Thalapathy 67 : நடிகர் விஜய் நடிக்கவுள்ள 67வது படத்தின் அப்டேட் வெளியாகியுள்ள நிலையில், செங்கல்பட்டில் விஜய் ரசிகர்கள் வைத்த போஸ்டர் ஒன்று அனைவரின் கவனத்தையும் ஈர்த்து வருகிறது.
தளபதி 67
கடந்த 2021 ஆம் ஆண்டு நடிகர் விஜய் நடிப்பில் மாஸ்டர் படம் வெளியானது. இப்படத்தின் மூலம் விஜய் இயக்குநர் லோகேஷ் கனகராஜூடன் கூட்டணி சேர்ந்தார். கொரோனா தொற்றால் மிகவும் பொருளாதார இழப்பை சந்தித்த திரையுலகினருக்கு இப்படம் மிகப்பெரிய நம்பிக்கையை கொடுத்தது. பெரும் வெற்றியை பெற்ற இப்படத்தில் விஜய் சேதுபதி வில்லனாக நடிக்க, மாளவிகா மோகனன் ஹீரோயினாக நடித்திருந்தார். செவன் ஸ்கிரீன் ஸ்டுடியோஸ் சார்பாக லலித் குமார் இப்படத்தை தயாரித்திருந்தார்.
இதனைத் தொடர்ந்து லோகேஷ் கனகராஜ் கமலை வைத்து ”விக்ரம்” படத்தை இயக்கியிருந்தார். இப்படத்தில் நடிகர் சூர்யா கேமியோ ரோலில் நடித்திருந்தார். இதேபோல் நடிகர் விஜய்யும் “பீஸ்ட்”, “வாரிசு” படத்தில் நடித்து முடிக்க, மீண்டும் விஜய்- லோகேஷ் கனகராஜ் கூட்டணி இணையவுள்ளதாக தகவல் வெளியானது. இதனை ஆங்காங்கே உறுதிப்படுத்தும் சம்பவங்களும் நடந்த நிலையில் நேற்று அதிகாரப்பூர்வ அறிவிப்பு வெளியானது.
அதன்படி மீண்டும் தளபதி 67 படத்தின் மூலம் விஜய்- லோகேஷ் கனகராஜ் இணைந்துள்ளனர். அனிருத் இசையமைக்கும் இப்படத்தை செவன் ஸ்கிரீன் ஸ்டுடியோஸ் சார்பாக லலித் குமார் தயாரிக்கிறார். மாஸ்டர் கூட்டணி ஒன்றிணைந்துள்ளது ரசிகர்களிடத்தில் பெரும் எதிர்பார்ப்பை ஏற்படுத்தியுள்ளது.
கவனம் ஈர்த்த போஸ்டர்
விஜய்- லோகேஷ் கனகராஜ் கூட்டணி மாஸ்டர் படத்திற்கு பிறகு மீண்டும் இணைந்துள்ளதால் ரசிகர்கள் மத்தியில் பெரும் எதிர்பார்ப்பை கிளப்பியது. இந்நிலையில் செங்கல்பட்டு மாவட்டத்தில் ரசிகர்கள் வைத்திருக்கும் போஸ்டர் ஒன்று அனைவரின் கவனத்தை ஈர்த்து வருகிறது.
அதன்படி, அந்த போஸ்டரில், லோகேஷ் கனகராஜ் அண்ணா தளபதி 67 படம் வேற மாதிரி இருக்கணும் எனவும் அப்படி இருந்தால் நாங்கள் உங்களுக்கு பணம், பெயர், புகழ் என life time settlement-ஆ நாங்க தரோம் என்று போஸ்டரில் குறிப்பிடப்பட்டுள்ளது. இந்த போஸ்டர் ஆனது அனைவரின் கவனத்தை ஈர்த்து வருகிறது.
மேலும் படிக்க
Vani Jairam: பத்ம பூஷண் விருது அறிவிப்பு ... மத்திய அரசுக்கு பாட்டு பாடி நன்றி சொன்ன வாணி ஜெயராம்..!
Viral Video: இது சௌந்தர்யாதான்.. அச்சு அசலாக நடிகை சௌந்தர்யாவேதான்..வைரல் வீடியோ உள்ளே