தமிழக சட்டமன்ற தேர்தலில் அரிதி பெரும்பான்மையுடன் திமுக வெற்றி பெற்று, ஆட்சியை கைப்பற்றியுள்ளது. பலரும் திரு ஸ்டாலின் அவர்களுக்கு தங்களின் வாழ்த்துக்களை தெரிவித்து வருகின்ற இந்த நிலையில் இசைபுயல் ஏ. ஆர். ரகுமான் தனது ட்விட்டர் பக்கத்தில் தனது வாழ்த்துக்களை திமுகவிற்கு தெரிவித்து உள்ளார் .
தனது ட்விட்டர் பக்கத்தில்
'சமூக நீதி, கல்வி, சுகாதாரம் ஆகியவற்றில் தமிழ்நாடு வரலாறு காணாத வளர்ச்சியடைய, இந்தியாவின் ஒருமைப்பாட்டிற்கு ஓர் எடுத்துக்காட்டாய்த் திகழ, தி.மு.க கூட்டணிக்கு என் மனமார்ந்த வாழ்த்துகள்!
என்று பதிவிட்டு இருந்தார் .
இந்த பதிவினை ரி- ட்வீட் செய்து "இசைப்புயல் - ஆஸ்கர் விருதாளரான தங்களின் வாழ்த்துகளுக்கு நெஞ்சார்ந்த நன்றி. தமிழக மக்கள் சார்பில் தாங்கள் வைத்துள்ள நம்பிக்கையை நிறைவேற்றிடும் வகையில் புதிய அரசு செயல்படும்." என்ற உறுதியினை திரு ஸ்டாலின் அவர்கள் பதிவு செய்து இருந்தார் .
பல திரைத்துறை நபர்கள் தங்களின் கோரிக்கைகள் மற்றும் நம்பிக்கையை ட்விட்டர் வாழ்த்தாக ஸ்டாலின் அவர்களுக்கு தெரிவித்து வருகிறார்கள் . ஒவ்வொரு டீவீட்டிற்கும் ஸ்டாலின் அவர்கள் பதில் அளித்து வருகிறார் . மிக கடினமான நேரத்தில் முதல்வர் பதவியை வகிக்கும் ஸ்டாலின் அவர்களுக்கு இணையத்தளத்தில் வாழ்த்துக்கள் குவிந்த வண்ணம் உள்ளது