தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் வெள்ளி வரை தினமும் இரவு 7 மணிக்கு ஒளிபரப்பாகி வரும் பிரபலமான சீரியல் சந்தியா ராகம்.
இந்த சீரியலின் நேற்றைய எபிசோட்டில் மாயாவுக்கு போதை தெரிய வைத்து சந்தியாவுக்கு திதி கொடுக்க ஜானகி ஏற்பாடு செய்திருந்த நிலையில், புவனேஸ்வரி ரகுராமிடம் இந்த விஷயத்தை கொளுத்திப் போட, அவர் கோபமாக குளத்தங்கரைக்கு கிளம்பினார். இந்த நிலையில் இன்று நடக்கப் போவது என்ன என்பது குறித்து பார்க்கலாம் வாங்க.
அதாவது மாயா குளத்தில் மூழ்கி விட்டு எழுந்து வர, ஜானகி அவள் மீது துண்டை போட்டு திதி கொடுக்க உட்கார சொல்கிறாள். இந்த நேரம் பார்த்து ரகுராம் டென்ஷனாக இங்கு வந்து “பெண்கள் திதி கொடுக்கக் கூடாது, உனக்குத் தெரியாதா?” என ஜானகியிடம் சத்தம் போடுகிறார்.
மாயா “எங்க அம்மாவோட ஆத்மா சாந்தியடையும் அதுக்காக நான் திதி கொடுப்பேன்.. என்ன விட்டா எங்க அம்மாவுக்கு வேற யாரு திதி கொடுப்பா?” என்று கேட்க, ரகுராம் “நான் கொடுக்கிறேன்” என்று சொல்லி துண்டை வாங்கிக் கொண்டு சென்று குளத்தில் மூழ்கி எழுந்து வந்து உட்கார்ந்து திதி கொடுக்கிறார்.
கொடுத்து முடித்த பிறகு “கிஷோர் இல்லை என்ற காரணத்தினால் நான் திதி கொடுக்க வேண்டியதுதான் போச்சு, அதற்கு காரணம் சந்தியாவுக்கு யாரும் இல்ல அவரு அனாதை என்பதால் தான்” என்று சொல்ல மாயா இதைக் கேட்டு கோபத்தோடு வீட்டிற்கு வந்து விடுகிறாள்.
பிறகு ரகுராம் சட்டை இல்லாமல் வீட்டிற்கு நடந்து வந்து கிணற்றின் அருகே சென்று தலையில் தண்ணீர் எடுத்து ஊற்றிக் கொள்ள எல்லோரும் அங்கு கூடி விடுகின்றனர். ஜானகி பத்மாவிடம் டவல் எடுத்து வந்து கொடுக்க சொல்கிறாள். அவளின் எடுத்து வந்து கொடுக்க அதை வாங்கிய ரகுராம் கோபப்பட்டு தூக்கி வீச அது மாயாவின் முகத்தில் போய் விழுகிறது.
“இன்னைக்கு நடந்த எல்லாத்துக்கும் காரணம் இவ இந்த வீட்ல இருப்பது தான்” என மாயாவை குற்றம் சாட்டுகிறார். இப்படியான நிலையில் அடுத்ததாக நடக்க போவது என்ன என்பது குறித்து அறிய இன்றைய எபிசோடைப் பார்த்து தெரிந்து கொள்ளலாம்.
மேலும் படிக்க