தமிழ் தொலைக்காட்சியில் மிகவும் கவனத்தை ஈர்த்த ஒரு ரியாலிட்டி நிகழ்ச்சி என்றால் அது பிக்பாஸ்தான். இந்த நிகழ்ச்சி 2017-ஆம் ஆண்டு தமிழில் தொடங்கப்பட்டது. அப்போது இதை பார்ப்பதில் மக்களுக்கு சிறிய தயக்கம் இருந்தது. எனினும் அந்த சீசன் சூடுபிடிக்க தொடங்கிய உடன் பலர் அதற்கு ரசிகர்களாக மாறத் தொடங்கினர். இந்த நிகழ்ச்சியை பிரபல நடிகர் கமல்ஹாசன் தொகுத்து வழங்கி வருகிறார். தற்போது வரை 4 பிக்பாஸ் சீசன்கள் முடிந்துள்ளன.
இந்நிலையில் ஐந்தாவது பிக்பாஸ் நிகழ்ச்சி எப்போது தொடங்கும் என்ற ஏக்கம் ரசிகர்களிடையே ஏற்பட்டுள்ளது. கடந்த ஆண்டு கொரோனா பாதிப்பு காரணமாக எப்போது ஜூன் மாதத்தில் தொடங்கும் நிகழ்ச்சி அக்டோபர் மாதத்தில் தொடங்கி நடைபெற்றது. கொரோனா ஊரடங்கில் வீட்டில் இருந்த மக்களுக்கு அது நல்ல பொழுது போக்காக அமைந்தது. இந்தச் சூழலில் தற்போது சீசன் 5 வரும் செப்டம்பர் மாதத்தில் தொடங்க உள்ளதாக தகவல் கிடைத்துள்ளது.
ஏனென்றால் வரும் அக்டோபர் அல்லது நவம்பர் மாதத்தில் கொரோனா மூன்றாவது அலை வரலாம் என்று மருத்துவ வல்லுநர்கள் எச்சரித்துள்ளனர். எனவே அதற்கு முன்பாக நிகழ்ச்சியை தொடங்கி விட்டால் எந்தவித பாதிப்பும் இருக்காது என்று நிகழ்ச்சி ஏற்பாட்டாளர்கள் கருதுவதாக தகவல் கிடைத்துள்ளது. மேலும் நடிகர் கமல்ஹாசன் கொரோனா ஊரடங்கில் தளர்வுகள் அளிக்கப்பட்ட உடன் தன்னுடைய விக்ரம் படத்தின் படப்பிடிப்பில் பங்கேற்க உள்ளதாக தகவல் வெளியாகியுள்ளது. இந்தப் படபிடிப்பு ஜூலை முதல் ஆகஸ்ட் வரை செல்லும் என்று கருதப்படுகிறது. ஆகவே அவரும் செப்டம்பர் மாதம் முதல் இந்நிகழ்ச்சியை நடத்த முடியும் என்பதால் இந்த முடிவு எடுக்கப்படலாம் என்று தெரியவந்துள்ளது. இருப்பினும் இது தொடர்பான அதிகாரப்பூர்வ அறிவிப்பு இன்னும் வெளியாகவில்லை என்பது குறிப்பிடத்தக்கது.
மேலும் படிக்க: Master Chef Telugu | நானும் ஆங்கர்தான் : விஜய்சேதுபதிக்கு போட்டியாக களமிறங்கும் தமன்னா..!