தமிழக கூட்டுறவு பால் உற்பத்தியாளர் சங்க லிமிடெட் என்றழைக்கப்பாடும் (Tamil Nadu Cooperative Milk Producers Federation Limited)  ஆவின் நிறுவனத்தில் தள்ளுவண்டி மூலமாக ஐஸ்கிரீம் விற்பனை செய்வதற்கான வேலைவாய்ப்பு அறிவிப்பு வெளியாகியுள்ளது. சென்னை மற்றும் புறநகர் பகுதிகளில் வேலை செய்வதற்கான அறிவிப்பு தற்போது வெளியாகி உள்ளது.


பணி விவரம்


ஆவின் நிறுவனத்தில் சென்னை பெருநகர மற்றும் அதன் புறநகர் பகுதிகளில் பேட்டரி தள்ளுவண்டி மூலமாக ஐஸ்கிரீம் விற்பனை செய்வதற்கு முகவர்கள் தேவை என ஆவின் நிறுவனம் தெரிவித்துள்ளது.  மேலும் விவரங்களுக்கு https://aavin.tn.gov.in/ta/home என்ற இணையத்தை கிளிக் செய்ய வேண்டும்.


வருமானம்


ஆவினில் தேர்தெடுக்கப்படும் தள்ளு வண்டி முகவர்களுக்கு வருமானமானது ரூ.30,000 இருக்கும் என தெரிவிக்கப்பட்டுள்ளது. மேலும் ஐஸ் கிரீம் விற்பனை செய்வதற்கான லாப விகிதமானது 10 சதவீதம் முதல் 15 சதவீதம் வரை வழங்கப்படும் என தெரிவிக்கப்பட்டுள்ளது.


நிபந்தனைகள்


ஆவின் நிறுவனத்தில் தள்ளுவண்டி முகவர்கள் பணிக்கு விண்ணப்பிப்போர்களுக்கு சில நிபந்தனைகள் விதிக்கப்பட்டுள்ளது. அதன்படி, தள்ளுவண்டி முகவர் பணிக்கு விண்ணப்பிப்போர்,



  • சென்னை மற்றும் சுற்று வட்டாரத்தின் குடியிருப்பவராக இருக்க வேண்டும். இதற்கான சம்பந்தப்பட்ட சான்றிதழ் அளிக்கப்பட வேண்டும்.

  • தள்ளுவண்டி முகவர் பணிக்கு தேர்தெடுக்கப்பட்ட விற்பனையாளர்கள் ரூ.10,000 காப்புத்தொகையாக செலுத்த வேண்டும் என குறிப்பிடப்பட்டுள்ளது.

  • மேலும், இந்த பணிக்கு விண்ணப்பிப்போர் ரேசன் கார்டு, வங்கி கணக்கு, 2 அரசு அலுவலர்களால் உத்திரவாதம் செய்யப்பட்ட சான்றிதழ் மற்றும் அவர்களின் அடையாள அட்டை இணைக்கப்பட வேண்டும் என குறிப்பிடப்பட்டுள்ளது.


விண்ணப்பிக்கும் முறை


https://aavin.tn.gov.in/careers இந்த இணையதளம் மூலமாக விண்ணப்பம், விதிமுறைகள் மற்றும் நிபந்தைகளை பதிவிறக்கம் செய்து கொள்ளலாம் என குறிப்பிடப்பட்டுள்ளது. மேலும் அந்த விண்ணப்ப படிவத்தில் விற்பனை செய்யப்பட இருக்கும் பகுதிகள்/இடங்களை விண்ணப்பத்தில் குறிப்பிட வேண்டும்.


விண்ணப்பத்தை https://aavin.tn.gov.in/careers இந்த இணையத்தில் இருந்து விண்ணப்பத்தை பதிவிறக்கம் செய்து அதில் குறிப்பிட்டிருக்கு தகவல்களை நிரப்பியவுடன் ரூ.500 செலுத்த வேண்டும்.  


வங்கி பெயர் : சிட்டி யூனியன் வங்கி


வங்கி கணக்கு எண் : 242001001468771


IFSC Code : CIUB0000242


வங்கி கிளை : மணலி


இந்த மேற்கண்ட வங்கி கணக்கு விண்ணப்பதாரர்கள் கட்டண தொகையை செலுத்த வேண்டும் என குறிப்பிடப்பட்டுள்ளது. விண்ணப்பத்தை பூர்த்தி செய்தவுடன் கீழ்கண்ட முகவரிக்கு அனுப்பி வைக்க வேண்டும்.


பொது மேலாளர் (விற்பனை),


ஆவின் இல்லம், 


3A, பசும்பொன் முத்துராமலிங்கனார் சாலை,


நந்தனம், சென்னை - 600035


என்ற முகவரிக்கு பூர்த்தி செய்யப்பட்ட விண்ணப்ப படிவத்துடன்  கட்டண தொகை செலுத்திய ரசித்தினை  இணைத்து அனுப்ப வேண்டும் என குறிப்பிடப்பட்டுள்ளது.