இந்தியாவில் கடந்த 24 மண் நேரத்தில் 7,633 பேருக்கு கொரோனா பாதிப்பு உறுதி செய்யப்பட்டுள்ளதாக மத்திய சுகாதாரத்துறை அமைச்சகம் தெரிவித்துள்ளது.
கொரோனா இன்றைய நிலவரம்:
இந்தியாவில் நேற்று 10,093 பேருக்கு கொரோனா தொற்று உறுதியான நிலையின் இன்று 9,111-ஆக கொரோனா பாதிப்பு குறைந்துள்ளது.
சிகிச்சை பெறுவோர் எண்ணிக்கை
இந்தியாவில் கொரோனாவுக்கு சிகிச்சை பெறுவோர் எண்ணிக்கை 60,313-லிருந்து 61,233-ஆக அதிகரித்துள்ளதாக தெரிவிக்கப்பட்டுள்ளது.
கொரோனா தொற்று - உயிரிழப்பு
இந்தியாவில் கொரோனாவுக்கு மேலும் 11 பேர் உயிரிழந்துள்ளதாக தெரிவிக்கப்பட்டுள்ளது. உயிரிழப்பு எண்ணிக்கை 5,31,141-லிருந்து 5,31,152 ஆக உயர்ந்துள்ளது.
நாடு முழுவதும் கொரோனாவால் பாதிக்கப்பட்டவர்களின் எண்ணிக்கை 4,48,27,220-லிருந்து 4,48,34,859 ஆக உயர்ந்துள்ளது.
கொரோனா தொற்று - குணமடைந்தோர் எண்ணிக்கை
கடந்த 24 மணி நேரத்தில் 6,702 பேர் கொரோனா தொற்று பாதிப்பிலிருந்து குணமடைந்துள்ளனர்.
உடல் ஆரோக்கியம் சீராக இருக்க வேண்டியது அவசியம்
நுரையீரல் ஆரோக்கியம்
நுரையீரல் அல்வியோலி எனப்படும் மில்லியன் கணக்கான சிறிய காற்றுப் பைகளால் ஆனது, அவை இரத்த ஓட்டத்திற்கும் நாம் சுவாசிக்கும் காற்றுக்கும் இடையில் வாயுக்களை பரிமாறிக் கொள்கின்றன. சளியை உற்பத்தி செய்வதன் மூலமும், சுவாசக் குழாயில் இருந்து நச்சுகள் மற்றும் தேவையற்ற விஷயங்களை அகற்றுவதன் மூலம் உடலின் pH சமநிலை மற்றும் நோயெதிர்ப்பு பாதுகாப்பை பராமரிக்கின்றன. கொரோனா முதலில் சுவாச மண்டலத்தைப் பாதிப்பதால், நுரையீரல் ஆரோக்கியம் மிகவும் அவசியமாகிறது. நுரையீரல் ஆரோக்கியமாக இருந்தால், கடுமையான நோய் அல்லது வைரசால் ஏற்படும் சிக்கல்களின் அபாயம் குறைகிறது.
நுரையீரலை ஆரோக்கியமாக வைத்திருக்க சில வழிகள்:
புகைபிடிக்க வேண்டாமே!
புகைபிடித்தல் சுவாச மண்டலத்தை சேதப்படுத்துவதுடன், நோயெதிர்ப்பு மண்டலத்தை பலவீனப்படுத்துகிறது. இது கொரோனா உட்பட பல தொற்றுநோய்கள் மிகவும் எளிதில் பாதிக்க வழி வகுக்கிறது. ஆரோக்கியமான நுரையீரலை பேன நாம் செய்ய வேண்டிய முதல் விஷயம் புகைபிடிப்பதை கைவிடுவதாகும்.
ஆழ்ந்த சுவாசப் பயிற்சி
ஆழ்ந்த சுவாசப் பயிற்சிகள் நுரையீரல் திறனை மேம்படுத்தும். சுவாச தசை வலிமையை மேம்படுத்தவும் உதவும். உதரவிதான சுவாசம் (diaphragmatic breathing) அல்லது பர்ஸ்டு-லிப் சுவாசம் போன்ற நுட்பங்களை தினசரி வழக்கத்தில் சேர்த்துக்கொள்ள முயற்சிக்கவும்.
இதோடு ஆரோக்கியமான உணவு, சீரான உடற்பயிற்சி உள்ளிட்டவற்றையும் பின்பற்ற வேண்டும்.
மேலும் வாசிக்க..