தமிழ்நாடு அரசுப் பணியாளர் தேர்வாணையம் (TNPSC) மாற்றுத்திறனாளிகள் நலத்துறையில் காலியாக உள்ள இளநிலை மறுவாழ்வு அலுவலர்(Junior Rehabilitation Officer) பணிக்கான வேலைவாய்ப்பு அறிவிப்பை வெளியிட்டுள்ளது.
பணி விவரம் :
இளநிலை மறுவாழ்வு அலுவலர்(Junior Rehabilitation Officer)
மொத்தப் பணியிடங்கள் : 7
கல்வித் தகுதி:
தமிழ்நாடு பொது சார்நிலைப் பணியின் கீழ் தேர்ந்தெடுக்கப்படும் இந்தப் பணிக்கு விண்ணப்பிக்க உளவியல், சமூகவியல், சமூக சேவை சார்ந்த படிப்புகளில் முதுகலை பட்டம் பெற்றிருக்க வேண்டும்.
பணி அனுபவம்:
விண்ணப்பதாரர்கள் குறைந்தபட்சம் இரண்டு ஆண்டுகள் சம்பந்தப்பட்ட துறையில் பணி அனுபவம் பெற்றிருக்க வேண்டும். குறிப்பாக, மாற்றுத்திறனாளிகளுக்கு சிகிச்சை அளிக்கும் பணி செய்திருப்பது சிறந்தது.
ஊதிய விவரம்:
இதற்கு மாத ஊதியமாக ரூ.35,000 முதல் ரூ.1,30,800 வரை வழங்கப்படுகிறது.
வயது வரம்பு:
இந்தப் பணிக்கு விண்ணப்பிக்க விண்ணப்பிக்க பொதுப்பிரிவினர் 37 வயதுக்கு மிகாமல் இருக்க வேண்டும். பழங்குடியின/ பட்டியலின பிரிவினர், MBC, உள்ளிட்ட பிரிவினருக்கு அதிகப்பட்ச வயது வரம்பு கிடையாது.
தேர்வு செய்யப்பும் முறை:
கணினி வழி எழுத்துத் தேர்வு மற்றும் நேர்முகத தேர்வு மூலம் தகுதியானவர்கள் தேர்வு செய்யப்படுவர். இறுதி தெரிவானது விண்ணப்பதாரர்கள் கணினி வழித் தேர்விலும் வாய்மொழித் தேர்விலும் சேர்த்து பெற்ற மொத்த மதிப்பெண்கள் பணியிட ஒதுக்கீட்டு விதி ஆகியவற்றின் அடிப்படையில் மேற்கொள்ளப்படும். விண்ணப்பதாரர் கணினி வழித் தேர்வின் அனைத்து பாடங்களிலும் வாய்மொழித் தேர்விலும் கலந்துகொள்வது கட்டாயமாகும். இரண்டு நிலைகளில் தேர்வுகள் நடைபெற உள்ளன. மேலும், உடற்தகுதி சான்றிதழ் சமர்ப்பிக்க வேண்டும்.
தேர்வு பாடத் திட்டம்:
இதற்கு நடத்தப்படும் எழுத்துத் தேர்வில் பொது அறிவு, உளவியல், சமூகவியல் ஆகிய துறைகளில் இருந்து கேள்விகள் கேட்கப்படும்.
தேர்வு மையங்கள்:
இந்தப் பணிக்கு சென்னை,மதுரை,கோவை, திருநெல்வேலி ஆகிய நகரங்கள் தேர்வு மையங்களாக அறிவிக்கப்பட்டுள்ளது.
தேர்வு கட்டணம்:
விண்ணப்பதாரர்கள் பதிவுக்கட்டணமாக ரூ.150 செலுத்தி தங்களது அடிப்படை விவரங்களை நிரந்தரப்பதிவு மூலமாக (OTR) கட்டாயமாக பதிவு செய்து கொள்ள வேண்டும். இந்த நிரந்தர பதிவு முறையில் பதிவு செய்த விண்ணப்பங்கள் பதிவு செய்த நாளிலிருந்து 5 ஆண்டு காலங்களுக்கு செல்லத்தக்கதாகும். அதன் பிறகு உரிய பதிவுக் கட்டணத்தைச் செலுத்தி புதுப்பித்துக் கொள்ள வேண்டும். நிரந்தர பதிவானது எந்த ஒரு பதவிக்கான விண்ணப்பமாக கருதப்படமாட்டாது என்று அதிகாரப்பூர்வ அறிவிப்பில் குறிப்பிடப்பட்டுள்ளது.
பதிவு கட்டணம் – ரூ .150
தேர்வு கட்டணம்– ரூ.200
எப்படி விண்ணப்பிப்பது?
தமிழ்நாடு அரசுப் பணியாளர் தேர்வாணையத்தின் அங்கீகரிக்கப்பட்ட இணையதளத்தின் மூலம் ஆன்லைனில் விண்ணப்பிக்க வேண்டும். தேர்வு கட்டணத்தை ஆன்லைனில் செலுத்த வேண்டும். விண்ணப்பிக்க விரும்புவோர் https://apply.tnpscexams.in/ என்ற லிங்கை கிளிக் செய்யவும்,
அறிவிப்பின் முழு விவரம்- https://tnpsc.gov.in/Document/tamil/35_2022_JRO_TAM.pdf-- என்ற லிங்கை கிளிக் செய்து காணவும்.
முக்கியமான நாட்கள்:
ஆன்லைனில் விண்ணப்பிக்க இறுதி நாள் : 07.01.2023
இணையவழி விண்ணப்பத்தை திருத்தம் செய்வதறகான காலம் - 12.01.2023 நள்ளிரவு 12.01. மணி முதல் 14.01.2023 இரவு 11.59 மணி வரை