கோலிவுட்டின் சிறந்த ஜோடிகளில் ஒன்று விஜய் திரிஷா ஜோடி. இந்த ஜோடி கில்லி, திருப்பாச்சி, குருவி, ஆதி என பல படங்களில் இணைந்து நடித்துள்ளனர். இவர்கள் நடித்த படங்கள் அனைத்துமே ஹிட் தான். இந்த சூப்பர் ஜோடி 14 ஆண்டுகளுக்கு பிறகு தற்போது மீண்டும் இணையவுள்ளதாக தகவல் வெளியாகியுள்ளது.லோகேஷ் கனகராஜ் இயக்கத்தில் தளபதி விஜய் நடிக்க இருக்கும் தளபதி 67 படத்தில் நடிகை திரிஷா நடிக்கப்போவதாக தகவல் வெளியாகியுள்ளது. த்ரிஷா இந்த படத்தில் நடிகர் விஜய்க்கு மனைவியாக நடிக்கப் போவதாகவும் செய்தி பரவி வருகிறது.நடிகை த்ரிஷா தற்போது இயக்குநர் மணிரத்னம் இயக்கத்தில் செப்டம்பர் 30ம் தேதி வெளிவர இருக்கும் பொன்னியின் செல்வன் பாகம் ஒன்று திரைப்படத்தில் குந்தவையாக நடித்துள்ளார். இணையத்தில் வெளியான அந்த படத்தின் புகைப்படங்களில், த்ரிஷாவின் கம்பீரமான தோற்றத்தையும் வசீகரிக்கும் அழகையும் பார்த்து ரசிகர்கள் உற்சாகம் அடைந்தனர். 


தளபதி 67 :




தளபதி 67 திரைப்படத்திற்கு அனிருத் இசையமைக்கப் போவதாகவும் செவன் ஸ்கிரீன் ஸ்டுடியோஸ் லலித்குமார் இந்த படத்தை தயாரிக்க உள்ளதாகவும்  அதிகாரப்பூர்வ தகவல் வெளியாகியுள்ளது. ’தளபதி 67’ படத்தில் விஜய் 40 வயது கேங்ஸ்டராக நடிப்பதாகத் தகவல்கள் வெளியாகி வரும் நிலையில், இப்படத்தின் ஷூட்டிங் மும்பையில் இந்த ஆண்டு இறுதியில் தொடங்கி நடைபெற உள்ளதாகவும் தகவல்கள் வெளியாகி உள்ளன.அதே போல விஜய் இந்தப்படத்தில் சால்ட் அண்ட் பெப்பர் லுக்கில் வருவதாகவும் ஃப்ளாஷ் பேக்கில் வரும் காட்சிகளில் இளம் வயது விஜய்யை பார்க்கலாம் என்று சொல்லப்படுகிறது. மேலும் சமந்தா இப்படத்தில் விஜய்க்கு வில்லியாக நடிக்க உள்ளதாகவும், லோகேஷ் யுனிவர்சின் கதாபாத்திரங்கள் இப்படத்திலும் தோன்ற உள்ளதாகவும் தகவல்கள் வெளியாகியுள்ளது.


வாரிசு:




நடிகர் விஜய் தற்போது இயக்குனர் வம்சி பைடிப்பள்ளி இயக்கத்தில் ’வாரிசு’ திரைப்படத்தில் நடித்து வருகிறார். இந்தப் படத்தின் படப்பிடிப்பு மிகவும் விறுவிறுப்பாக விசாகப்பட்டினத்தில் தற்போது நடைபெற்று வருகிறது.விஜய் நடிக்கும் முக்கியக் காட்சிகள் இங்கு படமாக்கப்பட்டு வரும் நிலையில், படப்பிடிப்பு தளத்தில் ரசிகர்கள் விஜயை சந்தித்து எடுத்துக் கொள்ளும் புகைப்படங்கள் உள்பட ’வாரிசு’ படத்தின் படப்பிடிப்பு தளத்தில் இருந்து எடுக்கப்படும் பல புகைப்படங்கள் தொடர்ந்து இணையத்தை ஆக்கிரமித்து வருகின்றன.


இப்படத்தின் ஷூட்டிங் வரும் செப்டெம்பர் அல்லது அக்டோபர் மாதம் நிறைவடையும் எனக் கூறப்படும் நிலையில், அடுத்ததாக விஜய் - லோகேஷ் கனகராஜ் இணையும் ’தளபதி 67’ படத்தின் மீது எக்கச்சக்க எதிர்பார்ப்பில் ரசிகர்கள் காத்துள்ளனர்.இந்தப் படத்தின் திரைக்கதையில் கவனம் செலுத்துவதற்காக லோகேஷ் கனகராஜ் சமூக வலைதளங்களில் இருந்து சிறிது காலம் பிரேக் எடுத்துக்கொள்வதாக சமீபத்தில்  அறிவித்ததும் குறிப்பிடத்தக்கது.


மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்


ABP நாடு செய்திகளை சமூக வலைத்தள பக்கங்களிலும் பின் தொடரலாம்


பேஸ்புக் பக்கத்தில் தொடர


ட்விட்டர் பக்கத்தில் தொடர


யூடிபில் வீடியோக்களை காண