சீதாராம் யெச்சூரி
மார்க்சிஸ்ட் கம்யூனிஸ்ட் கட்சியின் பொதுச்செயலாளர் சீதாராம் யெச்சூரி இன்று காலமானார். உடல்நலக்குறைவால் மருத்துவமனையில் அனுமதிக்கப்பட்டிருந்த நிலையில், அவருக்கு சிகிச்சை அளிக்கப்பட்டு வந்தது. இந்த நிலையில், சிகிச்சை பலனின்றி இன்று உயிரிழந்தார். அவரது மறைவுக்கு அரசியல் தலைவர்கள் உட்பட பல்வேறு ஆளுமைகள் தங்கள் இரங்கலைத் தெரிவித்து வருகிறார்கள். அந்த வகையில் தமிழ்க வெற்றிக் கழகத்தின் தலைவர் நடிகர் விஜய் தனது சமூக வலைதள பக்கத்தில் இரங்கல் தெரிவித்துள்ளார். " சீதாராம் யெச்சூரியின் மறைவு செய்தி பெரும் சோகத்தை ஏற்படுத்தியுள்ளது. அவரது முற்போக்கான அரசியல் செயற்பாடுகள் எப்போதும் நினைவுகூறப்படும். அவரது குடும்பத்தினர் மற்றும் ஆதரவாளர்களுக்கு என்னுடைய் ஆழ்ந்த அனுதாபங்கள் ' என விஜய் தெரிவித்துள்ளார்