ஜீ தமிழ் தொலைக்காட்சியில் திங்கள் முதல் வெள்ளி வரை தினமும் இரவு 7.30 மணிக்கு ஒளிபரப்பாகி வரும் பிரபலமான சீரியல் சீதா ராமன். இந்த சீரியலின் நேற்றைய எபிசோடில் ராமுடன் முதலிரவு நடந்த விஷயத்தை சீதா மகாவிடம் சொல்ல, அவள் அதிர்ச்சியான நிலையில் இன்று நடக்க போவது என்ன என்பது குறித்து பார்க்கலாம்.
சீதா மகாவிடம் “ராம் பெண் குழந்தை கேட்கிறார், நான் ஆண் குழந்தை கேட்கிறேன்” என்று சொல்லி மேலும் வெறுப்பேற்றி கொண்டிருக்க, அங்கு வரும் ராம் "நேற்று பார்த்த வெட்கம் இன்னமும் உன்னை விட்டு போகவே இல்ல, உன்னை தினம் தினம் இப்படி பார்த்துட்டே இருக்கனும்" என சொல்கிறான்.
இதையெல்லாம் கேட்கும் மகா இருவருக்கும் முதலிரவு நடந்தது உண்மை தான் என்பதை புரிந்து கொண்டு வீட்டிற்கு வந்து செம டென்ஷனாக இருக்கிறாள். செல்வி தண்ணீர் கொண்டு வர, கண்ணாடி டம்பளரை தூக்கிப் போட்டு நடந்த விஷயங்களை சொல்லி சேதுவிடம் கோபப்பட, துரை சந்தோசப்படுகிறார்.
பிறகு துரை ராம் சீதா வீட்டிற்கு ஸ்வீட்டுடன் வந்து வலது சொல்கிறார். இங்கே மகா அர்ச்சனாவிடம் “அவளுக்கு குழந்தை பிறந்துட்டா, சேது அவங்களை சேர்த்துப்பார். அதுக்கப்புறம் அவ ராஜ்யமாக தான் இருக்கும்” என ஆவேசப்பட, இதைக் கேட்ட அஞ்சலி மற்ற சகோதரிகளிடம் சென்று சொல்ல மூவரும் சேர்ந்து கத்தியை எடுத்து கொண்டு சீதாவை தாக்க கிளம்புகின்றனர்.
சீதாவிடம் நல்லவர்கள் போல நடித்து பிறகு அவளைத் தாக்க முயற்சிக்கின்றனர். இப்படியான நிலையில் இன்றைய சீதாராமன் எபிசோட் நிறைவடைகிறது.