ஜீ தமிழ் தொலைக்காட்சியில் திங்கள் முதல் சனி வரை தினமும் இரவு 7.30 மணிக்கு ஒளிபரப்பாகி வரும் பிரபலமான சீரியலான சீதா ராமனில் இன்றைய எபிசோட் அப்டேட் என்ன என்பதை காணலாம்.
நேற்றைய எபிசோடில் சீதா மதுவை பார்க்க மருத்துவமனை உள்ளே போக முயற்சி செய்த நிலையில் செக்யூரிட்டி தடுக்கும் காட்சிகள் இடம்பெற்றது. இதனைத் தொடர்ந்து இன்றைய எபிசோடில் செக்யூரிட்டி தடுக்கும் நிலையில் கடுப்பாகும் சீதா உனக்கு வேலை முக்கியமா? உயிர் முக்கியமா என அவனை மிரட்டி உள்ளே செல்கிறாள்.
அங்கு அர்ச்சனா, சுபாஷ், சேது என எல்லாரும் உன்னை காப்பாற்றியது ராம் தான் என சொல்லி கொண்டிருக்க ராம் நான் இல்லை சீதா தான் மதுவை காப்பாற்றினாள் என்று சொல்லும் போது சீதா உள்ளே வருகிறாள். சீதாவை பார்த்ததும் அர்ச்சனா உட்பட எல்லாரும் கோபப்பட்டு வெளியேறி செக்யூரிட்டியை திட்டுகின்றனர். அவனோ அது பொண்ணா? இல்ல பேயா? கொன்னுடுவேன்னு மிரட்டுச்சு. அதான் பயந்து உள்ளே விட்டுட்டேன் என்று சொல்கிறான்.
அதன் பிறகு சீதா மதுவிடம் நீ எதுக்கு இப்படி பண்ண என்று கேட்கும் போது எனக்கு வேற வழி தெரியல என மனமுடைந்து பேசுகிறாள்.மேலும் மது இதற்கெல்லாம் அப்பா தான் காரணம் என மொத்த பழியையும் தூக்கி ராஜசேகர் மீது போட சீதா மதுவை சமாதானம் செய்ய முயற்சி செய்ய மது மீண்டும் மயக்கம் அடைகிறாள்.
இதற்கிடையில் வீட்டில் செக்யூரிட்டி மதுவுக்கு மாத்திரை வாங்கி கொடுத்தது நான் தான் என்ற விஷயம் மகாலட்சுமிக்கு தெரிந்தால் என்னவாகும் என பயந்து கொண்டிருக்கிறார். அப்போது ராமின் தங்கைகள் எல்லாரும் வந்து செக்யூரிட்டியை இங்க இருந்து ஓடி போய்ட்டு என மிரட்டுகின்றனர், வீட்டு வேலைக்காரி செல்வியும் உயிர் முக்கியம்னா இங்க இருந்து ஓடிடு என சொல்ல செக்யூரிட்டி அங்கிருந்து ஓடி விடுகிறான்.
அடுத்தடுத்தாக மது தற்கொலைக்கு முயன்ற விஷயம் தெரிந்து ராஜசேகர் ஹாஸ்பிடல் வர அர்ச்சனா டீம் அவரை உள்ளே விடாமல் தடுத்து நிறுத்துகின்றனர். சீதா வெளியே வந்து அப்பாவை உள்ளே அழைத்து செல்ல முயற்சி செய்கிறாள். நீங்க தான் மது உங்க பொண்ணே கிடையாதுன்னு சொல்லிடீங்களே, அவ உங்களை பார்க்க விரும்ப மாட்டா என்று அர்ச்சனா டீம் சொல்ல சீதா எல்லாரையும் தாண்டி ராஜசேகரை உள்ளே அழைத்து செல்கிறாள்.
பிறகு சீதா மதுவை எழுப்பி அப்பா வந்திருக்கும் விஷயத்தை சொல்ல மதுமிதா தனக்கு அப்பாவை பார்க்க விருப்பம் இல்லை என்று சொல்லி அதிர்ச்சி கொடுக்கும் காட்சிகள் இன்றைய எபிசோடில் இடம் பெறுகிறது.