தமிழ்நாடு:
- மாமல்லபுரத்தில் ரூ.30 கோடியில் கைத்தறி அருங்காட்சியகம்; சென்னையில் உலகத்தரத்தில் மெகா ஜவுளி நகரம் - முதலமைச்சர் முக ஸ்டாலின் அறிவிப்பு
- மின் இணைப்பு எண்ணுடன் ஆதாரை இணைக்க அவகாசம்: மின்சார வாரியம் அறிவிப்பு
- 2 நாட்களுக்குள் விளம்பரங்கள், ஆன்லைன் ரம்மி தடை சட்டத்துக்கு ஆளுநர் அனுமதி தர வேண்டும் - சட்டத்துறை அமைச்சர் ரகுபதி வலியுறுத்தல்
- கோகுல்ராஜ் கொலை வழக்கில் பிறழ்சாட்சியான ஸ்வாதி ஆஜர்; உண்மையை மறைத்தால் அவமதிப்பு நடவடிக்கை - உயர்நீதிமன்ற கிளை நீதிபதிகள் கடும் எச்சரிக்கை
- கரூரில் 11 விவசாயிகளுக்கு ரூ 7.01 லட்சம் மதிப்பீட்டில் அரசு நலத்திட்ட உதவியை மாவட்ட ஆட்சியர் வழங்கினார்.
- அரசு கேபிள் டிவியை நடத்துவதற்கு ஸ்டாலின் அரசு முயற்சி செய்து வருவதாக முன்னாள் அமைச்சர் சிவி சண்முகம் குற்றச்சாட்டு
- நூற்பாலைகளில் உள்ள நிரந்தர தொழிலாளர்களுக்கு, மாதம் ரூ. 2, 500 வீதம் ஊதிய உயர்வு வழங்குவதற்கான அரசாணை வெளியிடப்படும் என முதலைமச்சர் ஸ்டாலின் தெரிவித்துள்ளார்.
இந்தியா:
- மங்களூர் ஆட்டோ குக்கர் குண்டு வெடிப்பு வழக்கு: என்.ஐ.ஏ விசாரிக்க உத்தரவு
- 9 செயற்கைக்கோள்களுடன் இன்று விண்ணில் பாய்கிறது பி.எஸ்.எல்.வி சி-54 ராக்கெட்: ஸ்ரீஹரிகோட்டாவில் இருந்து பகல் 11.46 மணிக்கு விண்ணில் செலுத்தப்படுகிறது.
- தமிழகத்தில் ரயில்வே திட்டத்துக்கு ரூ.3,946 கோடி ஒதுக்கீடு செய்ய வேண்டும்; நிதியமைச்சர் நிர்மலா சீதாராமான் தலைமையில் நடத்த மத்திய பட்ஜெட் ஆலோசனை கூட்டத்தில் தமிழ்நாடு கோரிக்கை
- கச்சம்குரிசி கோயிலில் திருமணம் செய்துகொள்ள திருநர் தம்பதி அனுமதி கோரிய நிலையில் கோயில் நிர்வாகத்தினர் மறுப்பு
- திருப்பதி ஏழுமலையான் கோயிலில் அங்கப்பிரதட்சணம் செய்வதற்கான டோக்கன்கள் நேற்று ஆன்லைனில் வெளியிடப்பட்டது
- மனைவிக்கு எச்ஐவி என்று பொய் சொல்லி விவாகரத்து கோரிய கணவருக்கு விவாகரத்து வழங்க மறுத்து வழக்கை தள்ளுபடி செய்துள்ளது மும்பை உயர்நீதிமன்றம்.
உலகம்:
- இலங்கையில் மீண்டும் மக்களை திரட்டி போராட்டத்தில் ஈடுபட முயன்றால் ராணுவ நடவடிக்கை எடுக்கப்படும் என அந்நாட்டு அதிபர் ரணில் விக்கிரமசிங்கே எச்சரிக்கை.
- 2021 ஆம் ஆண்டில் உலகெங்கிலும் கிட்டத்தட்ட 4 கோடி குழந்தைகள் தட்டம்மை தடுப்பூசி செலுத்த தவறவிட்டனர் என அதிர்ச்சி அறிக்கை வெளியாகியுள்ளது.
- கிட்டத்தட்ட 5 ஆயிரம் கிலோமீட்டர்கள் வரை பயணித்து ஆன்லைன் காதலனை காணச் சென்ற பெண் கொல்லப்பட்ட சம்பவம் அதிர்ச்சியை ஏற்படுத்தியுள்ளது.
- தீவிரவாதிகள் மீது நடவடிக்கை; அரசியல் காரணத்தால் தடை போடுகிறது சீனா- ஐ.நாவில் இந்தியா குற்றச்சாட்டு
விளையாட்டு:
- உலகக் கோப்பை கால்பந்து போட்டியில் வலுவான வேல்ஸ் அணியை வீழ்த்தியது ஈரான்; மற்றொரு போட்டியில் செனகல் அணியிடம் தோல்வியடைந்தது கத்தார்.
- இந்திய அணிக்கு எதிரான முதல் ஒருநாள் போட்டியில் நியூசிலாந்து அணி வெற்றிபெற்றதன் மூலம் 1-0 என்ற கணக்கில் முன்னிலை வகிக்கிறது.
- சொந்த மண்ணில் தொடர்ச்சியாக அதிக ஒருநாள் போட்டிகளை வென்ற அணி என்ற சாதனையை நியூசிலாந்து அணி படைத்துள்ளது.
- நியூசிலாந்து அணியின் பந்து வீச்சாளர் டிம் சவுதி ஒருநாள் கிரிக்கெட் போட்டியில் 200 விக்கெட்டுகளைக் கடந்து சாதனை படைத்துள்ளார். இச்சாதனையை படைக்கும் 5-வது நியூசிலாந்து வீரர் இவர்.
- இலங்கை அணிக்கு எதிரான ஒருநாள் போட்டியில் ஆப்கானிஸ்தான் அபார வெற்றி