சமூக வலைதளங்களில் சமீப காலமாக எளிய மனிதர்களும் அவர்களது நகைச்சுவையான வீடியோக்களும்தான் நெட்டிசன்களின் கவனத்தை ஈர்த்து ட்ரெண்ட் ஆகி வருகின்றன. மேலும், வேடிக்கை மனிதர்கள் பலரும் அவர்களுக்கென தனி ஃபாலோயர்ஸ் படையையே திரட்டி சமூக வலைதளங்களில் கோலோச்சி வருகின்றனர்.
இந்நிலையில், முன்னதாக இந்த அனைத்து அம்சங்களும் உள்ள வீடியோ ஒன்று இணையத்தில் ஹிட் அடித்துள்ளது.
பழ வியாபாரி ஒருவர் விநோதமான, சிரிப்பை வரவழைக்கக்கூடிய வகையில் கூவிக் கூவி பழங்கள் வெட்டி விற்கும் வீடியோ ஒன்று சமூக வலைதளங்களில் வைரலாகி உள்ளது.
வேடிக்கையாக சிரிப்பை வரவழைக்கும் ராகத்தில் பாடியபடி பழம் விற்கும் இந்த வியாபாரி குறித்த தகவல்கள் எதுவும் கிடைக்காத நிலையில், இணையத்தில் இவர் தற்போது ட்ரெண்ட் ஆகி உள்ளார்.
ரெட்டிட் இணையத்தில் அப்லோட் செய்யப்பட்டுள்ள இந்த வீடியோ பல ஓட்டுகளையும், கமெண்டுகளையும் பெற்று வருகிறது.
முன்னதாக இதே போல் திராட்சை வியாபாரி ஒருவர் அழகாகப் பாடியபடி கூவி பழங்கள் விற்ற வீடியோ இன்ஸ்டாவில் ஹிட் அடித்தது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்