ஜே.எஸ்.கே சதீஷ்குமார் பிரபல தமிழ் திரைப்பட தயாரிப்பாளர் மற்றும் நடிகரும் ஆவார். தங்க மீன்கள், இதற்கு தானே ஆசைப்பட்டாய் பாலகுமாரா, குற்றம் கடிதல், தரமணி, பரதேசி எனப் பல முன்னணி திரைப்படங்களை இவரது ஜே.எஸ்.கே திரைப்பட நிறுவனம் தயாரித்துள்ளது. தயாரிப்பாளராக மட்டுமின்றி 'தரமணி' திரைப்படத்தில் துணை நடிகராகவும் நடித்துள்ளார். மேலும் 'பேரன்பு' திரைப்படத்தில் சிறப்பு தோற்றமும் கொடுத்திருந்தார். அருண் விஜய்யின் 'அக்னி சிறகுகள்' திரைப்படத்தில் முக்கிய கதாபாத்திரத்தில் நடித்த இவர், பிந்து மாதவியின் 'யாருக்கும் அஞ்சேல்' திரைப்படத்தில் வில்லனாகவும் நடித்துள்ளார். இவர் சிறந்த தயாரிப்பாளருக்கான தேசிய விருதும் பெற்றுள்ளார்
துணை இயக்குனர்கள் தேவை!
சிறந்த தயாரிப்பாளருக்கான பல விருதுகளையும் வென்றுள்ளார் ஜே.எஸ்.கே சதீஷ்குமார். இந்நிலையில் இன்று ஜே.எஸ்.கே திரைப்பட நிறுவனத்திற்கு புதிதாக உதவி இயக்குனர்கள் தேவை என்று அறிவிப்பை தனது முகநூல் பக்கத்தில் வெளியிட்டுள்ளார் சதீஷ். அந்த அறிவிப்பு விளம்பரத்தில் உதவி இயக்குனர்கள் தேவை என்று குறிப்பிடப்பட்டுள்ளது.மேலும் உருவாக உள்ள புதிய திரைப்படத்திற்கு அனுபவமிக்க உதவி இயக்குனர்கள் தேவை ஆண் பெண் என இருபாலர்களும் விண்ணப்பிக்கலாம் என அறிவிக்கப்பட்டுள்ளது.
சிறப்பு தகுதிகளாக சில வருடங்கள் திரைப்படம், குறும்பட அனுபவம் இருத்தல் அவசியம். சிறந்த பேச்சுத் திறனும், திரைக்கதை எழுதுதல் மற்றும் டைப் செய்தலில் திறன் வாய்ந்தவர்களாக இருக்க வேண்டும் எனத் தகுதிகள் குறிப்பிடப்பட்டுள்ளன. மேலும் விருப்பமுள்ள நபர்கள் அவர்களது விபரங்களை குறிப்பிடப்பட்டுள்ள வாட்ஸ் அப் எண்ணிற்கு அனுப்புமாறு தெரிவிக்கப்பட்டுள்ளது. முக்கிய குறிப்பாக தொலைபேசியில் அழைப்பு விடுக்க வேண்டாம் என்றும் தெரிவிக்கப்பட்டுள்ளது. இந்த வாய்ப்பை பயன்படுத்திக்கொள்ளுங்கள் என்ற பின்குறிப்புடன் இந்த பதிவை பதிவிட்டுள்ளார் ஜே.எஸ்.கே சதீஷ்குமார்.
வாய்ப்புக்காக காத்திருக்கும் இளம் இயக்குநர்களுக்கு முன்னணி திரைப்பட நிறுவனத்தில் வேலை பார்க்க இது ஒரு நல்ல வாய்ப்பாக அமையும் என எதிர்பார்க்கப்படுகிறது