பீகாரில் உள்ள ஒரு கிராமம் 7 நூற்றாண்டுகளாக மதுவை விலக்கி வைத்துள்ளது. ஜமுய் மாவட்டத்தின் கிதார் தொகுதியில் உள்ள இந்த கிராமத்தில் வசிக்கும் ஒவ்வொரு மக்களும் மது அருந்துவதைத் தவிர்த்து வருகின்றனர்.
பீகாரில் கடந்த 2016ஆம் ஆண்டு முதல் மதுவுக்கு தடை விதித்திருக்கலாம், ஆனால் ஜமுய் மாவட்டத்தில் ஒரு கிராமம் உள்ளது. அங்கு கடந்த 7 நூற்றாண்டுகளாக மது விற்பனை மற்றும் குடிக்க தடை செய்யப்பட்டுள்ளது. ஜமுய் மாவட்டத்தின் கிதார் தொகுதியில் உள்ள கங்காரா கிராமத்தில் வசிக்கும் ஒவ்வொரு குடியிருப்பாளரும் மது அருந்துவதைத் தவிர்த்தனர். இந்த மத நம்பிக்கை தற்போது இந்த கிராமத்தில் வாழும் மக்களுக்கு ஒரு பாரம்பரியமாக மாறிவிட்டது.
மதுவிலக்கு சட்டம் அமலுக்கு வந்ததில் இருந்து இந்த கிராமத்தில் இதுவரை மது விற்பனை அல்லது மது அருந்துதல் போன்ற சம்பவங்கள் நடந்ததில்லை. இக்கிராமத்தில் மது அருந்துபவர்களுக்கு சகுனமாக பல தசாப்தங்களாக மத நம்பிக்கை இருப்பதாக உள்ளூர்வாசிகள் கூறுகின்றனர்.
இங்கு வசிக்கும் மக்கள் தங்கள் உள்ளூர் தெய்வமான 'பாபா கோகில்சந்த்' வை வணங்கி, மது அருந்தாமல் இருத்தல், பெண்களை மதித்தல், உணவை மதிப்பது உள்ளிட்ட மூன்று கட்டளைகளை கண்டிப்பாக பின்பற்றி தங்கள் வாழ்க்கையை நடத்துவதாகவும் குடியிருப்பாளர்கள் கூறியுள்ளனர்.
இங்கு 3,500 மக்கள் வசிக்கும் 400 வீடுகள் உள்ளன, ஆனால் யாரும் மது அருந்தியதில்லை. இங்கு யாரேனும் மது அருந்த முற்பட்டால் அவர்கள் குடும்ப உறுப்பினர்களை இழந்து விடுவதாக அப்பகுதி மக்கள் தெரிவிக்கின்றனர்.
மாவட்டத் தலைமையகத்திலிருந்து கிட்டத்தட்ட 20 கிமீ தொலைவில் உள்ள ஜமுய்-ஜாஜா சாலையின் வலது பக்கத்தில் அமைந்துள்ள கங்காரா கிராமத்தில் வசிக்கும் ராமஷிஷ் சிங், இங்குள்ள மக்கள் மது மற்றும் பிற போதைப்பொருட்களிலிருந்து விலகி இருப்பதாகக் கூறினார்.
கங்காரா பஞ்சாயத்து தலைவர் அஞ்சனி சிங், இந்த கிராமத்தில் பாபா கோகில்சந்துக்கு அர்ப்பணிக்கப்பட்ட ஒரு கோயில் உள்ளது. அங்கு பாரம்பரியப்படி தினசரி பூஜை நடத்தப்படுகிறது என்று கூறினார்.
பாபா கோகில்சந்த் மது அருந்தாமல் இருந்ததாக நம்பப்படுகிறது. பல நூற்றாண்டுகளாக இங்கு எந்த கட்சி அல்லது சமூக நிகழ்ச்சிகளிலும் மது வழங்கப்படவில்லை என்று உள்ளூர்வாசிகள் தெரிவித்தனர். யாராவது மது அருந்துவது கண்டுபிடிக்கப்பட்டால், இனி இந்த கிராமத்திற்குள் நுழைய அனுமதிக்கமாட்டார்கள்.
பல ஆண்டுகளுக்கு முன்பு பலர் இந்த பாரம்பரியத்தை மூடநம்பிக்கை என்று ஒதுக்கி உடைக்க முயன்றதாக கிராம மக்கள் தெரிவித்தனர். இதைத் தொடர்ந்து அவர்களது குடும்பத்தினருடன் சில அசம்பாவித சம்பவங்கள் நடந்தன. அன்றிலிருந்து இங்குள்ள மக்கள் மது அருந்துவதற்கு அஞ்சுகின்றனர்.
இந்த கிராமத்தை சேர்ந்த பலர் வெளிநாட்டில் படித்து வந்தவர்கள், அவர்களும் மது அருந்துவது இல்லை என்றும் கூறுகின்றனர்.
பாபா கோகில்சந்தின் சிந்தனை மன்றத்தின் உறுப்பினரும், சமூக ஆர்வலரும், ஆசிரியருமான சுன்சுன் குமார் கூறுகையில், பழங்காலத்தில் கோகில்சந்தின் ஒரு மண் சடலம் கிராமத்தில் கண்டுபிடிக்கப்பட்டது. இன்று வரை, பாபா கோகில்சந்த் அதே மண் உடலில் தான் அமர்ந்திருக்கிறார்.
இங்கு பிரமாண்டமான கோயில் கட்டும் பணி நடைபெற்று வருகிறது. ஆனால் பாபா கோகில்சந்தின் உடலை யாராலும் சிதைக்க முடியாது. இது வரை மதுவிலக்கை மீறியது தொடர்பான வழக்கு எதுவும் காவல் நிலையத்தில் பதிவு செய்யப்படவில்லை என்று கிடாவுர் காவல் நிலையப் பொறுப்பாளர் அமித் குமார் கூறுகிறார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்