தளபதி 69
எச் வினோத் இயக்கத்தில் விஜய் கடைசியாக நடிக்க இருக்கும் படம் தளபதி 69 . பூஜா ஹெக்டெ , பாபி தியோல் , பிரகாஷ் ராஜ் , கெளதம் மேனன் , மமிதா பைஜூ , பிரியாமணி , நரேன் உள்ளிட்டவர்கள் இப்படத்தில் நடிக்க இருக்கிறார்கள். அனிருத் இப்படத்திற்கு இசையமைக்கிறார். கேவி.என் ப்ரோடக்ஷன்ஸ் இப்படத்தை தயாரிக்கிறது.
நாளை அக்டோபர் 5 ஆம் தேதி இப்படத்தின் படப்பிடிப்பு துவங்க இருக்கும் நிலையில் இன்று படத்தின் பூஜை பிரம்மாண்டமாக நடைபெற்றது. இதில் நடிகர் விஜய் உட்பட படத்தில் நடிக்கும் அத்தனை நடிகர்களும் கலந்துகொண்டார்கள். இந்த நிகழ்வின் புகைப்படங்கள் இணையத்தில் வைரலாகி வருகின்றன.