முடியும் எலும்பும் ஸ்ட்ராங் ஆக வேண்டுமா? இந்த பொடியை அரைத்து வைத்துக் கொள்ளுங்கள்… தினமும் பாலில் கலந்து குடிக்கலாம்!

தினமும் இதனை பாலில் கலந்து சாப்பிடுவது, உங்கள் உடலில் இரத்த ஓட்டத்தை அதிகரித்து எலும்புகளை ஆரோக்கியமாக வைத்திருக்கும். கூடுதலாக இது தலை முடிக்கும் நன்மை பயக்கும்.

புரோட்டீன் பவுடர்கள் மற்றும் வைட்டமின் மாத்திரைகள் என பல விஷயங்கள் சந்தையில் கிடைக்கின்றன. சமச்சீர் உணவை வழங்குவதால், பால் குடிப்பதும் மக்களுக்கு ஆரோக்கியமானது என்று நம்பப்படுகிறது. ஆனால் ஆரோக்கியமான உணவை உட்கொண்டு ஒவ்வொரு நாளையும் தொடங்க வேண்டும் என விரும்பினால், பாலுடன் ஒரு ஸ்பூன் இந்த Dry fruits powder (உலர் பழப் பொடி) -ஐக் கலந்து சாப்பிடலாம். அதென்ன உலர் பழப் பொடி என்கிறீர்களா? இதனை செய்வது மிகச் சுலபம் என்பது மட்டுமல்ல செலவும் குறைவு!

தேவையான பொருட்கள்

முதலில், ஒரு கப் மக்கானாவை எடுத்துக்கொள்ள வேண்டும். அதைத் தொடர்ந்து பாதாம், கசகசா, வறுத்த உளுந்து, உலர்ந்த பேரீட்சை, தால் மிஷ்ரி மற்றும் உலர்ந்த இஞ்சி தூள் ஆகியவற்றை எடுத்துக்கொள்ளவும். ஒரு கடாயில் மக்கானாவை போட்டு, குறைந்த நெருப்பில் வறுக்கவும். பொன்னிறமாகவும், மொறுமொறுப்பாகவும் மாறிய பின்னர், அவற்றை ஒரு பாத்திரத்தில் எடுத்து வைக்கவும். இப்போது கடாயில் பாதாம் மற்றும் கசகசாவை சேர்த்து வறுக்கவும்.

செய்முறை

அதனை எடுத்துவிட்டு, பின்னர் வறுத்த உளுந்து மற்றும் காய்ந்த பேரீச்சம்பழத்தை வாணலியில் சேர்க்கவும். ஒரு நிமிடம் அல்லது இரண்டு நிமிடங்களுக்கு அவற்றை வறுக்கவும், பின்னர் அவற்றை வெளியே எடுக்கவும். எல்லா பொருட்களையும் வறுத்து எடுத்ததும், சூடு ஆறவிட்டு மிக்ஸி ஜாரில் போட்டு 30 வினாடிகள் அரைக்கவும். அரைப்பதற்கு இடையில், மிக்ஸி ஜாடியின் மூடியைத் திறந்து தால் மிஷ்ரி மற்றும் உலர் இஞ்சி பொடியை ஜாரில் போடவும். மூடியை மூடி மீண்டும் அரைக்கவும். இப்போது உங்கள் உலர் பழ தூள் தயார்.

என்னென்ன நன்மைகள்?

நீங்கள் அதை பால் அல்லது சூடான நீரில் கலந்து சாப்பிடலாம். இந்த பொடியை காற்று புகாத கொள்கலனில் சேமித்து வைக்க வேண்டும். தினமும் இதனை பாலில் கலந்து சாப்பிடுவது, உங்கள் உடலில் இரத்த ஓட்டத்தை அதிகரித்து எலும்புகளை ஆரோக்கியமாக வைத்திருக்கும். கூடுதலாக இது முடிக்கும் நன்மை பயக்கும். அனைத்து வயதினரும் இதை உட்கொள்வதன் மூலம் வலுவான முடி மற்றும் ஆரோக்கியமான உடலைப் பெறலாம். இதனை தினமும் உட்கொள்வதன் மூலம் உடலில் ஏற்படும் சோர்வு மற்றும் பலவீனம் மெதுவாக மறையும். வீட்டில் உலர் பழ தூள் தயாரிக்க விரும்பினால், இந்த செய்முறையை பின்பற்றுங்கள். 

பொறுப்புத்துறப்பு : இந்த உள்ளடக்கம் பொதுவான தகவல்களை உள்ளடக்கியது. இது மருத்துவ ரீதியான அறிவுரையோ, கருத்தோ அல்ல. தனிப்பட்ட உடல்நலம் சார்ந்த தகவல்களுக்கு மருத்துவரை அணுகுவது மட்டுமே சரியான தீர்வாகும். ஏபிபி பொதுத் தகவல்களுக்கான பொறுப்பை ஏற்காது.