ABP Southern Rising LIVE: பெண்களே, உங்களையும், உடல்நலத்தையும் முதன்மைப்படுத்துங்கள் - கெளதமி
ABP Southern Rising Summit 2024: ஏபிபி சதர்ன் ரைசிங் உச்சி மாநாட்டின் உடனடி லைவ் அப்டேட்களை அறிய இங்கு தொடர்ந்து இணைந்திருங்கள்
ABP Southern Rising LIVE: பெண்களே, உங்களையும், உடல்நலத்தையும் முதன்மைப்படுத்துங்கள். உங்களை முதன்மைப்படுத்தாமல் அலட்சியம் செய்யாதீர்கள் - கெளதமி
ABP Southern Rising LIVE: தொகுதி வரையறை நடவடிக்கையில் மேற்கொள்ளவுள்ளதாக கூறப்படும் நிலையில், மக்கள் குறைப்பு செய்துள்ள மாநிலங்கள் பாதிக்கப்படும் என எதிர்க்கட்சிகள் கூறப்படும் நிலையில் "தொகுதி மறுசீரமைப்பானது இந்திய அரசியலமைப்பு சட்டத்தில் இருக்கிறது" என தெலங்கானா பா.ஜ.க எம்.பி ரகுநந்தன் ராவ் தெரிவித்துள்ளார்.
முதல்வர் ரேவந்த் ரெட்டி, குஜராத் போன்ற மற்ற மாநிலங்களைப்போல் தெலுங்கானாவை சிறப்பாக மாற்றுவதற்கு மத்திய அரசு தடையாக இருப்பதாக அதிருப்தி தெரிவித்தார்.
தெலுங்கு தேசம் கட்சியின் செய்தித் தொடர்பாளர் ஜோத்ஸ்னா திருநகரி, "உங்களால் வேலை செய்ய முடியவில்லை என்றால், நீங்கள் திறமையற்றவர், மற்ற முதல்வர்களால் விஷயங்களைச் செய்ய முடிந்தால், உங்களால் ஏன் முடியாது?" என்றார்
"ராணா டகுபதி பள்ளியில் ராம் சரண் சாப்பாட்டை சாப்பிடுவார். ராணாவின் சாப்பாடு பெரிய டிபன் கேரியரில்தான் வரும்; சரண் சிறிய டப்பாவில்தான் சாப்பாடு கொண்டு வருவார்; அப்படி இருந்தும் தனது சாப்பாடு அனைத்தும் சாப்பிட்டு முடித்துவிட்டு சரண் டப்பாவையும் ராணா சாப்பிடுவார்."
சாய் துர்கா தேஜ் நடிகர்
"நாம் வேற்றுமையில் ஒற்றுமையாக இருக்கிறோம், ஒரே நாடு ஒரே தேர்தல், ஒரே மதம் மற்றும் ஒரு மொழியை கட்டாயப்படுத்த முடியாது" - கனிமொழி சோமு, எம்.பி
"சனாதனம் குறித்து உதயநிதி ஸ்டாலின் பேசியது வட இந்தியாவில் முற்றிலும் தவறாகப் புரிந்துகொள்ளப்பட்டது; அவர் பெண்களின் சமத்துவம் மற்றும் உரிமைகளை மேற்கோள் காட்டினார்; வட இந்தியாவில் அவர் கூறியது வேறு விதமாக காட்டப்பட்டு மோசமான அரசியலுக்கு ஆளாக்கப்பட்டது; நாங்கள் ஒருபோதும் கடவுளுக்கு எதிரானவர்கள் அல்ல. மக்களுக்கு அநீதி இழைக்கும் சில சித்தாந்தங்களுக்கு மட்டுமே நாங்கள் எதிரானவர்கள்"
-
திமுக எம்பி டாக்டர் கனிமொழி சோமு
”தோல்விகள் தான் No சொல்லும் துணிச்சலை கொடுத்தது” - நடிகர் சாய் தரம் தேஜ்
6 படம் தொடர்ச்சியாக தோல்வியடைந்தன. அதற்குப்பிறகு வந்த வாய்ப்புகளுக்கு ‘No' சொல்லும் தைரியம் கடவுளால் எனக்கு கிடைத்தது
வடக்கிற்கு தெற்கு எவ்வளவோ செய்கிறது. ஆனால், வடக்கு தெற்கிற்கு எதையும் செய்ய மறுக்கிறது.
தெற்கில் உள்ள மாநிலங்களின் நாடாளுமன்ற உறுப்பினர்களின் எண்ணிக்கையை மத்திய பாஜக அரசு குறைக்க நினைக்கிறது.
வட மாநிலங்களை காட்டிலும் தமிழ்நாடு, ஆந்திரா, தெலுங்கானா, கேரளா, கர்நாடகா, புதுச்சேரி மாநிலங்கள் வரித் தொகையை அதிகம் வாரி வழங்குகின்றன. ஆனால், மத்திய பாஜக அரசு நமக்கு தேவையானவற்றை எதையும் தருவதில்லை.
ஏனென்றால், இந்த நாட்டின் பிரதமர் நரேந்திர மோடி, அவர் வட மாநிலத்தை சேர்ந்தவர் அதனால்தான்.
-ரேவந்த் ரெட்டி
Background
பெரும் எதிர்பார்ப்புகளுக்கு மத்தியில், ஏபிபி நெட்வர்க்கின் சதர்ன் ரைசிங் மாநாடு 2024, ஐதராபாத்தில் இன்று நடைபெற உள்ளது. அரசியல், கலை, விளையாட்டு, சினிமா என பல்வேறு துறைகளில் சிறந்து விளங்கும் பிரபலங்கள், இதில் பங்கேற்க உள்ளனர்.
எதிர்பார்ப்பை கிளப்பிய ABP Southern Rising Summit:
தெற்கின் குரலை ஓங்கி ஒலிக்கும் வகையில் ஏபிபி நெட்வர்க்கின் சதர்ன் ரைசிங் மாநாடு, முதன்முறையாக கடந்த ஆண்டு சென்னையில் நடைபெற்றது. அதன் தொடர்ச்சியாக, ஏபிபி நெட்வர்க்கின் நடப்பாண்டிற்கான சதர்ன் ரைசிங் உச்சி மாநாடு இன்று ஐதராபாத்தில் நடைபெற உள்ளது.
இதன் இரண்டாவது பதிப்பு, "தென்னிந்தியாவின் வளர்ச்சியில் முதிர்ச்சி: அடையாளம், உத்வேகம் மற்றும் தாக்கம்" என்ற கருப்பொருளில், தென் மாநிலங்களின் அரசியல், கலாச்சார, பொருளாதார மற்றும் சமூக முன்னேற்றங்களைக் கொண்டாட உள்ளது.
ஐதராபாத்தில் உள்ள பார்க் ஹயாத் ஐந்து நட்சத்திர ஓட்டலில் நடைபெற உள்ள இந்த நிகழ்ச்சி, காலை 9.50 மணியளவில் குத்துவிளக்கேற்றி தொடங்கப்பட உள்ளது. தொடர்ந்து, வரவேற்பு உரையை ஏபிபி நெட்வர்க்கின் இயக்குனர் த்ருபா முகெர்ஜி நிகழ்த்த உள்ளார்.
தென்னகத்தை கொண்டாடும் பிரபலங்கள்:
தெலங்கானா முதலமைச்சர் ரேவந்த் ரெட்டி, விமான போக்குவரத்துத்து அமைச்சர் ராம் மோகன் நாயுடு உள்ளிட்டவர்கள் இந்த மாநாட்டில் பேச உள்ளனர். முன்னாள் நட்சத்திர பேட்மிண்டன் வீரர் பத்ம பூஷன் புல்லேலா கோபிசந்த், மஞ்சுமெல் பாய்ஸ் படத்தின் இயக்குநர் சிதம்பரம் எஸ். பொடுவால், நடிகை கவுதமி, நடிகர் சாய் துர்கா தேஜ், நடிகை ராஷி கண்ணா போன்ற புகழ்பெற்ற ஆளுமைகள் தென்னிந்தியாவின் துடிப்பான அடையாளம் குறித்த தங்கள் கருத்தை பகிர்ந்து கொள்ள உள்ளனர்.
நடந்து முடிந்த மக்களவை தேர்தலில் ஐதராபாத் தொகுதியின் பாஜக வேட்பாளர் மாதவி லதா, காங்கிரஸின் தேசிய செய்தித் தொடர்பாளர் டாக்டர் ஷாமா முகமது, திமுக மாநிலங்களவை உறுப்பினர் டாக்டர் கனிமொழி சோமு, தெலுங்கு தேசம் கட்சியின் தேசிய செய்தித் தொடர்பாளர் ஜோத்ஸ்னா திருநகரி ஆகியோர் பெண்கள் மட்டுமே உரையாடும் கலந்துரையாடலில் கூட்டாட்சியை வலுப்படுத்துவது என்ற தலைப்பில் பேச உள்ளனர்.
இந்த நிகழ்ச்சியின் நேரலையை காலை 10.00 மணி முதல் ஏபிபி நாடு உள்பட ஏபிபி நெட்வர்க்கின் அனைத்து டிஜிட்டல் தளங்களிலும் பொதுமக்கள் கண்டு களிக்கலாம்.
சுகாதாரம், கல்வி, கலாச்சார பாதுகாப்பு மற்றும் பிராந்திய அடையாளத்தின் பரிணாம வளர்ச்சி போன்ற முக்கியமான பிரச்னைகளை நிவர்த்தி செய்யும் தாக்கத்தை ஏற்படுத்தும் விவாதங்கள் இந்த மாநாட்டில் நடக்கப்போகிறது.
- - - - - - - - - Advertisement - - - - - - - - -