கன்னட திரையுலகத்தில் பல திரைப்படங்களை இயக்கியதன் மூலம் பிரபலமானவர் சிம்பிள் சுனி. முதல் முறையாக சிம்பிள் சுனி இயக்கத்தில் இணையவுள்ளார் நடிகர் வினய் ராஜ். கன்னட திரையுலகின் சூப்பர் ஸ்டாராக திகழ்ந்த நடிகர் ராஜ்குமாரின் பேரன் தான் வினை ராஜ். கீர்த்தியின் அண்டு காலா, ஸ்ரீலேஷ் நாயரின் பெப்பே மற்றும் கிராமாயணம் உள்ளிட்ட கன்னட திரைப்படங்களில் நடித்து வருகிறார்.
இவர்களின் கூட்டணியில் உருவாகும் ஒரு திரைப்படத்தில் அறிமுகமாகிறார் ஸ்வாதிஷ்தா. மைசூர் ரமேஷ் தயாரிக்கும் இப்படத்தின் திரைப்பட கலைஞர்கள் மற்றும் தொழில்நுட்ப கலைஞர்கள் பற்றின விவரங்கள் விரைவில் வெளியிடப்படும்.
தமிழ் சினிமாவில் முன்னணி இயக்குனர் லோகேஷ் கனகராஜ் இயக்கத்தில் உலக நாயகன் கமல்ஹாசன் நடிப்பில் வெளியான 'விக்ரம்' திரைப்படத்தில் நடிகர் கமலின் மகன் பிரபஞ்சன் மனைவியாக நடித்தவர் நடிகை ஸ்வாதிஷ்தா. இயக்குனர் சிம்ப்ளி சுனி விக்ரம் திரைப்படத்தை பார்த்த பிறகு தனது திரைப்படத்தின் கதாபாத்திரத்திற்கு நடிகை ஸ்வாதிஷ்தா தான் சரியான தேர்வாக இருக்கும் என முடிவு செய்துள்ளார்.
ஒரு கன்னட பெண் தான் இப்படத்தின் கதாநாயகியாக இருக்க வேண்டும் என்பது இயக்குனரின் தேர்வாக இருந்தது. அந்த கண்டிஷனும் பூர்த்தியாகவே ஸ்வாதிஷ்தா கன்னட படத்தில் அறிமுகமாக ஏதுவாக இருந்துள்ளது.
வட கர்நாடகாவை சேர்ந்த ஸ்வாதிஷ்தாவின் முழு பெயர் ஸ்வாதிஷ்தா கிருஷ்ணன். தற்போது சென்னையில் வசிக்கும் இந்த கன்னட பெண் விக்ரம் படத்தில் ஒரு சிறிய கதாபாத்திரத்தில் நடித்திருந்தார். ஒரு சில நிமிடங்கள் மட்டுமே வந்து போனாலும் பார்வையாளர்களின் கவனத்தை ஈர்த்தவர்.