‘வாரிசு’ படப்பிடிப்பில் நடிகர் விஜய் கலந்து கொண்ட வீடியோ சமூக வலைதளங்களில் வெளியாகி உள்ளது.
நடிகர் விஜய்யின் 66ஆவது படமாக உருவாகி வரும் படத்திற்கு ‘வாரிசு’ எனப் பெயரிடப்பட்டுள்ள நிலையில், விஜயின் பிறந்தநாளை முன்னிட்டு படத்தில் இருந்து ஃபர்ஸ்ட் போஸ்டர்கள் வெளியிடப்பட்டன. பிரபல இயக்குநர் ‘வம்சி’ இயக்கும் இப்படத்தில் தென்னிந்திய திரைப்பிரபலங்களான பிரபு, ஷ்யாம், சரத்குமார் உள்ளிட்ட பல நட்சத்திரங்கள் நடித்து வருகின்றனர்.
ராஷ்மிகா மந்தனா கதாநாயகியாக நடிக்கும் இந்தப்படத்திற்கு தமன் இசைமைக்கிறார். இந்த நிலையில் வாரிசு படத்தில் பிரபல நடிகரும் இயக்குநருமான எஸ்.ஜே.சூர்யா இணைந்துள்ளதாக தகவல் வெளியானது. மேலும் வாரிசு படத்தில் விஜய் மொபைல் ஆப் டிசைனராக நடிப்பதாகவும், அவரின் பெயர் விஜய் ராஜேந்திரன் என்றும் சொல்லப்படுகிறது. இந்த நிலையில் தற்போது ‘வாரிசு’படப்பிடிப்பில் கலந்து கொண்டுள்ள நடிகர் விஜய், அங்கு வெஸ்ட் கோர்ட் அணிந்து நடப்பது தொடர்பான வீடியோ வெளியாகி இருக்கிறது.
வெற்றிப்படங்களை கொடுத்து ரசிகர்களின் இளைய தளபதியாக உருவெடுத்த பிறகு, 2003ம் ஆண்டு வசீகரா என்ற காதல் ரொமாண்டிக் படத்தில் பூபதி என்ற வேடத்தில் நடித்தார். 2009ம் ஆண்டு பிரபுதேவாவின் இயக்கத்தில் வில்லு என்ற ஆக்ஷன் படத்தில் நடித்தார். அதே ஆண்டு வேட்டைக்காரன் என்ற படத்திலும் நடித்தார். இதன் பின்னர், 2011ம் ஆண்டு வேலாயுதம் என்ற படத்தில் விஜய் நடித்தார். இந்த நிலையில், 12 ஆண்டுகளுக்கு பிறகு வி ( ஆங்கிலத்தில்) வரிசையில் அதாவது வாரிசு படத்தில் நடிக்கிறார்.