தேவையான பொருட்கள் 


 

குதிரைவாலி - 2 கப்

 

கேரட், பீன்ஸ் - 250 கிராம்

 

பீட்ரூட் - 1

 

பெரிய வெங்காயம் - 2

 

தக்காளி - 2

 

வரமிளகாய் - 4

 

இஞ்சி - சிறிய துண்டு

 

பூண்டு - 6 பற்கள்

 

சோம்பு - ஒரு மேசைக் கரண்டி

 

பட்டை - சிறு துண்டு

 

கிராம்பு - 2

 

ஏலக்காய் - 2

 

எண்ணெய் - தாளிக்க தேவையான அளவு

 

தயிர் ஆடை - ஒரு மேசைக் கரண்டி 

 

உப்பு - தேவையான அளவு

 

தண்ணீர் - 4 கப்

 

செய்முறை


 


பெரிய வெங்காயத்தை நீளமாக நறுக்கிக் கொள்ளவும். தக்காளியைப் பொடியாகவும் நறுக்கிக் கொள்ளவும். 

 

காய்கறிகளைச் சுத்தம் செய்து தோல் நீக்கி பொடியாக நறுக்கிக் கொள்ள வேண்டும்.

 

இஞ்சி, பூண்டு, ஏலக்காய், அரை மேசைக் கரண்டி சோம்பு, கிராம்பு, பட்டை ஆகியவற்றை மிக்ஸி ஜாரில் சேர்த்து நைசாக அரைத்துக் கொள்ள வேண்டும்.

 

குதிரை வாலியை நன்றாகக் கழுவி எடுத்து, 4 கப் தண்ணீர் ஊற்றி ஊற வைக்க வேண்டும்

 

பின்னர் குக்கரில் எண்ணெய் சேர்த்து, காய்ந்ததும் சோம்பு சேர்த்து பொரிந்ததும், வெங்காயம் சேர்த்து வதக்க வேண்டும். 

 

பின்னர் அரைத்து வைத்துள்ள விழுதைச் சேர்த்து பச்சை வாசனை போகும் வரை வதக்க வேண்டும்.

 


அதனுடன் தக்காளி சேர்த்து வதங்கியதும், அனைத்து காய்கறிகளையும் சேர்த்து நன்றாக வதக்க வேண்டும். 

 

பிறகு தேவையான அளவு தண்ணீர் சேர்த்து காய்கறிகளை வேக விட வேண்டும்.


 


காய்கறிகள் அரை பதமாக வெந்ததும் குதிரை வாலி அரிசியை சேர்த்து, மீதமுள்ள தண்ணீரை ஊற்றி நன்றாக கலந்து விட்டு வைக்கவும். ( குதிரை வாலி அரிசி ஒரே விசிலில் வெந்து விடும் அதற்கு ஏற்றவாறு தண்ணீர் சரியான அளவில் சேர்க்க வேண்டும்.)

 


அரிசி கொதி வந்தவுடன் கலவையை நன்றாக கிளறி விட்டு, மூடி போட்டு வெயிட் போட்டு வேக வைக்க வேண்டும்

 

ஒரு விசில் வந்ததும் இறக்கி,  ஒரு டர்க்கி டவலை நனைத்து பிழிந்து குக்கர் மீது சுத்தி வைக்கவும்.

 

5 நிமிடம் கழித்து வெயிட் நீக்கி, வெந்த குதிரைவாலி பிரியாணியை நன்றாக கிளறி விட வேண்டும். அவ்வளவுதான் சுவையான குதிரைவாலி வெஜிடபுள் பிரியாணி தயார். 

 

இதில் மல்லி, புதினா போட்டு அலங்கரித்து ரைத்தாவுடன் பரிமாறலாம்.

 

மேலும் படிக்க