தமிழ் திரையுலகின் உச்ச நட்சத்திரங்களில் ஒருவராக திகழ்பவர் நடிகர் விஜய். இவரது நடிப்பில் மிகுந்த எதிர்பார்ப்புடன் இன்று வெளியாகியுள்ள திரைப்படம் கோட். வெங்கட்பிரபு இயக்கத்தில் உருவாகியுள்ள இந்த படத்திற்கு திரையரங்கில் ரசிகர்கள் குவிந்து வருகின்றனர்.
இணையத்தில் வெளியான கோட்:
இந்த நிலையில், கோட் படம் இன்று வெளியாகி இரண்டு காட்சிகள் மட்டுமே திரையரங்கில் ஒளிபரப்பாகியுள்ள நிலையில் இணையதளத்தில் படம் வெளியாகியுள்ளது. இது தயாரிப்பாளர்களுக்கும், விஜய் ரசிகர்களுக்கும் அதிர்ச்சியை ஏற்படுத்தியுள்ளது.
பல கோடி பட்ஜெட்டில் உருவாகியுள்ள இந்த படம் அதற்குள் இணையத்தில் வெளியாகி இருப்பது படக்குழுவினருக்கு பெரும் அதிர்ச்சியை ஏற்படுத்தியுள்ளது. கோட் படம் தமிழ் ராக்கர்ஸ்(Tamilrockers) இணையதளத்தில் வெளியாகியுள்ள நிலையில் அதை நீக்குவதற்கான சட்ட நடவடிக்கைகளில் படக்குழுவினர் ஈடுபட்டு வருகின்றனர்.
ரசிகர்களிடம் வரவேற்பு:
நடிகர் விஜய் தமிழக வெற்றிக் கழகம் கட்சியைத் தொடங்கிய பிறகு இரண்டு படங்களில் மட்டுமே நடிப்பேன் என்ற அதிர்ச்சியை அவரது ரசிகர்களுக்கு அளித்தார். இது அவரது ரசிகர்களுக்கு பெரும் அதிர்ச்சியையும், சோகத்தையும் ஏற்படுத்தியது. இந்த நிலையில் விஜய் நடிப்பில் வெளியாக உள்ள கடைசி படத்திற்கு முந்தைய படமாக தி கோட் படம் இன்று வெளியாகியுள்ளது.
யுவன்ஷங்கர்ராஜா இசையமைத்துள்ள இந்த படத்தில் நடிகர் விஜய்யுடன் இணைந்து பிரசாந்த், பிரபுதேவா, அஜ்மல், சினேகா, லைலா ஆகியோர் நடித்துள்ளனர். பிரபல நடிகர் மோகன் வில்லனாக நடித்துள்ளனர். மறைந்த நடிகர் விஜயகாந்த் ஏஐ தொழில்நுட்பத்தில் படத்தில் இடம்பெற்றிருப்பது ரசிகர்களுக்கு மிகப்பெரிய மகிழ்ச்சியை ஏற்படுத்தியுள்ளது.
அடுத்த நான்கு நாட்களுக்கு திரையரங்கில் டிக்கெட்டுகள் முழு வேகத்தில் விற்கப்பட்டு வரும் நிலையில், தற்போது கோட் படம் இணையத்தில் வெளியாகி இருப்பது படக்குழுவினருக்கு பின்னடைவையும், வேதனையையும் ஏற்படுத்தியுள்ளது.
ALSO READ | The GOAT Review: கொதிக்கும் ”The GOAT" ஜுரம்.. தெறிக்கவிட்டாரா விஜய்? முழு விமர்சனம் இதோ..