இளைய தளபதி விஜய் நடிப்பில் பொங்கல் ரிலீஸாக ஜனவரி 11ம் தேதி திரைக்கு வந்த திரைப்படம் 'வாரிசு'. ஏராளமான சர்ச்சைகள் குழப்பங்களுக்கு மத்தியில் வெளியான இப்படம் ரசிகர்கள் மத்தியில் ஏக போக வரவேற்பை பெற்றதோடு விமர்சன ரீதியாகவும் வசூல் ரீதியாகவும் நல்ல வரவேற்பை பெற்றுள்ளது.
பெரிய திரை பட்டாளம்:
வம்சி பைடிபள்ளி இயக்கிய இப்படத்தை தில் ராஜூ தயாரித்திருந்தார். இந்த படத்தில் ராஷ்மிகா மந்தனா ஹீரோயினாக நடித்திருந்தார். மேலும் இந்த படத்தில் சரத்குமார், ஷாம், பிரபு, சங்கீதா, ஜெயசுதா, ஸ்ரீகாந்த், சம்யுக்தா, பிரபு, பிரகாஷ்ராஜ், எஸ்.ஜே.சூர்யா, யோகிபாபு உள்ளிட்ட பலரும் நடித்திருந்தனர். தமன் இப்படத்திற்கு இசையமைத்திருந்தார்.
பேமிலி ஆடியன்ஸ் சப்போர்ட் :
குடும்ப சென்டிமென்ட்டை மையாக வைத்து உலகெங்கிலும் உள்ள திரையரங்குகளில் வெளியான இப்படம் தமிழ்நாடு மட்டுமின்றி கேரளாவிலும் உள்ள பேமிலி ஆடியன்ஸ் மத்தியில் நல்ல வரவேற்பை பெற்றதோடு அமோகமான வசூல் வேட்டையையும் செய்துள்ளதாக தகவல்கள் தெரிவிக்கின்றன. கடந்த மூன்று வாரங்களாக திரையரங்கங்களை ஒட்டுமொத்தமாக ஆக்ரமித்து வந்தன வாரிசு மற்றும் துணிவு திரைப்படங்கள். இந்த வாரம் சுமார் 7 புதிய திரைப்படங்கள் ரிலீசாவதால் திரையரங்கங்களில் துணிவு மற்றும் வாரிசு திரைப்படங்களின் காட்சிகளின் எண்ணிக்கை குறைக்கப்பட்டுள்ளன.
ஓடிடியில் வாரிசு :
வாரிசு படத்தின் ஓடிடி ரிலீசுக்காக மிகுந்த ஆர்வத்துடன் காத்திருந்த ரசிகர்களுக்கு ஒரு மகிழ்ச்சிகரமான செய்தியை வெளியிட்டுள்ளது அமேசான் நிறுவனம். வரும் பிப்ரவரி மாதம் 22ம் தேதி அமேசான் பிரைம் ஓடிடி தளத்தில் வெளியாகும் என்ற அதிகாரபூர்வமான தகவல் வெளியாகி ரசிகர்களை சந்தோஷப்படுத்தியது.
அதனை தொடர்ந்து இந்தியா அல்லாத ஓவர்சீஸ் வாடிக்கையாளர்கள் சன்நெஸ்ட் ஓடிடி தளம் மூலம் வாரிசு திரைப்படத்தை பிப்ரவரி 22ம் தேதி முதல் கண்டு ரசிக்கலாம் என்ற தகவல் தற்போது வெளியாகியுள்ளது.