தலைமைச் செயலகம்


வசந்தபாலன் இயக்கத்தில் உருவான தலைமைச் செயலகம் கடந்த மே 17 ஆம் தேதி ஜி ஃபைவ் ஒடிடி தளத்தில் வெளியானது. ஸ்ரியா ரெட்டி , கனி குஸ்ருதி , ரம்யா நம்பீசன் , கிஷோர் , சந்தான பாரதி , கவிதா பாரதி , ஷாஜி ஷென் , ஒய் ஜி மகேந்திரன் , சாரா பிளாக் , பரத் உள்ளிட்ட பலர் இந்த தொடரில் நடித்துள்ளார்கள்.


ஜிப்ரான் இத்தொடருக்கு இசையமைத்துள்ளார். வசந்தபாலன் இயக்கத்தில் கடைசியாக வெளியான அநீதி படம் பெரியளவில் வரவேற்பைப் பெறாத நிலையில் தலைமைச் செயலகம் தொடர் நல்ல விமர்சனங்களைப் பெற்றுள்ளது. அரசியல் கதைக்களத்தை மையமாக வைத்து த்ரில்லராக இந்த தொடர் வெற்றித் தொடராக அமைந்துள்ளது.


குறிப்பாக இதில் நடித்த கிஷோர் , ஸ்ரியா ரெட்டி மற்றும் கனி குஸ்ருதி ஆகிய நடிகர்கள் ரசிகர்களிடம்  பாராட்டுக்களைப் பெற்று வருகிறார்கள். 


ஸ்ரியா ரெட்டி பற்றி வசந்தபாலன்


இத்தொடரில் ஸ்ரியே ரெட்டி கொற்றவை என்கிற முக்கிய கதாபாத்திரத்தில் நடித்துள்ளார். திமிரு படத்தில் ஈஸ்வரியாக கவனமீர்த்த ஸ்ரியா ரெட்டிக்கு அதன் பிறகு குறிப்பிட்டு சொல்லும் வகையிலான கதாபாத்திரங்கள் வரவில்லை. மலையாள , கடந்த 2022 ஆம் ஆண்டு அமேசான் பிரைமில் வெளியான சுழல் வெப் சீரிஸ் ஸ்ரியா ரெட்டிக்கு பாராட்டுக்களைப் அள்ளித் தந்தது.


தொடர்ந்து தற்போது தலைமைச் செயலகம் தொடரில் அவரது கதாபாத்திரம் மற்றும் நடிப்பு பேசப்பட்டு வருகிறது. இப்படியான நிலையில் இயக்குநர் வசந்தபாலன் ஸ்ரியா ரெட்டி குறித்து தனது ஃபேஸ்புக் பக்கத்தில் பதிவிட்டுள்ளார். இந்த தொடரில் ஸ்ரியா ரெட்டி நடிக்க வேண்டாம் என்று பலர் முயற்சித்தபோது தனக்காக அவர் இந்த தொடரில் நடித்ததாக இந்த பதிவில் அவர் குறிப்பிட்டுள்ளார். 


இயக்குநர் வசந்தபாலனின் முழு பதிவு கீழ்வருமாறு 


கொற்றவை ( sriya reddy )
Very powerful presence
படப்பிடிப்பு நடக்கும் நாட்களில் முதல்பட கதாநாயகி போல பதட்டமாக என்னிடம் "நல்லா வருதுல்ல ! எப்படி வருது ? நீங்க happy ஆ? சுழல் அளவுக்கு பேர் வாங்கிடுமா? அதை விட கம்மியா? இல்ல அதிகமா? விலங்கு,அயலி அளவுக்கு வெற்றியடையுமா? உங்களுக்கு புரொடக்சன் சப்போர்ட் பண்றாங்களா? சேனல் happyஆ? " என்று ஆங்கிலம் கலந்த தமிழில் ஒரு நாளைக்கு பல்வேறு வார்த்தைகளில் சுத்தி சுத்தி இணையத்தொடரின் தரம்,வெற்றி பற்றிய அக்கறையுடனே கேள்வி கேட்டபடியிருப்பார்கள்.

என் மேல் கொண்ட நம்பிக்கையிலே மட்டுமே இந்த தொடரில் நடிக்க சம்மதித்தார்கள்.அவரை நடிக்க விடாமல் ஆயிரம் சக்திகள் இடையூறு செய்த போதும் I will do only for vasanthabalan என்று சொல்லி விட்டு எனக்காக தொடருக்குள் வந்தார்கள்.

தொடரின் வெற்றியில் முதல் மகிழ்ச்சி கொற்றவை தான்.