SSC Phase XII: தேர்வர்கள் முக்கிய கவனத்திற்கு! தென் மண்டலத்தில் 22 மையங்களில் நடைபெறும் SSC Phase 12 தேர்வு

Staff Selection Commission: மத்திய பணியாளர் தேர்வாணையத்தின் தேர்வுகள் தென்மண்டலத்தில் 21 மையங்களில் 22 இடங்களில் நடைபெறுகிறது என அறிவிப்பு வெளியாகியுள்ளது.

மத்திய பணியாளர் தேர்வாணையத்தின் Phase 12 தேர்வு நடைபெறும் இடங்கள் குறித்தும், அனுமதிச் சீட்டு குறித்துமான அறிவிப்பு வெளியாகியுள்ளது.

SSC Phase 12 தேர்வு:

மத்திய அரசின் பல்வேறு அமைச்சகங்கள் மற்றும் துறைகளில் பணி நியமனத்திற்கு பணியாளர் தேர்வாணையமான எஸ்எஸ்சி  நடத்தும் கட்டம் – XII /2024 / தேர்வானது 20.06.2024  தொடங்கி 26.06.2024 வரை வரையிலான காலகட்டத்தில் 5 நாட்கள் நடைபெறுகிறது.

தென்மண்டலத்தில் 21 மையங்களில் 22 இடங்களில்  நடைபெறும் தேர்வானது, கணினி அடிப்படையில்  20.06.2024  தொடங்கி 26.06.2024 வரை வரையிலான காலகட்டத்தில் 5 நாட்கள் நடைபெறும். தென் மண்டலத்தில் இந்தத் தேர்வை 1,07,398 பேர் தேர்வு எழுதத் தகுதி பெற்றுள்ளனர்.

தென் மண்டலத்தில் ஆந்திராவில் ஓங்கோல், குண்டூர், காக்கிநாடா, கர்னூல், நெல்லூர், ராஜமுந்திரி, திருப்பதி, விஜயவாடா, விசாகப்பட்டினம், விஜயநகரம், தெலுங்கானாவில் ஹைதராபாத், கரீம்நகர், வாரங்கல், தமிழ்நாட்டில் சென்னை, கோவை, மதுரை, சேலம், திருச்சிராப்பள்ளி, திருநெல்வேலி,  வேலூர் ஆகிய  21 நகரங்களில் 22 மையங்களில் தேர்வு நடைபெற உள்ளது.

அனுமதிச் சீட்டு:

மின்னணு தேர்வு அனுமதிச் சான்றிதழ்களை இணையதளம் மூலம் பதிவிறக்கம் செய்து கொள்ளலாம் என்றும் அறிவிக்கப்பட்டுள்ளது. தேர்வுக்கான அனுமதி சான்றிதழ்களை ( Admit Card )  தேர்வு தேதிக்கு 4 நாட்களுக்கு முன்பு தொடங்கி இதை பதிவிறக்கம் செய்ய முடியும் என தெரிவிக்கப்பட்டுள்ளது.

இந்தத் தேர்வு தொடர்பான மேலும் தகவல்களுக்கு  பணியாளர் தேர்வாணையத்தின் தென்மண்டல அலுவலகத்தை 044 2825 1139 என்ற தொலைபேசி எண்ணிலும் 94451 95946 என்ற கைபேசி எண்ணிலும் தொடர்பு கொள்ளலாம் என தெரிவிக்கப்பட்டுள்ளது.