Just In
24 மணி நேரத்தில்...5 உயிரிழப்பு...டெல்லியில் வேகமெடுக்கும் கொரோனா
டெல்லியில் ஞாயிற்றுக்கிழமை அன்று 2,162 பேருக்கு கொரோனா பாதிப்பு ஏற்பட்டிருப்பது தெரிய வந்துள்ளது. கொரோனா பாதிப்பு விகிதம் 12.64 ஆக உள்ளது.
டெல்லியில் ஞாயிற்றுக்கிழமை அன்று 2,162 பேருக்கு கொரோனா பாதிப்பு ஏற்பட்டிருப்பது தெரிய வந்துள்ளது. கொரோனா பாதிப்பு விகிதம் 12.64 ஆக உள்ளது.
அதே நேரத்தில் மேலும் ஐந்து பேர் கொரோனாவால் இறந்துள்ளனர் என டெல்லி சுகாதாரத் துறை தெரிவித்துள்ளது. தொடர்ந்து 12வது நாளாக ஒரே நாளில் 2,000க்கும் மேற்பட்டோருக்கு பாதிப்பு கண்டறியப்பட்டுள்ளது.
சனிக்கிழமையன்று டெல்லியில் கொரோனா காரணமாக ஒன்பது இறப்புகள் பதிவாகியிருந்தது. 2,031 பேர் கொரோனாவால் பாதிக்கப்பட்டுள்ளனர்.
பாதிப்பு விகிதம் 12.34 ஆக இருந்தது. ஆறு மாதங்களில் இல்லாத அளவுக்கு வெள்ளிக்கிழமை அன்று 10 இறப்புகள் நிகழ்ந்தன. 2,136 பேர் பாதிக்கப்பட்டனர். பாதிப்பு விகிதம் 15.02 ஆக இருந்தது.
கடைசியாக, பிப்ரவரி 13 அன்று தேசிய தலைநகரில் கொரோனா காரணமாக அதிகபட்சமாக 12 இறப்புகள் பதிவாகி இருந்தது. ஞாயிற்றுக்கிழமை அன்று 17,106 பேருக்கு கொரோனா சோதனை மேற்கொள்ளப்பட்டது என டெல்லி சுகாதாரத் துறை அறிவித்துள்ளது.
புதிய தொற்றுகள் மற்றும் இறப்புகளுடன், டெல்லியின் மொத்த கொரோனா எண்ணிக்கை 19,84,595 ஆக அதிகரித்துள்ளது. மொத்த இறப்பு எண்ணிக்கை 26,381 ஆக உயர்ந்துள்ளது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்