அட குளுகுளுன்னு இருக்குப்பா.. மீண்டும் காஞ்சிபுரத்தில் கொட்டி தீர்க்கும் மழை..

காஞ்சிபுரம் மற்றும் அதன் சுற்றுவட்டார பகுதிகளில் இரவு நேரத்தில் திடீர் மழை பெய்து தீர்த்தது

திடீரென பெய்த மழையின் காரணமாக பொதுமக்கள் வாகன ஓட்டிகள் அவதி.

காஞ்சிபுரம் மாவட்டத்தில் கடந்த சில தினங்களாக பகல் நேரங்களில் வெய்யிலின் தாக்கம் அதிகரித்து வெப்பத்தால் மக்கள் அவதிப்பட்டு வருகின்றனர். இந்நிலையில் இன்று காலை முதலே அதிக வெப்பம் வாட்டி வதைத்து வந்த நிலையில் இரவு நேரத்தில் திடீரென கருமேகங்கள் சூழ்ந்த நிலையில் காஞ்சிபுரம் சுற்றுவட்டார பகுதிகளில் திடீரென கன மழை அரை மணிநேரத்திற்கும் மேலாக பெய்தது.

காஞ்சிபுரம் மாநகராட்சி மற்றும் அதன் சுற்றுவட்டார பகுதிகளான செவிலிமேடு, ஓரிக்கை,ஒலி முகமது பேட்டை,திம்ம சமுத்திரம், வையாவூர், கோனேரி குப்பம், நத்தப்பேட்டை, களியனூர், களக்காட்டூர், ஓரிக்கை, உள்ளிட்ட பல்வேறு பகுதிகளில் அரை மணிநேரத்திற்கும் மேலாக கன மழை பெய்தது. திடீரென பெய்த கன மழையின் காரணமாக பல்வேறு பணிக்குச் சென்று திரும்பிய பொதுமக்களும் வாகன ஓட்டிகளும் பெரும் அவதிப்பட்டனர்.

வானிலை நிலவரம்:

08.09.2023 முதல் 10.09.2023 வரை: தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் லேசானது முதல் மிதமான மழை  பெய்யக்கூடும். கோயம்புத்தூர் மாவட்டத்தின் மலை பகுதிகள், நீலகிரி, திருப்பூர், தேனி மற்றும் திண்டுக்கல் மாவட்டங்களில் ஓரிரு இடங்களில் கனமழை பெய்யவாய்ப்புள்ளது. 

11.09.2023 & 12.09.2023: தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் லேசானது முதல் மிதமான மழை  பெய்யக்கூடும்.

சென்னை மற்றும் புறநகர் பகுதிகளுக்கான வானிலை முன்னறிவிப்பு:

அடுத்த 24 மணிநேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய லேசான/மிதமான மழை  பெய்யக்கூடும். அதிகபட்ச வெப்பநிலை 35 டிகிரி செல்சியஸ் மற்றும் குறைந்தபட்ச வெப்பநிலை 26-27 டிகிரி செல்சியஸை ஒட்டியும் இருக்கக்கூடும். 

அடுத்த 48 மணிநேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில்  லேசான/மிதமான மழை  பெய்யக்கூடும். அதிகபட்ச வெப்பநிலை 35 டிகிரி செல்சியஸ் மற்றும் குறைந்தபட்ச வெப்பநிலை 26-27 டிகிரி செல்சியஸை ஒட்டியும் இருக்கக்கூடும்.

மீனவர்களுக்கான எச்சரிக்கை:

07.09.2023 & 08.09.2023: தமிழக கடலோரப்பகுதிகள் மற்றும் மன்னார் வளைகுடா பகுதிகளில் சூறாவளிக்காற்று  மணிக்கு 45 முதல் 55 கிலோ மீட்டர் வேகத்திலும் இடையிடையே 65  கிலோ மீட்டர் வேகத்திலும் வீசக்கூடும்.

09.09.2023: தென் தமிழக கடலோரப்பகுதிகள் மற்றும் மன்னார் வளைகுடா பகுதிகளில் சூறாவளிக்காற்று  மணிக்கு 40 முதல் 45 கிலோ மீட்டர் வேகத்திலும் இடையிடையே 55  கிலோ மீட்டர் வேகத்திலும் வீசக்கூடும்.

வங்கக்கடல் பகுதிகள்:

07.09.2023: இலங்கை கடலோரப்பகுதிகள், தென்மேற்கு வங்கக்கடல் மற்றும்  அதனை ஒட்டிய தென்கிழக்கு வங்கக்கடல் பகுதிகள், மத்தியமேற்கு வங்கக்கடல் மற்றும்  அதனை ஒட்டிய மத்தியகிழக்கு வங்கக்கடல் பகுதிகளில் சூறாவளிக்காற்று  மணிக்கு 45 முதல் 55 கிலோ மீட்டர் வேகத்திலும் இடையிடையே 65  கிலோ மீட்டர் வேகத்திலும் வீசக்கூடும்.

08.09.2023: மத்தியமேற்கு வங்கக்கடல் மற்றும்  அதனை ஒட்டிய மத்தியகிழக்கு- தென்மேற்கு வங்கக்கடல் பகுதிகளில் சூறாவளிக்காற்று  மணிக்கு 45 முதல் 55 கிலோ மீட்டர் வேகத்திலும் இடையிடையே 65  கிலோ மீட்டர் வேகத்திலும் வீசக்கூடும்.

09.09.2023: எச்சரிக்கை ஏதுமில்லை.

10.09.2023: இலங்கை கடலோரப்பகுதிகள்,  தென்மேற்கு வங்கக்கடல் மற்றும்  அதனை ஒட்டிய தென்கிழக்கு வங்கக்கடல் பகுதிகள், மத்தியவங்கக்கடலின் மத்திய பகுதிகளில் சூறாவளிக் காற்று  மணிக்கு 45 முதல் 55 கிலோ மீட்டர் வேகத்திலும் இடையிடையே 65  கிலோ மீட்டர் வேகத்திலும் வீசக்கூடும் என்று தெரிவிக்கப்பட்டுள்ளது.