தென்கிழக்கு வங்கக்கடலில் உருவான  காற்றழுத்த தாழ்வு மண்டலம் வலுவடைந்து ஆழ்ந்த காற்றழுத்த தாழ்வு மண்டலமாக மாறியுள்ளது என வானிலை மையம் தெரிவித்துள்ளது.  


தென்கிழக்கு வங்கக் கடலில் கடந்த 06 மணி நேரத்தில் 5 கிமீ வேகத்தில் மேற்கு-வடமேற்கு திசையை நோக்கி நகர்ந்து, இன்று, (மே 10 ஆம் தேதி), காலை  05.30 மணி அளவில் ஆழ்ந்த காற்றழுத்த தாழ்வு மண்டலமாக வலுப்பெற்று போர்ட் பிளேயருக்கு மேற்கு-தென்மேற்கில் சுமார் 540 கி.மீ. தொலைவிலும், காக்ஸ் பஜாரின் (வங்காளதேசம்) தென்-தென்மேற்கே 1460 கி.மீ தொலைவிலும் மற்றும் சிட்வேவிற்க்கு (மியான்மர்) தென்-தென்மேற்கில் 1350 கி.மீ தொலைவிலும் மையம் கொண்டுள்ளது.  


இது சிறிது நேரம் வடமேற்கு திசையை நோக்கி நகர்ந்து பின்னர் வடக்கு-வடமேற்கு திசையில் நகர்ந்து படிப்படியாக வலுவடைந்து இன்று மாலை அதே பகுதியில் சூறாவளி புயலாக மாற வாய்ப்புள்ளது என கணிக்கப்பட்டுள்ளது.


பின்னர் வடக்கு-வடமேற்கு திசையை நோக்கி நகர்ந்து, அது படிப்படியாக மேலும் தீவிரமடைந்து மே 11 ஆம் தேதி தீவிர சூறாவளி புயலாகவும், மே 12 ஆம் தேதி தென்கிழக்கு மற்றும் அதை ஒட்டிய மத்திய வங்கக்கடலில் மிக கடுமையான சூறாவளி புயலாகவும் மாறும் என தெரிவிக்கப்பட்டுள்ளது.  அதன்பிறகு, அது படிப்படியாக மீண்டு, வடக்கு-வடகிழக்கு நோக்கி நகர்ந்து, மே 13 ஆம் தேதியில் இருந்து சற்று வலுவிழந்து, மே 14-ம் தேதி முற்பகல் வேளையில் தென்கிழக்கு வங்கதேசம் மற்றும் வடக்கு மியான்மர் கடற்கரைகளைக் கடக்க வாய்ப்பு உள்ளது. இதனால் மணிக்கு 110-130 கிமீ வேகத்தில் காற்று வீசுக்கூடும் என வானிலை மையம் தெரிவித்துள்ளது.


மீனவர்களுக்கான எச்சரிக்கை: 


அந்தமான் கடல் பகுதிகள்: 


10.05.2023 அன்று சூறாவளிக்காற்று மணிக்கு 50 முதல் 60 கிலோ மீட்டர் வேகத்திலும் இடையிடையே 70  கிலோ மீட்டர் வேகத்திலும்,  


11.05.2023 அன்று மணிக்கு 55 முதல் 65 கிலோ மீட்டர் வேகத்திலும் இடையிடையே 75  கிலோ மீட்டர் வேகத்திலும்  வீசக்கூடும்.


தென்கிழக்கு வங்கக்கடல் பகுதிகள்:


10.05.2023 அன்று சூறாவளிக்காற்று மணிக்கு 50 முதல் 60 கிலோ மீட்டர் வேகத்திலும் இடையிடையே 70  கிலோ மீட்டர் வேகத்திலும்,  


11.05.2023 அன்று மணிக்கு 70 முதல் 80 கிலோ மீட்டர் வேகத்திலும் இடையிடையே 90  கிலோ மீட்டர் வேகத்திலும்,


12.05.2023 அன்று மணிக்கு 80 முதல் 90 கிலோ மீட்டர் வேகத்திலும் இடையிடையே 100  கிலோ மீட்டர் வேகத்திலும் வீசக்கூடும்.


13.05.2023 அன்று சூறாவளிக்காற்று  மணிக்கு 50 முதல் 60 கிலோ மீட்டர் வேகத்திலும் இடையிடையே 70  கிலோ மீட்டர் வேகத்திலும் வீசக்கூடும்.


மத்திய கிழக்கு வங்கக்கடல் பகுதிகள்: 


10.05.2023 மாலை முதல் சூறாவளிக்காற்று மணிக்கு 60 முதல் 70 கிலோ மீட்டர் வேகத்திலும் இடையிடையே 80  கிலோ மீட்டர் வேகத்திலும்,  


11.05.2023 அன்று மணிக்கு 80 முதல் 100 கிலோ மீட்டர் வேகத்திலும் இடையிடையே 120  கிலோ மீட்டர் வேகத்திலும்,


12.05.2023 & 13.05.2023 அன்று மணிக்கு 130 முதல் 140 கிலோ மீட்டர் வேகத்திலும் இடையிடையே 150  கிலோ மீட்டர் வேகத்திலும் வீசக்கூடும்.


மத்திய மேற்கு வங்கக்கடல் பகுதிகள்: 


10.05.2023 மாலை முதல் சூறாவளிக்காற்று மணிக்கு 60 முதல் 70 கிலோ மீட்டர் வேகத்திலும் இடையிடையே 80  கிலோ மீட்டர் வேகத்திலும்,  


11.05.2023 அன்று மணிக்கு 80 முதல் 90 கிலோ மீட்டர் வேகத்திலும் இடையிடையே 100  கிலோ மீட்டர் வேகத்திலும்,


12.05.2023 & 13.05.2023 அன்று மணிக்கு 100 முதல் 110 கிலோ மீட்டர் வேகத்திலும் இடையிடையே 120  கிலோ மீட்டர் வேகத்திலும் வீசக்கூடும்.


மேற்குறிப்பிட்ட நாட்களில் மீனவர்கள் இப்பகுதிகளுக்கு செல்ல வேண்டாமென்று அறிவுறுத்த படுகிறார்கள். ஆழ் கடலிலுள்ள  மீனவர்கள் உடனடியாக கரைக்கு திரும்புமாறு அறிவுறுத்த படுகிறார்கள்.