர். ஹர் ஹர் மகாதேவ்' மற்றும் 'பாரத் மாதா கி ஜெய்', என்று அங்கு வந்தவர்கள் கூச்சலிடுகின்றனர். தி கிடியன்ஸ் இன்டர்நேஷனல் என்ற சுவிசேஷ கிறிஸ்தவ சங்கத்தின் ஸ்டால் முன்பாக முன் இந்த சம்பவம் நிகழ்ந்தேறியது.
இலவச பைபிள் விநியோகம்
அந்த ஸ்டாலில் இந்த அமைப்பு பைபிளின் பிரதிகளை இலவசமாக விநியோகம் செய்துள்ளனர். இந்த சம்பவம் பிற்பகல் 2.15 மணியளவில் நடந்ததாகக் கூறப்படுகிறது. போராட்டம் நடந்தபோது, “புத்தகங்கள் கிழிக்கப்படவில்லை, வன்முறை எதுவும் நடக்கவில்லை” என்று காவல்துறை கூறியதாக இந்தியன் எக்ஸ்பிரஸ் செய்தி வெளியிட்டுள்ளது.
கடையில் வன்முறை
புத்தக கண்காட்சிக்கு வரும் மக்களை கிறிஸ்தவர்களாக மாற்றுவதாக குற்றம்சாட்டினார்கள். அவர்கள், கடையில் சுவரொட்டிகளைக் கிழித்ததாகவும் கூறப்படுகிறது. வன்முறையாளர்கள் கடையைச் சுற்றி அமர்ந்து, 20 முதல் 25 நிமிடங்கள் வெளியேற மறுத்ததாக நியூஸ்லாண்ட்ரி தெரிவித்துள்ளது. பைபிளை எதிர்த்து அவர்களும் ஹனுமான் சாலிசாவை வாசிக்க ஆரம்பித்தனர் என்று கூறப்படுகிறது.
மத நூல்களை இலவசமாக கொடுக்கக்கூடாது
உலகப் புத்தகக் கண்காட்சி அமைப்பாளர்களிடம் தன்னார்வலர்கள் புகார் அளித்தபோது, மத நூல்களை இலவசமாக விநியோகிக்கக் கூடாது என்று கூறியதாக இந்தியன் எக்ஸ்பிரஸ் செய்தி வெளியிட்டுள்ளது. இது ஒரு ஒழுங்கமைக்கப்பட்ட போராட்டம் அல்ல. பல ஸ்டால்கள் உள்ளன. மத அமைப்புகளால் நடத்தப்படும் புத்தகக் கண்காட்சி. இந்து, முஸ்லீம் மற்றும் சீக்கிய குழுக்களால் நடத்தப்படும் ஸ்டால்கள் இலவச துண்டு பிரசுரங்கள், நூல்கள் மற்றும் புத்தகங்களை விநியோகிக்கின்றன. பிரதமர் நரேந்திர மோடி அரசாங்கத்தால் பரவலாக விளம்பரப்படுத்தப்பட்ட உயர்மட்ட G20 உச்சி மாநாட்டை புது தில்லி நடத்தும் நிலையில் இந்த சம்பவம் நடந்துள்ளது பெரும் பரபரப்பை ஏற்படுத்தியுள்ளது.