விஜய் மற்றும் பூஜா ஹெக்டே நடிப்பில் , நெல்சன் திலீப் குமார் இயக்கத்தில் மிகுந்த எதிர்பார்ப்பிற்கு மத்தியில் உருவாகி வரும் திரைப்படம் ‘ பீஸ்ட்’. இந்த படத்தின் மூன்றாவது ஷெடியூல் ஷூட்டிங் தற்போது நடைப்பெற்று வருகிறது. இந்த படத்தை தயாரிக்கிறது பிரபல சன் பிக்சர்ஸ் நிறுவனம். படத்திற்கு ராக் ஸ்டார் அனிருத் இசையமைக்கவுள்ளார். இந்த படத்தின் பாடல் ஒன்று ஏற்கனவே படமாக்கப்பட்டு தயார் நிலையில் உள்ளதாக கூறப்படுகிறது. இந்நிலையில் பீஸ்ட் படத்தில் ‘அரபு ‘ மொழியில் ஒரு பாடல் இடம்பெற உள்ளதாக கோலிவுட் வட்டார தகவல்கள் தெரிவிக்கின்றன. இந்த பாடலை அனிருத்தே பாடல் உள்ளதாகவும் கூறப்படுகிறது. பீஸ்ட் படத்தின் மோஷன் போஸ்டரில் இடம்பெற்றிருந்த பின்னணி இசையை ரசிகர்கள் கொண்டாடி தீர்த்தனர். இந்நிலையில் தற்போது வெளியாகியுள்ள இந்த தகவல் படத்தின் மீதான எதிர்பார்ப்பை இன்னும் அதிகரிக்கச்செய்துள்ளது. முன்னதாக மாஸ்டர் படத்தில் ’மாஸ்டர் தி பிளாஸ்டர்’ என்ற அறிமுக பாடலில் புதிய ஸ்லாங் ஒன்றை அறிமுகப்படுத்தியிருந்தார் அனிருத்.
பீஸ்ட் படத்தில் செல்வராகவன் , யோகி பாபு, அபர்ணா தாஸ், ஷைன் டாம் சாக்கோ,லில்லிபுட் ஃபாரூக்கி,விடிவி கணேஷ் மற்றும் பலர் முக்கிய வேடங்களில் நடிக்கின்றனர். இது தவிர சார்பட்டா படத்தின் மிகவும் புகழ்பெற்ற கதாபாத்திரமான டான்சிங் ரோஸ் கதாபாத்திரத்தில் நடித்த ஷபீர் கல்லக்கல் தற்போது மூன்றாவது வில்லனாக பீஸ்ட் படத்தில் விஜய்யுடன் இணைகிறார்.
ஏற்கனவே, மிகப்பெரிய நட்சத்திர பட்டாளங்கள் உள்ள பீஸ்ட் படக்குழுவில் ‘டான்சிங் ரோஸ்’ ஷபீர் இணைந்திருப்பது ரசிகர்கள் மத்தியில் மிகுந்த எதிர்பார்ப்பை ஏற்படுத்தியுள்ளது.பீஸ்ட் படத்தின் முதற்கட்ட ஷூட்டிங் ஜார்ஜியாவில் நடந்து முடிந்த நிலையில் ,கொரோனா இரண்டாம் அலை காரணமாக அடுத்தடுத்த படப்பிடிப்புகள் தள்ளி வைக்கப்பட்டது. இந்நிலையில் அரசு அறிவித்த அறிவிப்புகளை பின்பற்றி இரண்டாம் கட்ட படப்பிடிப்பு சென்னையிலும் , மூன்றாம் கட்ட படப்பிடிப்பு சென்னையில் உள்ள ஈசிஆர் பகுதிகளில் நடைப்பெற்றது தவிர மால் ஒன்றில் செட் அமைத்து படத்தின் முக்கியமான சண்டைக்காட்சிகளும் படமாக்கப்பட்டன. ஏற்கனவே படத்தின் ஒரு பாடல் மற்றும் சில காட்சிகள் படமாக்கப்பட்டுவிட்டதாக செய்திகள் வெளியானதை பார்த்தோம். ஆக்ஷன் டிராமாவாக உருவாகி வரும் இந்த படத்தில் விஜய் ஒரு ரகசிய ஏஜெண்டாக நடிப்பதாக கூறப்படுகிறது. பீஸ்ட் படத்தில் சிவகார்த்திகேயன் ஒரு பாடலை எழுதி, அவரே பாட உள்ளார் என்ற செய்திகளும் வெளியாகியுள்ளது.
பீஸ்ட் படத்தின் முதற்கட்ட ஷூட்டிங் ஜார்ஜியாவில் நடைபெற்றபோது, கொரோனா இரண்டாவது அலையால் படக்குழு மீண்டும் நாடு திரும்பியது. மேலும், படத்தின் ஹீரோயின் பூஜா ஹெக்டேவிற்கு கொரோனா பாதிப்பு போன்ற காரணங்களால் படப்பிடிப்பு தடைபட்டது குறிப்பிடத்தக்கது. பீஸ்ட் படத்தின் இறுதிக்கட்ட படப்பிடிப்பு தற்போது ரஷ்யாவில் நடைப்பெற்று வருகிறது. இந்நிலையில் படப்பிடிப்பை வருகிற நவம்பர் மாதத்திற்குள் முடிக்க பீஸ்ட் படக்குழு முடிவெடுத்துள்ளார்களாம். அடுத்தக்கட்டமாக போஸ்ட் புரடெக்ஸன் வேலைகளில் முழுவீச்சில் ஈடுபட உள்ளனர். அதே நேரம் புரமோஷன் வேலைகளில் ஈடுபடுவார்கள் என தெரிகிறது. படத்தை வருகிற ஜனவரி மாதம் பொங்கல் பண்டிகையை முன்னிட்டு வெளியிட படக்குழு முடிவெடுத்துள்ளதாக தகவல் வெளியாகியுள்ளது. இது குறித்த அதிகாரப்பூர்வ அறிவிப்பு டிரைலரில் இடம்பெறும் என தெரிகிறது.