சூப்பர்ஹிட் தமிழ் சீரியலான பாரதி கண்ணம்மாவின் புதிய கண்ணம்மாவாக இனி வினுஷா தேவி என்பவர் நடிக்க உள்ளார். கர்ப்பிணியாக வீட்டை விட்டு வெளியேறும் அபலைப் பெண் தனது வாழ்வில் எதிர்கொள்ளும் சவால்களை மையமாக வைத்து உருவாகி வருவது பாரதி கண்ணம்மா சீரியல். இதில் கண்ணம்மாவாக நடித்து வந்த ரோஷ்னி ஹரிபிரியன் திடீரென சீரியலில் இருந்து விலகிக் கொள்வதாக அறிவித்தார். இது ரசிகர்களிடையே பெரும் சலசலப்பை ஏற்படுத்தியது. ரோஷ்னி சினிமாவில் வாய்ப்புகள் வந்ததால்தான் விலகியதாகக் கூறப்படுகிறது.
இதற்கிடையே புதிய கண்ணம்மாவைத் தேடும் படலத்தில் சீரியல் குழுவினர் ஈடுபட்டனர். இறுதியாகத் தற்போது வினுஷா என்பவர் அந்தக் கதாப்பாத்திரத்தில் நடிக்க உள்ளார். வினுஷா டிக்டாக்கில் ‘திமிரு’ ஸ்ரேயா கதாப்பாத்திரத்தில் நடித்துப் பிரபலமானவர். இவர் அச்சு அசலாக ரோஷ்னி போலவே இருப்பதால் ‘எப்படி அவரைப் போலவே ஒருவரைத் தேடிப்பிடித்துள்ளனர்?’ என ரசிகர்கள் ஆச்சரியத்தில் ஆழ்ந்துள்ளனர்.