தளபதி விஜய்யின் நெருங்கிய நண்பராக அறியப்படுபவர் நடிகர் சஞ்சீவ். விஜய்யுடனான தனது நட்பு குறித்து பல தருணங்களில் அவர் பேசியிருக்கிறார். இருவருக்கும் கிட்டத்தட்ட 25 ஆண்டு கால நட்பு என்பது குறிப்பிடத்தக்கது. விஜய்யுடனான இவரது செல்ஃபிகளும் பிரபலம்.
சஞ்சீவ் தற்போது பிக்பாஸ் நிகழ்ச்சியில் கலந்துகொண்டிருக்கிறார். இவர் மூலம் விஜய் குறித்து ஏகப்பட்ட தகவல்கள் தெரியவரும் என எதிர்பார்த்திருந்த சுழலில் தற்போது சஞ்சீவ் குறித்தே யாரும் அறியாத தகவல் ஒன்று வெளியாகியுள்ளது.
சஞ்சீவ் சகோதரியும் ஒரு நடிகை. அவர் பெயர் சிந்து. பழம்பெரும் நடிகரான விஜயகுமாரின் குடும்பத்தை சேர்ந்தவர் என்பதும் யாருக்கும் தெரியாத தகவல். நேற்றைய பிக்பாஸ் நிகழ்ச்சியில், ஹிப்ஹாப் ஆதி நடித்துள்ள அன்பறிவு படக்குழுவினர் சிறப்பு விருந்தினர்களாக கலந்துகொண்டனர். அப்போது பேசிய அந்த படத்தின் இயக்குநர் அஸ்வின், தான் சஞ்சீவின் உறவினர் என்று கூற, அப்போது பேசிய நடிகர் சஞ்சீவ், தனது அக்கா இறந்தவுடன் அவரது மகளை ஒரு நல்ல இடத்தில் கட்டிக்கொண்டுக்க வேண்டும் என்ற பொறுப்பு இருந்தது. தான் அஸ்வினை நினைத்து பெருமைப்படுவதாக கூறியிருந்தார்.
சிந்து, ஒரு சில படங்களில் நடித்தாலும் ரசிகர்கள் மத்தியில் பிரபலம். பழம்பெரும் நடிகரான மஞ்சுளா விஜயகுமாரின் சகோதரியான ஷியாமளாவின் மகள் சிந்து, மகன் சஞ்சீவ். அருண்பாண்டியன் மற்றும் ராம்கி நடித்த இணைந்த கைகள் படத்தின் மூலம் அறிமுகமான சிந்து, தொடர்ந்து பட்டிக்காட்டு தம்பி, பரப்பரை, சின்னத்தம்மி, கிரி, பிஸ்தா உள்ளிட்ட பல படங்களில் நடித்துள்ளார்.
கடைசியாக சரத்குமார் நடித்த ஐயா படத்தில் நடிகர் பிரகாஷ்ராஜின் மனைவியாக நடித்திருப்பார். ஆனால் இவர் இறந்த பிறகுதான் அந்த படம் வெளியானது.
கடந்த 2004-ஆம் ஆண்டு ஏற்பட்ட சுனாமியால் தமிழ்நாடே ஸ்தம்பித்திருந்த நேரத்தில் பலரும் உதவிக்கரம் நீட்டினர். அந்த சமயத்தில், சுனாமியால் அவதிப்பட்ட மக்களுக்காக நிதி திரட்ட சென்றார். அப்போது கூட்ட நெரிசலில் மூச்சுத்திணறால் அவதிப்பட்ட அவர், மருத்துவமனையில் தீவிர சிகிச்சை அளிக்கப்பட்ட நிலையில், சிகிச்சை பலனின்றி சிந்து உயிரிழந்தார். 33 வயதில் சிந்து இறக்கும்போது அவரது மகளுக்கு ஒன்பது வயதுதான்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்