தமிழ் திரையுலகின் வளர்ந்து வரும் நடிகர் விஷ்ணுவிஷால். இவருக்கு இன்று 38வது பிறந்தநாள் ஆகும். விஷ்ணு விஷால் நடிப்பில் கடைசியாக எப்.ஐ.ஆர். படம் வெளியாகிய நிலையில், அவர் நடிப்பில் தற்போது மோகன்தாஸ் மற்றும் கட்டாகுஸ்தி ஆகிய படங்கள் தயாராகி வருகின்றன.
இந்த நிலையில், அவருடைய 38வது பிறந்தநாளை முன்னிட்டு இன்று விஷ்ணு விஷால் ரசிகர்களுக்கு இரட்டிப்பு கொண்டாட்டமாக அமைந்துள்ளது. விஷ்ணுவிஷால் நடிப்பில் உருவாகியுள்ள மோகன்தாஸ் மற்றும் கட்டா குஸ்தி ஆகிய இரண்டு படங்களின் கிளம்ப்ஸ் காட்சிகளை அவர் இன்று வெளியிட்டார்.
ராட்சசன் திரைப்படம் போன்று ஆக்ஷன் திரில்லர் படமாக வெளியாக உள்ள மோகன்தாஸ் படத்தின் கிளம்ப்ஸ் காட்சியில் விஷ்ணுவிஷால் சைக்கோ கொலைக்காரனாக நடித்துள்ளார் என்று எதிர்பார்க்கப்படுகிறது. உண்மை சம்பவத்தை தழுவி எடுக்கப்பட்டுள்ள மோகன்தாஸ் திரைப்படத்தில் வித்தியாசமான கதாபாத்திரத்தில் விஷ்ணு விஷால் நடித்துள்ளார். படத்தின் கிளிம்ப்ஸ் காட்சியில் ஹாப்பி பர்த்டே மீ என்ற வசனத்துடன் சுத்தியலால் சிலரை விஷ்ணுவிஷால் தாக்கும் வீடியோ வைரலாகி வருகிறது.
சற்றுமுன் வெளியான கட்டாகுஸ்தி திரைப்படத்தின் கிளிம்ப்ஸ் காட்சியில் விஷ்ணுவிஷால் குஸ்தி வீரராக அதாவது மல்யுத்த வீரராக நடித்திருக்கும் காட்சிகள் வெளியாகியுள்ளது. இந்த படம் தமிழ் மற்றும் தெலுங்கில் உருவாகியுள்ளது.
மோகன்தாஸ் படத்தை முரளிகார்த்திக் இயக்கியுள்ளார். ஜிப்ரான் இசையமைத்துள்ளார். கட்டா குஸ்தி திரைப்படத்தை செல்லா அய்யாவு இயக்கியுள்ளார். இந்த படத்தில் சிறப்புத்தோற்றத்தில் ரவிதேஜா நடித்துள்ளார்.
மேலும் படிக்க : தியேட்டரில் வெளியாகும் சூரரைப்போற்று, ஜெய்பீம்.! எப்போது தெரியுமா.. முழுவிவரம் உள்ளே..!
மேலும் படிக்க : க்ளைமேக்ஸுக்கு வந்த குக் வித் கோமாளி சீசன் 3! வெளியானது பிரம்மாண்ட, கலகலப்பு ப்ரோமோ
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்