சன் டிவியில் ஒளிபரப்பாகும் எதிர்நீச்சல் (Ethirneechal) தொடரில் ஈஸ்வரியை சாருபாலாவிற்கு எதிராக சேர்மேன் போஸ்டுக்கு நிற்கவைப்பதாக எலக்ஷன் அறிக்கையை விடுத்துள்ளார் குணசேகரன். ஜனனி குணசேகரனிடம் நிபந்தனை வைக்கிறாள். அப்படி அப்பத்தாவின் இந்த விபத்துக்கு காரணம் ஜீவானந்தம் இல்லை என்பது நிரூபிக்கப்பட்டால், குணசேகரன் அவர்கள் வழியில் தலையிடக்கூடாது என்பதுதான் அந்த நிபந்தனை. இதை கேட்டு வீட்டில் உள்ள ஆண்கள் மற்றும் விசாலாட்சி அம்மா அதிர்ச்சி அடைகிறார்கள்.
சக்தியும் ஜனனியும் அப்பத்தாவின் வழக்கை மறுவிசாரணை செய்ய வேண்டும் என தொடர்ந்த வழக்கு சம்பந்தமாக குணசேகரசனை கைது செய்வதற்காக போலீஸ் இன்ஸ்பெக்டர் குணசேகரன் வீட்டுக்கு வருகிறார். அப்படி எல்லாம் அண்ணனை அனுப்ப முடியாது என கதிர் சொல்ல போலீஸ் ஃபோர்ஸ் வரவைத்து அள்ளிக்கொண்டு போவது போல ஆகிவிடும், இந்த வழக்கு மேல் அதிகாரிகள் வரை சென்றுள்ளது என்பதால் குணசேகரனை அழைத்து தான் செல்ல வேண்டுமென சொல்கிறார் போலீஸ் இன்ஸ்பெக்டர். அத்துடன் நேற்றைய எபிசோட் முடிவுக்கு வந்தது.
அதன் தொடர்ச்சியாக இன்றைய எபிசோடுக்கான ப்ரோமோ வெளியானதில் குணசேகரன் போலீசுடன் செல்கிறார். அப்போது பின்னால் வந்த சக்தியையும் ஜனனியையும் பார்த்து "நான் திரும்ப வர்றதுக்குள்ள இரண்டு பேரும் ஓடி போயிடனும்" என மிரட்டி விட்டு செல்கிறார்.
போலீஸ் ஸ்டேஷனுக்கு குணசேகரனை அழைத்து சென்றபோது அங்கே சாருபாலா இருப்பதை பார்த்து "இந்த அம்மாவுக்கு இங்க என்ன வேலை?" என நக்கலாக கேட்கிறார் குணசேகரன். அதற்கு சற்றும் அசராத சாருபாலா "இது போலீஸ் ஸ்டேஷன். இது ஒரு பொது இடம். இங்க யார் வேணாலும் வரலாம், யார் வேணாலும் போகலாம்" என சொல்ல வாயடைத்து போய் நிற்கிறார் குணசேகரன். அப்பத்தாவுடைய வழக்கை சாருபாலாதான் விசாரிக்க போகிறார் என்பது அவருக்கு தெரியாது.
வீட்டில் ஜான்சி ராணி மீண்டும் தனது வேலையை ஆரம்பித்துவிட்டார். ஆதிரையை மறுபடியும் கொடுமைப்படுத்த, கடுப்பான ஆதிரை, கரிகாலன் கட்டிய தாலியை அறுத்து எறிகிறாள். அதனால் அவளின் முடியை பிடித்து அடிக்க சென்ற ஜான்சி ராணியை பாய்ந்து சென்று பளார் என அறைந்து விடுகிறாள் ஈஸ்வரி. "நானும் பார்த்துட்டே இருக்கேன். எங்க வீடு பொண்ணு மேல கை வைக்குற நீ" என சொல்லி பெண்கள் அனைவரும் அவளை வீட்டை விட்டே வெளியே தள்ளுகிறார்கள். இது தான் இன்றைய எதிர்நீச்சல் (Ethirneechal) எபிசோடுக்கான ஹிண்ட்.
குணசேகரன் மீண்டும் திரைப்படங்களில் பிஸியாகிவிட்டார் போல தெரிகிறது. அதனால் அவரை ஜெயிலுக்கு செல்வதாக காட்டி எதிர்நீச்சலில் இருந்து பிரேக் கொடுக்கிறார்கள் என ரசிகர்கள் கருத்துக்களை தெரிவித்து வருகிறார்கள்.