விஜய் டிவியில் ரசிகர்களை கவரும் வகையில் பல்வேறு நிகழ்ச்சிகள் ஒளிபரப்பாகி வருகின்றன. பிக் பாஸ், ஜோடி, சூப்பர் சிங்கர், மிஸ்டர் அண்ட் மிஸஸ் சின்னத்திரை, குக் வித் கோமாளி என பல நிகழ்ச்சிகளை ஒளிபரப்பாகி ரசிகர்களை உற்சாகப்படுத்தி வருகின்றன. அந்த வகையில் விஜய் டிவியின் குக் வித் கோமாளி நிகழ்ச்சி ரசிகர்களிடையே மிகவும் பிரபலமான நிகழ்ச்சியாக இருந்தது. கடந்த ஆண்டு நடைபெற்ற குக் வித் கோமாளி சீசன் 2 மிகவும் அதிகமான வரவேற்பை ரசிகர்களிடையே ஏற்படுத்தியது. கொரோனா காரணமாக தொடர்ந்து ஊரடங்கு அமல்படுத்தப்பட்ட நிலையில், இந்த நிகழ்ச்சி ரசிகர்களை வெகுவாக கவர்ந்தது.
இந்த நிகழ்ச்சியில் குக்குகளாக நடிகை ஷகிலா, பாபா பாஸ்கர், மதுரை முத்து, அஸ்வின், தர்ஷா குப்தா, பவித்ரா லட்சுமி, கடைக்குட்டி சிங்கம் புகழ் தீபா, கனி ஆகியோர் இருந்தனர். மேலும் கோமாளிகளாக புகழ், பாலா, சிவாங்கி, மணிமேகலை, ஷரத், சுனிதா வீஜே பார்வதி, சக்தி ஆகியோர் காணப்பட்டனர். இந்த கோமாளிகளின் நகைச்சுவை இந்த நிகழ்ச்சியில் மிகவும் பிரபலமாக இருந்தது.
பிக்பாஸில் கலந்து கொண்ட பலரும் அந்த நிகழ்ச்சிக்கு பிறகு சினிமாவில் வாய்ப்பு கிடைத்து, பெரிய அளவில் பிரபலமாகி விட்டனர். பலர் பிரபல ஹீரோக்கள் ஆகி உள்ளனர். சினிமா வாய்ப்புக்களும் குவிந்து வருகிறது. அதே போல் குக் வித் கோமாளி நிகழ்ச்சியில் கலந்து கொண்ட அஸ்வின், சிவாங்கி, புகழ் ஆகியோருக்கு சினிமா வாய்ப்புக்கள் குவிந்து வருகிறது. ஷிவாங்கி தன்னுடைய பாடல் திறமையையும் வெளிப்படுத்தும் வாய்ப்புகளை தொடர்ந்து பெற்று வருகிறார்.
சமீபத்தில் இந்த நிகழ்ச்சியின் வெற்றிக் கொண்டாட்டத்தையும் விஜய் டிவி நடத்தியது. இதில் மீண்டும் அனைவரும் கலந்துகொண்டு தங்களுக்கு கொடுக்கப்பட்ட டாஸ்க்குகளை நடத்தினர். மிகவும் சிறப்பாக இந்த வெற்றிக் கொண்டாட்டம் நடத்தப்பட்டது. இதனால் குக் வித் கோமாளி நிகழ்ச்சியின் அடுத்த சீசன் எப்போது துவங்கும் என ரசிகர்கள் ஆவலுடன் கேட்டு வருகின்றனர். இந்நிலையில் குக் வித் கோமாளி சீசன் 3 துவங்கப்படும் நாள் பற்றிய தகவல்கள் வெளியாகி உள்ளன.
லேட்டஸ்ட் தகவலின்படி, டிசம்பர் மாதம் இரண்டாவது வாரத்தில் குக்வித் கோமாளி சீசன் 3 நிகழ்ச்சி துவங்கப்பட உள்ளதாம். இதற்கான ஆரம்ப கட்ட வேலைகளை விஜய் டிவி துவங்கி விட்டதாம். போட்டியாளர்களை தேர்வு செய்யும் பணிகள் நடந்து வருகிறதாம். விரைவில் இந்நிகழ்ச்சி பற்றிய அதிகாரப்பூர்வ அறிவிப்பு வெளியிடப்பட உள்ளதாம். தற்போது பிக்பாஸ் சீசன் 5 விறுவிறுப்பாக ஒளிபரப்பாகி வருகிறது. தற்போது 50 நாட்களை நெருங்கி உள்ள இந்நிகழ்ச்சியின் இறுதி போட்டி ஜனவரி மாதம் நடைபெற உள்ளது. இந்நிலையில் குக்வித் கோமாளி சீசன் 3 நிகழ்ச்சியும் துவங்கப்பட உள்ளது. இப்போதே போட்டியாளர்கள் யார் என யூகங்களை அள்ளிக்கொடுக்க தொடங்கிவிட்டார்கள் நெட்டிசன்ஸ்
இதனால் ரசிகர்களின் எதிர்பார்ப்பும், உற்சாகமும் அதிகரித்துள்ளது. ஒரே நேரத்தில் இரண்டு பிரம்மாண்ட நிகழ்ச்சிகள் ஒளிபரப்பாக உள்ளதால் விஜய் டிவி.,யின் டிஆர்பி ரேட்டிங் பல மடங்கு அதிகரிக்க வாய்ப்புள்ளது. இதுவரை சீரியல்கள் மற்றும் பிக்பாஸ் மூலம் தான் விஜய் டிவியின் டிஆர்பி அதிகரித்து வந்தது. இனி ரியாலிட்டி ஷோக்கள் மூலம் டிஆர்பி.,யில் விஜய் டிவி முதலிடம் பிடிக்கும் என எதிர்பார்க்கப்படுகிறது.