தமிழ் சினிமாவில் பாடகி, டப்பிங் குரல் கொடுப்பவர் எனப் பல பரிமானங்களை கொண்டவர் சின்மயி. தன்னுடைய முதல் பாடலுக்கே தேசிய விருது பெற்றவர். அப்போது முதல் வெளிச்சத்திற்கு வந்த இவர், பல ஹிட் பாடல்களை பாடி அசத்தியுள்ளார். இவருடைய குரலில் அமைந்த சில சிறந்த பாடல்கள் என்னென்ன?


1. ஒரு தெய்வம் தந்த பூவே:


மாதவன்,சிம்ரன் நடிப்பில் வெளியான மணிரத்னம் திரைப்படம் கண்ணத்தில் முத்தமிட்டால். இந்தப் படத்தில் இப்பாடல் இடம்பெற்று இருக்கும். இந்தப் பாடலுக்கு சின்மயி தேசிய விருதை பெற்றார். இந்தப் பாடலுக்கு ஏ.ஆர்.ரஹ்மான் இசையமைத்திருப்பார். இந்தப் பாடல் வரிகளும் சிறப்பாக அமைந்திருக்கும். 


"எனது சொந்தம் நீ
எனது பகையும் நீ
காதல் மலரும் நீ
கருவில் முள்ளும் நீ


செல்ல மழையும் நீ
சின்ன இடியும் நீ
செல்ல மழையும் நீ
சின்ன இடியும் நீ.."


 



2. சர சர சாரா காத்து:


விமல் நடிப்பில் வெளியான வாகை சுட வா திரைப்படத்தில் இந்தப் பாடல் இடம்பெற்றுள்ளது. ஜிப்ரான் இசையில் சின்மயின் குரலில் இப்பாடல் சிறப்பாக அமைந்திருக்கும். 


"இத்து இத்து இத்துப்போன நெஞ்சு தைக்க
ஒத்தப்பார்வை பார்த்து செல்லு
மொத்த சொத்தை எழுதித்தாரேன் மூச்சு உட்பட


டீ போல நீ
என்னைய ஆத்துற.."


 



3. வாராயோ வாராயோ:


சூர்யா, நயன்தாரா நடிப்பில் வெளியான திரைப்படம் ஆதவன். இந்தப் படத்தில் ஹாரிஸ் ஜெயராஜ் இசையில் உன்னிகிருஷ்ணன் மற்றும் சின்மயி சேர்ந்து பாடிய சிறப்பான பாடல் இது. இந்தப் பாடலின் காட்சிகளும் சிறப்பாக இருக்கும். 


"நீயே நீயே அந்த
ஜூலியட்டின் சாயல்
உன் தேகம் எந்தன் கூடல்
இனி தேவை இல்லை ஊடல்


தீயே தீயே நான்
தித்திக்கின்ற தீயே
எனை முத்தமிடுவாயே
இதழ் முத்துக்குளிப்பாயே..."


 



4.  இதயத்தில் ஏதோ ஒன்று:


அஜித்,த்ரிஷா நடிப்பில் வெளியான என்னை அறிந்தால் திரைப்படத்தில் இந்தப் பாடல் இடம்பெற்றுள்ளது. இந்தப் பாடலில் சின்மயின் குரல் அவ்வளவு சிறப்பாக அமைந்திருக்கும். ஹாரிஸ்-சின்மயி கூட்டணியில் அமைந்த மற்றொரு சிறப்பான பாடல் இது. 


" இருப்பது ஒரு மனது
இதுவரை அது எனது என்னைவிட்டு
மெதுவாய் அது போக கண்டேனே


இது ஒரு கனவு நிலை
கலைத்திட விரும்ப வில்லை
கனவுக்குள் கனவாய் என்னை
நானே கண்டேனே..."


 



5. காதலே காதலே:


விஜய் சேதுபதி,த்ரிஷா நடிப்பில் வெளியான சிறப்பான காதல் திரைப்படம் 96. இந்தப் படத்தில் இப்பாடல் அமைந்திருக்கும். கோவிந்த் வசந்தாவின் வயலின் இசை மற்றும் சின்மயின் குரல் இப்பாடலை எத்தனை முறை கேட்டாலும் நமக்கு சலிக்காமல் இருக்கும். 


"கொஞ்சும் பூரணமே வா நீ….
கொஞ்சும் எழிலிசையே
பஞ்சவர்ண பூதம்
நெஞ்சம் நிறையுதே
காண்பதெல்லாம் காதலடி..."


 



இவை தவிர சாஹானா சாரல் தூவுதோ, உயிர் உராவதா, சொட்ட சொட்ட, கிளிமாஞ்சாரோ உள்ளிட்ட பல்வேறு ஹிட் பாடல்களை பாடியுள்ளார். அவற்றை அடுக்க ஒரு நாள் போதாது. 


மேலும் படிக்க: Actor Prasanna | நடிகர் பிரசன்னா நடிப்பில் ஹிட் ஆன பாடல்கள் !