IND vs AUS Final: நடந்து வரும் உலக கோப்பை கிரிக்கெட் போட்டியை காண அகமதாபாத் ஸ்டேடியத்தில் நடிகர்கள் ஷாருக்கான், விவேக் ஓபராய், சல்மான் கான், நானி உள்ளிட்டோர் குவிந்தனர்.
அகமதாபாத்தில் குவிந்த பிரபலங்கள்:
மிகுந்த பரபரப்பையும், எதிர்பார்ப்பையும் ஏற்படுத்தியுள்ள உலகக் கோப்பை இறுதி போட்டி அகமதாபாத்தில் உள்ள நரேந்திர மோடி மைதானத்தில் நடைபெற்று வருகிறது. போட்டியில் இந்திய அணி பேட்டிங் செய்து வரும் நிலையில் ஆட்டம் விறு, விறுப்பை எட்டியுள்ளது.
இந்த நிலையில் நடைபெற்று வரும் உலக கோப்பை போட்டியை நேரில் சந்திக்க அகமதாபாத் மைதானத்திற்கு திரை பிரபலங்கள் சென்றுள்ளனர். அதன்படி நடிகர் விவேக் ஓபராய் அகமதாபாத் மைதானத்திற்கு சென்ற போது செய்தியாளர்களை சந்தித்தார். அப்போது, நடைபெற உள்ள போட்டியில் இந்தியா, கட்டாயம் வெற்றிப்பெறும் என்றார்.
தொடர்ந்து நடிகர் சல்மான் கான் மற்றும் நானி உலக கோப்பையை காண சென்றபோது ஒன்றாக சந்தித்து பேசிய புகைப்படம் வெளியாகியுள்ளது.
பாலிவுட் நடிகர் ஷாருக்கான் தனது மகன்கள் மற்றும் மனைவியுடன் சென்று உலகக் கோப்பை போட்டியை கண்டு ரசித்தார்.
நடிகை சிம்ரன் உலக கோப்பை போட்டியில் இந்தியா வெற்றிபெறும் என கூறி வாழ்த்து தெரிவித்துள்ளார்.