விஜய் டிவியில் தொகுப்பாளினியாக அறிமுகமாகி தனக்கென பெரும் ரசிகர் பட்டாளத்தைக் கொண்டிப்பவர் நடிகை ஜாக்குலின்.
விஜய் டிவியில் ரக்ஷனுடன் இணைந்து ‘கலக்கப்போவது யாரு?’ நிகழ்ச்சியை தொகுத்து வழங்கி வந்தவர் நடிகை ஜாக்குலின்.
தனது கரகரப்பான தனித்துவமான குரலுக்காக மிகவும் பிரபலமடைந்த ஜாக்குலின், தொடர்ந்து நெல்சனின் ‘கோலமாவு கோகிலா’ படத்தில் நயன் தாராவுக்கு தங்கையாக சினிமாவில் எண்ட்ரி ஆகி ரசிகர்களைக் கவர்ந்தார்.
அதன் பின் சிறு இடைவெளி எடுத்த ஜாக்குலின், தொடர்ந்து ஆண்டாள், அழகர், ‘தேன்மொழி பி.ஏ’ ஆகிய சீரியல்களில் நடித்து மீண்டும் தன் சின்னத்திரை ரசிகர்களை மகிழ்வித்தார்.
இந்நிலையில், கடந்த சில ஆண்டுகளாக பெரிதாக எதிலும் தலை காட்டாமல் இருந்து வந்த ஜாக்குலின், தன் சமூக வலைதளப் பக்கங்களில் தொடர்ந்து ஆக்டிவாக இருந்து வருகிறார்.
அந்த வகையில், முன்னதாக தன் இன்ஸ்டா பக்கத்தில் 65 கிலோ பளு தூக்கும் வீடியோவைப் பகிர்ந்து ஜாக்குலின் மாஸ் காட்டியுள்ளார்.
ஜாக்குலினின் இந்த வீடியோ அவரது ரசிகர்களை வாயைப் பிளக்கவைத்து லைக்ஸ் அள்ளி வருகிறது.
பப்ளி ஆங்கராக அறிமுகமாகி கவனமீர்த்த ஜாக்குலின் கடந்த சில மாதங்களாகவே தீவிரமாக ஒர்க் அவுட் செய்யும் புகைப்படங்கள், வீடியோக்களைப் பகிர்ந்து லைக்ஸ் அள்ளி வருகிறார். இந்நிலையில் ஃபிட்டாகி புது பொலிவுடன் ஜாக்குலின் மீண்டும் சீரியல் உலகில் கம்பேக் கொடுப்பாரா என ஆர்வமாகக் காத்துள்ளனர் அவரது ரசிகர்கள்!