முகத்தில் கருவளையம் வர பல்வேறு காரணங்கள் இருக்கும். போதுமான தூக்கமின்மை, மனஅழுத்தம், ஹார்மோன் மாற்றங்கள், வேலைப்பளு, போன்ற காரணங்களால் வருகிறது. இந்த கருவளையம் நீங்க, பிரபல ஊட்டச்சத்து நிபுணர், ருஜுதா திவேகர் சில டிப்ஸ்களை தனது இன்ஸ்டாகிராம் பக்கத்தில் பகிர்ந்து இருக்கிறார்.
- வீட்டில் தயாரித்த இஞ்சி மற்றும் துளசி டீ - இஞ்சி, துளசி, குங்குமப்பூ ஆகியவற்றை சேர்த்து டீ தயாரித்து , தேவையான அளவு தேன் கலந்து குடிக்கலாம்.
- மாலை ஸ்னாக்ஸ் ஆரோக்கியமாக எடுத்து கொள்ளவும். வேகவைத்த வேர்க்கடலை , வெல்லம் மற்றும் அதனுடன் சிறிதளவு தேங்காய் சேர்த்து சாப்பிடலாம். எண்ணையில் பொறித்த வறுத்த சிப்ஸ் போன்றவற்றை தவிர்த்து இது போன்ற ஆரோக்கியமான உணவை தேர்ந்தெடுத்து சாப்பிடலாம்.
- பயித்தம் மாவு மற்றும் பால் கலந்து முகத்திற்கு பேஷ் மாஸ்க் போடலாம்.இதை வீட்டில் செய்து தினம் போடலாம். முகத்தில் இருக்கும் கழிவுகள் நீங்கி புத்துணர்வுடன் இருக்கும்.
- மதியம் 30 நிமிடங்கள் மட்டுமே தூங்க வேண்டும். இரவு 11 மணிக்கு முன் தூங்கச்செல்ல வேண்டும். ஆழந்த உறக்கம் அவசியம்.
- எதிர்மறை சிந்தனை இருப்பவர்களிடம் இருந்து விலகி இருங்கள். இது உடல்நலம் மற்றும் மனநலத்திற்கு நல்லது.
இது போன்ற விஷயங்களை பின்பற்றுங்கள். கருவளையத்தில் இருந்து விடுதலை பெறுங்கள். கருவளையம் நீங்கி புத்துணர்வுடன் இருங்கள்.