ஜம்மு-காஷ்மீரின் ஷோபியானில் நடைபெற்ற என்கவுன்ட்டரில் 3 பயங்கரவாதிகளை பாதுகாப்புப்படை சுட்டுக்கொன்றது. கொல்லப்பட்ட லஷ்கர்-இ-தொய்பா பயங்கரவாதிகளிடம் இருந்து ஆயுதங்கள், வெடிகுண்டுகள் பறிமுதல் செய்யப்பட்டன. பூஞ்ச் பகுதியில் நேற்று 5 வீரர்கள் வீரமரணம் அடைந்ததை தொடர்ந்து இந்த என் கவுன்ட்டர் சம்பவம் நடந்தேறியுள்ளது.
‘லஷ்கர்-இ-தொய்பா பயங்கரவாதிகள் 3 பேர் கொல்லப்பட்டனர். அவர்களிடம் இருந்து ஆயுதங்கள் மற்றும் வெடிமருந்துகள் உள்ளிட்டவை பறிமுதல் செய்யப்பட்டுள்ளது. மேலும், தேடுதல் வேட்டை நடைபெறுகிறது’ என்று காஷ்மீர் மண்டல காவல்துறை தனது அதிகாரப்பூர்வ ட்விட்டர் பக்கத்தில் பதிவிட்டுள்ளது.
லஷ்கர்-இ-தொய்பா-ஷோபியனில் நடந்த என்கவுன்டரில் கொல்லப்பட்ட ரெசிஸ்டன்ஸ் ஃபோர்ஸ் பயங்கரவாதிகளில் ஒருவர் கந்தர்பால் மாவட்டத்தைச் சேர்ந்தவர் என்று போலீஸ் இன்ஸ்பெக்டர் ஜெனரல் (ஐஜிபி) காஷ்மீர் விஜய் குமார் கூறினார்.‘ஒரு பயங்கரவாதி கந்தர்பாலின் முக்தார் ஷா என அடையாளம் காணப்பட்டார். பீகாரைச் சேர்ந்த ஒரு தெருவோர வியாபாரி வீரேந்திர பாஸ்வானைக் கொன்ற பிறகு அவர் ஷோபியனுக்கு வந்தார்" என்று குமார் கூறினார்.
தேரா கி காலிக்கு அருகில் உள்ள கிராமத்தில் அதிகாலையில் அவர்கள் இருப்பதைப் பற்றிய உளவுத்துறை தகவலைத் தொடர்ந்து இந்த எதிர்ப்பு நடவடிக்கை தொடங்கப்பட்டது.
இதனிடையே, டெல்லி லட்சுமி நகர் ரமேஷ் பார்க் பகுதியில் பாகிஸ்தானை சேர்ந்த பயங்கரவாதி ஒருவர் கைது செய்யப்பட்டுள்ளார். போலி இந்திய அடையாள அட்டையுடன் தங்கியிருந்த பயங்கரவாதியிடமிருந்து ஏ.கே.47 துப்பாக்கி, 2 பிஸ்டல், கையெறி குண்டு, தோட்டாக்களும் பறிமுதல் செய்யப்பட்டன.
ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்