பாக்கியலட்சுமி சீரியலில் கோபி வீட்டில் ராதிகாவின் சமையல் பற்றி விமர்சனம் செய்யும் காட்சிகள் இன்றைய எபிசோடில் இடம் பெறுகிறது.
எதிர்பார்ப்புகள் நிறைந்த பாக்கியலட்சுமி
விஜய் டிவி சீரியலில் ஒளிபரப்பாகும் சீரியல்களில் பாக்கியலட்சுமி சீரியல் ரசிகர்களின் ஆல்டைம் ஃபேவரைட்டாக உள்ளது.
இந்த சீரியலில் கோபியாக நடிகர் சதீஷ்குமார், பாக்கியலட்சுமியாக நடிகை சுசித்ரா ஷெட்டி, ராதிகாவாக நடிகை ரேஷ்மா ஆகியோர் நடிக்கின்றனர். இந்த சீரியலின் ஹீரோ கோபி, குடும்பத்திற்காக மனைவி பாக்யாவை பிடிக்காமல் அவரோடு சகித்து கொண்டு வாழுகிறார். அந்த சமயத்தில் தன்னை சந்திக்கும் முன்னாள் காதலி ராதிகா மீது, அவருக்கு மீண்டும் காதல் துளிர்கிறது. இதற்காக கோபி செய்யும் ஒவ்வொரு தகிடு தத்தங்கள் என்னென்ன என்பதான திரைக்கதை சுவாரஸ்யமாக சென்ற நிலையில் கடந்த சில மாதங்களாக எபிசோட்கள் அடுத்தடுத்து எதிர்பாராத திருப்பங்களை ஏற்படுத்தி வருகிறது.
குறிப்பாக பாக்யாவை விவாகரத்து செய்த நிலையில், ராதிகாவை திருமணம் செய்து கொண்டு தனது குடும்பத்தினருக்கு கோபி அதிர்ச்சியளித்தார். அதன் தொடர்ச்சியாக பாக்யா குடும்பம் இருக்கும் வீட்டிற்கு எதிர் வீட்டிலே இருவரும் மயூவுடன் குடியேறுகிறார்கள். இதன் பின்னர் நடக்கும் காட்சிகள் பெரும் எதிர்பார்ப்பை ஏற்படுத்தியுள்ள நிலையில், இன்றைய எபிசோடில் என்ன நடந்தது என பார்க்கலாம்.
மயூவை சேர்த்துக் கொள்ளும் ராமமூர்த்தி
ராமமூர்த்தி, இனியா இருவரும் கேரம் விளையாட அதை மயூ ஏக்கத்தோடு பார்க்கிறாள். உடனே ராமமூர்த்தி இனியாவிடம் ராதிகா பேசுவது பற்றி கேட்கிறார். அதற்கு அவங்க என்னை நல்லா தான் பார்த்துக்கிறாங்க. நான் தான் பேசல என இனியா சொல்கிறார். பெரியவங்க பண்ண தப்புக்கு சின்ன பிள்ளைங்க என்ன பண்ணுவாங்க என சொல்லி மயூவை அழைத்து 3 பேரும் கேரம் போர்டு விளையாடுகிறார்கள்.
அப்போது வீட்டுக்கு தேவையான பொருட்களை வாங்கி வரும் கோபி, இதனைப் பார்த்து சந்தோசமடைகிறார். உடனே உள்ளே சென்று ராதிகாவிடம் நடந்ததை சொல்லி மகிழ்கிறார். உடனே சாப்பாடு ரெடி பண்ணு என கோபி சொல்ல, ராதிகா கோபத்துடன் செல்கிறார். ராமமூர்த்தியும் என் பேத்திக்கு, பசிக்குது சாப்பாடு ரெடி ஆகிட்டா என கேட்டு ராதிகாவை வம்பிழுக்கிறார்.
ஈஸ்வரியை மிரட்டும் பாக்யா
இந்த பக்கம் சாப்பாடு ரெடி பண்ணிவிட்டு பாக்யா, அனைவரையும் அழைக்க ஈஸ்வரி வர மறுக்கிறார். அவரை வற்புறுத்தி பாக்யாவும், செழியனும் சாப்பிட அழைத்து வருகின்றனர். அப்போது செல்வி ராதிகா முதல்ல கோபி, 2வதாக ராமமூர்த்தி ஐயான்னு மயக்குச்சு.
எனக்கென்னமோ அடுத்து செழியன் தான் நினைக்கேன். ஜெனி பத்திரமா பார்த்துக்கம்மா என கிளப்பி விட அனைவரும் அதிர்ச்சியடைகின்றனர். செல்வி பேச்சால் டென்ஷனாகும் பாக்யா அவரை அழைத்து உப்பை அள்ளி வாயில் போட்டு விடுகிறார். செழியனிடம் ஈஸ்வரி, அப்படி எல்லாம் நடந்தா பாட்டியை அடுத்து பார்க்கவே முடியாது என சொல்ல, ஜெனி கொலையே பண்ணிடுவேன் என மிரட்டல் விடுக்கிறார்.
மாட்டிக் கொண்ட ராதிகா
சாப்பாடு எல்லாம் ரெடி பண்ணிட்டு அனைவரும் அமர, ராதிகா ராமமூர்த்தியை எப்படி அழைக்க என தயங்குகிறார். ஆனால் மாமா என அழைக்குமாறு கோபி சொல்ல, அப்படி எல்லாம் சொல்ல முடியாது என சாப்பிட வாங்க என ராதிகா கூப்பிடுகிறார். உள்ளே வரும் ராமமூர்த்தி ராதிகா செய்த சாப்பாட்டை குறை சொல்கிறார். இதனால் ராதிகா கோபமடைய, கோபி சாப்பாடு நல்லா இருக்கிறது என சொல்லி சமாளிக்கும் காட்சிகளோடு இன்றைய எபிசோடு நிறைவடைகிறது.