Watch Video: சுங்கச்சாவடியில் குறையாத வேகம்.. லாரியில் மோதி நொறுங்கிய மின்னல் வேக கார் - வீடியோ!

இந்த சுங்கசாவடியில் டேங்கர் லாரி ஒன்று சுங்கக்கட்டணம் செலுத்துவதற்காக நின்று கொண்டிருந்தது. அப்போது அங்கு அதிவேகத்தில் வந்த கார் ஒன்று நின்று கொண்டிருந்த லாரி மீது மோதியது.

சுங்கச்சாவடியில் நின்று கொண்டிருந்த டேங்கர் லாரி மீது கார் மோதியது தொடர்பான சிசிடிவி காட்சி தற்போது சமூக வலைதளங்களில் வைரலாகி வருகிறது. 

கர்நாடக மாநிலம் சித்ரதுர்கா மாவட்டம் இரியூர் தாலுகா ஐமங்களா அருகே குலிலாலு என்ற இடத்தில் சுங்கச்சாவடி ஒன்று உள்ளது. இந்த சுங்கச்சாவடியில் டேங்கர் லாரி ஒன்று சுங்கக்கட்டணம் செலுத்துவதற்காக நின்று கொண்டிருந்தது. அப்போது அங்கு அதிவேகத்தில் வந்த கார் ஒன்று நின்று கொண்டிருந்த லாரி மீது மோதியது. இந்த விபத்தில் காரின் முன்பகுதி முற்றிலும் சேதமடைந்தது. இதனையடுத்து இது குறித்து ஐமங்களா காவல்துறையினருக்கு தகவல் தெரிவிக்கப்பட்டது. அதனைத் தொடர்ந்து காவல்துறையினர் சம்பவ இடத்திற்கு வந்து விசாரணை நடத்தினர். 

 

 

3 பேர் உயிரிழப்பு 

போலீஸார் நடத்திய விசாரணையில் பெலகாவில் இருந்து பெங்களூர் நோக்கி காரில் இருந்தவர்கள் பயணப்பட்டதும், எதிர்பாராத விதமாக நடந்த இந்த விபத்தில் ரமேஷ் (55), விஷ்வநாத் (65), சீமா (45) ஆகியோர் சம்பவ இடத்திலேயே உயிரிழந்ததும் தெரிய வந்தது. உயிரிழந்த 3 பேரின் உடல்களை காவல்துறையினர் கைப்பற்றி பிரேத பரிசோதனைக்கு அனுப்பி வைத்தனர். இந்த விபத்து தொடர்பான காட்சிகள் சுங்கச்சாவடியில் இருந்த சிசிடிவி கேமாராவில் பதிவாகியிருந்து. இந்த காட்சிகள் தற்போது சமூக வலைதளங்களில் வெளியாகி வைரலாகி வருகிறது.   

 

 

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைதள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடிபில் வீடியோக்களை காண