ஜீ தமிழ் தொலைக்காட்சியில் திங்கள் முதல் சனி வரை தினமும் இரவு 9 மணிக்கு ஒளிபரப்பாகி வரும் பிரபலமான சீரியல் ‘கார்த்திகை தீபம்’.
இந்த சீரியலின் நேற்றைய எபிசோடில் ரூபஸ்ரீ, பல்லவி என்ற பெயரில் தீபாவை கார்த்தியிடம் பேச வைத்து அவனை ஏமாற்றிய நிலையில், இன்று நடக்க போவது என்ன என்பது குறித்து பார்க்கலாம்.
தீபா பூஜையறையில் முருகன் சிலை முன் நின்று, “எனக்கு மட்டும் ஏன் இப்படியெல்லாம் நடக்குது?” என வருத்தப்பட்டு வெளியே வர, மைதிலி, “மனசுக்குள் இவ்வளவு காதலை வச்சிட்டு ஏன் மறைக்கிற?” என்று கேட்க, தீபா, “இந்தக் கல்யாணம் முறையில்லாமல் நடந்தது, அதனால் அவங்களுக்கும் மனவருத்தம் இருக்கும்ல” என்று சொல்லிக் கொண்டிருக்க, அப்போது கார்த்திக் வெளியே வருகிறான்.
மேலும் கார்த்திக் ஊருக்கு கிளம்ப, எல்லாரும் ஒன்று சேர்ந்து அவனை வழியனுப்ப, தர்மலிங்கம் ஒரு நிமிஷம் தம்பி எனத் தடுத்து நிறுத்துகிறார். தீபாவை தரதரவென கோயில் ஒன்றிற்கு அழைத்து சென்று, “நீதான் அவர் வேணான்னு முடிவு பண்ணிட்டல, அப்புறம் அவர் கட்டின தாலி எதுக்கு உன் கழுத்துல இருக்கணும்” என கேட்டு ஷாக் கொடுக்கிறார்.
மேலும் தாலியைக் கழட்டி உண்டியலில் போட்டு விடு என்று சொல்ல, தீபா தாலியைப் பார்த்து என்னால முடியாது என்று சொல்லி அங்கிருந்து ஓடி விடுகிறாள். இப்படியான நிலையில் இன்றைய கார்த்திகை தீபம் எபிசோட் நிறைவடைகிறது.