இன்று அகவை 47-இல் அடியெடுத்து வைக்கும் ரசிகர்களின் தளபதி நடிகர் விஜய்க்கு Abp Naduவின் வாழ்த்துக்கள். தமிழ் சினிமா வரலாற்றில் தவிர்க்கமுடியாத நாயகர்களின் பட்டியலில் பல ஆண்டுகளுக்கு முன்பே தடம் பதித்த தளபதி விஜய் 1984-ஆம் ஆண்டு கேப்டன் விஜயகாந்தின் வெற்றி என்ற படத்தின் மூலம் திரையுலகில் அறிமுகமானார். அந்த படத்தின் இயக்குநர் விஜயன் தந்தை எஸ்.ஏ.சி.சந்திரசேகர் என்பது குறிப்பிடத்தக்கது. தந்தை இயக்குநர் என்றபோதும் தொடக்ககாலத்தில் நடிகர்கள் சந்திக்கும் பல பிரச்சனைகளையும் இன்னல்களையும் தளபதி விஜயும் சந்தித்தார். இந்த மூஞ்சியெல்லாம் ஹீரோவா என்று கேலிசெய்யப்பட்ட அதே விஜய், இளைய தளபதியாக மாறி இன்று தளபதியாக உருமாறி நிற்கின்றார்.
90-களின் இறுதியில் இருந்து இன்று வரை பல சூப்பர் ஹிட் படங்களை கொடுக்கும் ஹீரோக்கள் பலர் தமிழ் சினிமாவில் அறிமுகமானபோதும் தனக்கென தனி இடத்தை தக்கவைத்துக்கொண்டே இருக்கிறார் நடிகர் விஜய் என்பது குறிப்பிடத்தக்கது. செண்டிமெண்ட், நகைச்சுவை, ஸ்டண்ட் என்று கலைகள் பல கற்ற விஜய் சிறந்த பாடகர் என்பதும் உலகம் அறிந்ததே. தற்போது இந்த சைலன்ட் கில்லர் நடிப்பில் உருவாகி வரும் பீஸ்ட் படம் தான் டாக் of டவுன் என்றால் மிகையல்ல. இயக்குநர் நெல்சன் திலீப்குமார் இயக்கத்தில் உருவாகி வரும் இந்த படத்தின் இரண்டு போஸ்டர்கள் நேற்று வெளியாகி பட்டையை கிளப்பிவருகின்றது.
சரி இதுவெல்லாம் ஒருபுறம் இருக்க, நமது பர்த்டே பாய் தளபதி விஜய் வைத்திருக்கும் கார் கலக்ஷன் பற்றி கொஞ்சம் பார்க்கலாமா. முதலில் பீஸ்ட் வைத்திருக்கும் அந்த கோஸ்ட். ஆம் பிரபல ரோல்ஸ் ராய்ஸ் நிறுவனம் வெளியிட்ட ரோல்ஸ் ராய்ஸ் கோஸ்ட் என்ற மாடல் கார் விஜயிடம் உள்ளது. சில படங்களில் கூட நம்மால் அவருடைய இந்த காரை பார்க்கமுடியும். இந்த காரின் தற்போதைய விலை சுமார் 5.5 கோடி என்பது குறிப்பிடத்தக்கது.
Actor Vijay Birthday | தளபதி விஜய் பிறந்தநாள்: ட்விட்டரில் குவியும் பிரபலங்களின் வாழ்த்துகள் !
விஜயிடம் ஒரு ஆடி A8 உள்ளது என்பது குறிப்பிடத்தக்கது, இதன் விலை சுமார் 1 கோடி. இரண்டு பி.எம்.டபிள்யு கார்களும் புதிதாக ஒரு மினி கூப்பர் காரும் தளபதி விஜயிடம் இருப்பது குறிப்பிடத்தக்கது. தளபதியின் Favorite அந்த மினி கூப்பர்தான் என்று கூறப்படுகிறது.