தமிழின் பிரபலமான தொலைக்காட்சியாக ஜீ தமிழ் உள்ளது. இந்த தொலைக்காட்சியில் தினமும் இரவு 9 மணிக்கு ஒளிபரப்பாகும் பிரபலமான தொடர் கார்த்திகை தீபம். நேற்றைய எபிசோடில் கார்த்திக்கிற்கு தீபா உருவத்தில் வரும் கீதா தரும் தொல்லையுடன் முடிய, இன்று மற்றும் நாளையும் நடக்க போவது என்ன? என்பது குறித்து பார்க்கலாம் வாங்க.
ஆரத்தி எடுக்கத் தெரியாத கீதா:
கீதாவுக்கு காபி கொடுக்கும் கார்த்திக்கிற்கு ஆனந்த் போன் செய்து அம்மாவை டிஸ்ஜார்ஜ் செய்து அழைத்து வருவதாக கூறுகிறான். மேலும், ஆரத்தி ஏற்பாடுகளை செய்து வை என்றும் சொல்ல கார்த்திக்கும் ஓகே சொல்கிறான். அப்போது, "கீதாவை ஆரத்தி எடுக்க சொல்லணுமே.. அவ என்ன சொல்லுவா?" என்று பயப்படுகிறான்.
பிறகு கீதாவிடம் விஷயத்தை சொல்கிறான். அதற்கு கீதாவோ "ஆரத்தினா" என்று கேட்க, பெருமூச்சுடன் கார்த்திக் "சரியா போச்சு" என்று கடுப்பாகிறான். பிறகு ஆரத்தி என்றால் என்ன என்று விளக்கி எப்படி எடுக்க வேண்டும் என்பதையும் செய்து காட்ட, கீதாவோ "நீ தான் நல்லா எடுக்கிறியே, நீயே எடுத்துடு" என்கிறாள்.
"இதெல்லாம் பெண்கள் தான் எடுப்பாங்க, அது தான் சம்பிரதாயம்" என்று சொல்ல கீதாவும் ஓகே சொல்கிறாள். பிறகு அபிராமி வீட்டிற்கு வர கீதா "ஹாய் ஆண்ட்டி" என்று சொன்னதும் அனைவரும் அதிர்ச்சியில் உறைகின்றனர். கார்த்திக் தீபாவுக்கு தலையில் அடிபட்டதால் இப்படி நடந்து கொள்வதாக சமாளிக்கிறான்.
ஐஸ்வர்யா முகத்தில் ஆரத்தியை ஊத்தும் கீதா:
பிறகு கீதா ஆரத்தி எடுத்து அதை ஐஸ்வர்யா முகத்தில் ஊற்றி விட ஐஸ்வர்யா நம்ம மீது இருக்கும் கோபத்தை
தான் இப்படி மறைமுகமாக காட்டுவதாக புரிந்து கொள்கிறாள். அதன் பிறகு அபிராமி பூஜையறையில் சாமி கும்பிட்டு விட்டு சீக்கிரம் கார்த்திக், தீபாவிற்கு கல்யாணம் செய்யணும் என்று சொல்ல, கீதா இப்போ எதுக்கு அதெல்லாம் என்று கோபப்படுகிறாள்.
அதைத்தொடர்ந்து கார்த்திக் கீதாவை தனியாக அறைக்குள் அழைத்து சென்று "நான் சமாளித்து கொள்கிறேன், நீங்க டென்ஷன் ஆக வேண்டாம்" என்கிறான். தர்மலிங்கமும் ஜோதியும் தீபா என நினைத்து, கீதாவிடம் பேச அவ "உங்க வேலையை மட்டும் பாருங்க" என்று கோபப்பட இருவரும் தீபா இப்படி எல்லாம் பேச மாட்டாளே என்று குழப்பம் அடைகின்றனர்.
அடுத்து நடக்கப்போவது என்ன?
அடுத்து கார்த்திக் மற்றும் கீதா ரூமுக்குள் பேசி கொண்டிருக்க ஐஸ்வர்யா அதை ஒட்டு கேட்டு கொண்டிருக்க, வெளியே வந்த கீதா இதை பார்த்து விட்டு அவளை பிடித்து திட்டி விடுகிறாள். பிறகு ஐஸ்வர்யா அம்மாவுக்கு போன் செய்து விஷயத்தை சொல்லி கொண்டிருக்க அருண் ரூமுக்குள் வருகிறான்.
மொத்தத்தையும் பேசி முடித்த ஐஸ்வர்யா பக்கத்தில் அருண் உட்கார்ந்து இருப்பதை பார்த்து அதிர்ச்சி அடைகிறாள். இப்படியான நிலையில் அடுத்து நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காண தவறாதீர்கள்.