சூப்பர்ஃபுட்கள் எனப்படுவது உடலுக்கு ஊட்டச்சத்துகளை அளப்பரிய அளவில் வழங்கும் உணவுகள் ஆகும். இந்த ஆற்றல்மிக்க உணவுகள் அத்தியாவசிய வைட்டமின்கள், தாதுக்கள், ஆக்ஸிஜனேற்றிகள் மற்றும் ஒட்டுமொத்த உடல் நலனை ஆதரிக்கும் பிற தேவைகளை பூர்த்தி செய்கின்றன. குறிப்பாக தாய்மார்களுக்கு இந்த சூப்பர்ஃபுட்கள் பெரும் பயன்களை வழங்குகின்றன.
இவை ஆன்டி ஆக்ஸிடன்ட்கள் மற்றும் நார்ச்சத்து நிறைந்த பெர்ரி, நோய் எதிர்ப்பு சக்தி மற்றும் செரிமான ஆரோக்கியத்தை மேம்படுத்துகிறது. தாய்மார்கள், குறிப்பாக தாய்ப்பால் கொடுப்பவர்கள், ஊட்டச்சத்துக்கு முன்னுரிமை கொடுக்க வேண்டும். "இந்த சூப்பர்ஃபுட்களை தங்கள் உணவில் சேர்ப்பதன் மூலம், தாய்மார்கள் நல்வாழ்வை மேம்படுத்தவும், ஆற்றலை அதிகரிக்கவும், நோய் எதிர்ப்பு சக்தியை அதிகரிக்கவும் மற்றும் ஒட்டுமொத்த ஆரோக்கியத்தை மேம்படுத்தவும் முக்கிய ஊட்டச்சத்துக்களை வழங்க முடியும்," என்கிறார்கள் ஊட்டச்சத்து நிபுணர்கள். அதற்கு என்னென்ன உணவுகள் எடுத்துகொள்ள வேண்டும் என்பது குறித்து தெரிந்துகொள்ளுங்கள்.
முட்டைகள்
முட்டைகள் உங்கள் காலை உணவின் ஒரு பகுதியாக இருக்க வேண்டும், ஏனெனில் அவை சுவையாக இருப்பது மட்டுமல்லாமல், முட்டையின் மஞ்சள் கருவில் கணிசமான அளவு ஒமேகா 3 மற்றும் வைட்டமின்கள் ஏ, டி, ஈ மற்றும் கே ஆகியவை இருப்பதால் அவை ஊட்டச்சத்துக்கள் நிறைந்த உணவாக இருக்கின்றன. முட்டை அத்தியாவசிய அமினோ அமிலங்களைக் கொண்டிருப்பதால் புரதம் நிறைந்த உணவாகவும் இருக்கிறது. அவை இரத்த சர்க்கரை அளவை சீராக வைத்து, பகலில் சிற்றுண்டியின் தேவையை குறைக்கிறது.
அவகேடோ (பட்டர் ஃப்ரூட்)
அவகேடோவில் ஆரோக்கியமான கொழுப்புகள் மற்றும் நார்ச்சத்துக்கள் மற்றும் பல்வேறு பி வைட்டமின்கள், பொட்டாசியம், வைட்டமின் ஈ ஆகியவை நிரம்பியுள்ளன. இது உங்கள் உடலில் வீக்கத்தை எதிர்த்துப் போராட உதவுகிறது மற்றும் உங்கள் கொலஸ்ட்ரால் மற்றும் ட்ரைகிளிசரைடு அளவை மேம்படுத்துவதன் மூலம் உங்கள் தமனிகளைப் பாதுகாக்கிறது. இதில் உள்ள நல்ல கொழுப்புகள் இரத்த சர்க்கரை அளவையும் சமநிலையில் வைத்திருக்கும். எனவே, இதனை உங்கள் காலை உணவின் ஒரு பகுதியாக எடுத்துக்கொண்டால் மதியம் அதிகமாக சாப்பிடத் தேவை இருக்காது என்பதை நீங்களே உணரலாம்.
சியா விதைகள்
சியா விதைகளில் ஒமேகா 3, இரும்பு, கால்சியம் மற்றும் ஆன்டிஆக்ஸிடன்ட்கள் போன்ற ஊட்டச்சத்துக்கள் நிறைந்துள்ளன, அவை எலும்பு மற்றும் இதய ஆரோக்கியத்திற்கு சிறந்தவை. நார்ச்சத்து நிறைந்த இந்த சியா விதைகள், செரிமானம் மற்றும் குடல் இயக்கங்களை மேம்படுத்துகின்றன.
எள் விதைகள்
ஆரோக்கியமான கொழுப்புகள், நார்ச்சத்துக்கள் மற்றும் வைட்டமின்கள் நிறைந்த எள் விதைகள், குடல் ஆரோக்கியத்தை ஆதரிக்கின்றன, கொழுப்பைக் குறைக்கின்றன, வலுவான எலும்புகளுக்கு கால்சியத்தை வழங்குகின்றன. மேலும் புற்றுநோயைத் தடுக்கும் கூறுகளான SHBP ஐக் கொண்டுள்ளன. அவற்றை தின்பண்டங்களாகவோ, சாலடுகள் அல்லது ஸ்மூத்திகளில் சேர்த்தோ அல்லது பல்வேறு உணவுகளில் சேர்த்தோ உண்ணலாம்.
நெய் மற்றும் வெண்ணெய்
கொழுப்பில் கரையக்கூடிய வைட்டமின்கள் மற்றும் ப்யூட்ரிக் அமிலம் நிறைந்த நெய் மற்றும் வெண்ணெய் இரண்டையும் பல்வேறு உணவுகளில் எந்த தயக்கமும் இன்றி சேர்த்துக் கொள்ளலாம். இவை குடல் ஆரோக்கியம் மற்றும் நோய் எதிர்ப்பு சக்திக்கு பயனளிக்கிறது.
முருங்கை
முருங்கை, இரும்புச் சத்துகளை அதிகரிக்க அறியப்பட்ட ஒரு பிரபலமான ஊட்டச்சத்து நிறைந்த தாவரமாகும். புரதங்கள், இரும்பு, கால்சியம் மற்றும் வைட்டமின்கள் சி, ஏ மற்றும் ஈ ஆகியவற்றால் நிரம்பியுள்ளது. இது நோய் எதிர்ப்பு சக்தியை அதிகரிப்பது, எடை மேலாண்மைக்கு உதவுவது போன்ற நன்மைகளை வழங்குகிறது. மேலும் நல்ல தூக்கத்தை ஊக்குவிக்கிறது.
சர்க்கரைவள்ளி கிழங்கு
மாவுச்சத்துள்ள கார்போஹைட்ரேட்டுகளின் சிறந்த தேர்வு இதுதான். சர்க்கரைவள்ளி கிழங்கில் நார்ச்சத்து மற்றும் வைட்டமின் ஏ, பி6, கே மற்றும் பொட்டாசியம் போன்ற நன்மை பயக்கும் ஊட்டச்சத்துக்கள் நிறைந்துள்ளன. அவை ஆக்ஸிஜனேற்றத்தின் சிறந்த மூலமாகவும் செயல்படுகின்றன. மேலும் இரத்த சர்க்கரை அளவை பராமரிக்க உதவுகின்றன. கூடுதலாக, இவை கண் மற்றும் குடல் ஆரோக்கியத்திற்கு சிறந்தது.
பாதாம் வெண்ணெய் (ஆல்மாண்ட் பட்டர்)
பாதாம் வெண்ணெய் மோனோசாச்சுரேட்டட் (monosaturated) கொழுப்புகளின் சிறந்த மூலமாகும், இது எல்டிஎல் (கெட்ட) கொழுப்பைக் குறைக்கவும், HDL (நல்ல) கொழுப்பை அதிகரிக்கவும் உதவுகிறது. பாதாம் வெண்ணெய் நார்ச்சத்து, வைட்டமின் ஈ ஆகியவற்றைக் கொண்டுள்ளது, இது மூளை செல்களின் வயதைக் குறைக்கும் மற்றும் அறிவாற்றலை மேம்படுத்தும் ஒரு முக்கிய ஊட்டச்சத்து ஆகும்.
கிரீக் யோகர்ட்
கிரீக் யோகர்ட்டில், லாக்டோஸ் குறைவாகவும், புரதம் அதிகமாகவும் இருப்பதால், தாய்மார்கள் மற்றும் கர்ப்பிணிப் பெண்களுக்கு மிகவும் பரிந்துரைக்கப்படும் ஒரு புரோபயாடிக் உணவாக உள்ளது. இது இரத்த சர்க்கரை அளவை நிர்வகிக்க உதவுவதோடு, எலும்பு, நரம்பு மண்டலம் மற்றும் தசை ஆரோக்கியத்திற்கு தேவையான கால்சியத்தையும் வழங்குகிறது.
மாதுளை
பழங்களிலேயே இது மிகவும் சக்திவாய்ந்த பழங்களில் ஒன்றாகும், ஏனெனில் இது பாலிஃபோலோஸ், ஆக்ஸிஜனேற்றிகள் மற்றும் வைட்டமின் ஏ, சி, ஈ மற்றும் கே ஆகியவற்றால் நிரம்பியுள்ளது. மேலும் அவை நார்ச்சத்து மற்றும் ஃபோலிக் அமிலத்தின் சிறந்த மூலமாகும். இதனால் நமது தோல் மற்றும் முடி ஆரோக்கியம் மேம்படுகிறது. மாதுளை குடல் நுண்ணுயிரிகளை மேம்படுத்தவும், குணப்படுத்தவும் உதவுகிறது. குருத்தெலும்பு மற்றும் மூட்டுகளைப் பாதுகாப்பதால் அவை எலும்புகளுக்கும் சிறந்தவை என்று பரிந்துரைக்கப்படுகிறது.
மேற்கண்ட பழங்கள் ஆரோக்கியத்திற்கு நல்லது என்றாலும் பெண்கள் மருத்துவர்களின் ஆலோசனையை பெற்றுக்கொள்வது முக்கியம் ஆகும்.